Mea Kut Lotela Kel Jisus

Ke “Saflaiyen Fwalu”

Mea fwa aksafyeyukla?

Met tuma lutlut lun Jisus elos siyuk sel: “Mea akulin oasr tari lom a saflaiyen akwuk puspus lun fwalu?” (Mattu 24:3, New World Translation) Ke pal se el topuk kusensiyuk se inge, Jisus el tia fwak la fwalu se inge su kut muta ka fwa musalla. Meet liki pal san, el sramsram ke “akwuk puspus lun fwalu” a el orekmakin pa kas inge in sramsramkin nu ke akwuk lun politic, met kuka, a akwuk lun alu nukewa ma akwuki sin met. (Mattu 13:22, 40, 49) Paenang pa inge akwuk puspus su oasr ke nunak lal ke pal se el fwak: “Na safla a fwa tuku.”​—Mattu 24:14.

Fuka Jisus el akkalemye ke oiyen safla?

Saflaiyen akwuk lun ma puspus su oasr nununku sesumwos ka pa sie “peng mwo.” Jisus el fwak: “A mwosasu inge lun togusrai fwa sulkakinelik fwin fwalu nufon tu in ma lo nu sin mutanfwal nu kemwa; a na safla a fwa tuku.” (Mattu 24:14) Jisus el akkalemye safla lun akwuk lun ma puspus ke inkanek ouinge: “Tu in pal sa a fwa ongoiye lulap, oana tia liyeyuk ke mutamweyen fwalu nu inge, mo, a fwa tia nu tok. A len ingo fwin tia akfototoyeyuk, wanginu ikwe in moul.”​—Mattu 24:14, 21, 22.

Su fwa kunausyukla?

Met nukewa su tia lungse a kulansap nu sin Jeova a Jisus fwa kunausla. Kain in met inge su tia akos God. Jisus el fwak: “A oana in len lal Noa, a fwa ouinge ke Mwen nutin met el tuku. Tu oana in len ingo meet liki sronot, . . . elos tia etu nu ke pal se sronot tuku, a wiselosla nukewa.” (Mattu 24:36-39) Jisus el fwak la met puspus elos oasr ke sie inkanek su kol nu ke kunausten. Tusruktu, el mwulela ka la oasr ‘inkanek ousriksrik su kol nu ke moul.’​—Mattu 7:13, 14.

Ngea saflaiyen akwuk lun ma puspus inge?

Ke pal se siyukyuk ke akul nu ke tuku lal ‘a saflaiyen akwuk puspus lun fwalu,’ Jisus el topuk: “Mutanfwal fwa tuyuk lain mutanfwal, a togusrai lain togusrai, a a fwa oasr sral a kusrusr . . . a meyen ma koluk fwa yokyokelik, lungse lun met puspus fwa eoula.” (Mattu 24:3-12) Ke ma inge, peng nukewa su me akasor ke pal inge oasr kalme yok a me akkeye nu ka, la tia pat Togusrai lun God fwa use misla nu sin met akosten nukewa. Jisus el fwak: “Ke komwos liye ma inge sikyuk, komwos etu tu togusrai lun God apkuran me.”​—Luk 21:31.

Mea kom enenu in oru?

Jisus el fwak la God el “ase Mwen siefwanna isusla natul, tu el su lulalfongel fwa tia tula, a el fwa eis moul ma patpat.” (Jon 3:16) In akkalemye lulalfongi nu sin God a Mwen natul, kom enenu in etalos na paye. Ke ma inge, Jisus el fwak: “A pa inge moul ma patpat, tu elos fwa ete kom God paye mukefwanna, a Jisus Kraist su kom supalma.”​—Jon 17:3.

Taran me fosrnga a ma upa in tia kutongkomi ke inkanek in lutlut la fuka in akkalemye lungse lom nu sin God. Jisus el fwak “A komwos in sifwana sismouk, saap insiomwos sesesla ke . . . nunkala lun fwal se inge, a len sa sa tuku nu fwomwos oana sie me kaisrip. Tu ouinge a fwa tuku.” Kom fwin loang nu ke kas in sensen lun Jisus, kom fwa “ku in kaengla liki ma inge nu kemwa su fwa sikyuk.”​—Luk 21:34-36.

Ke kutu pa me akuteye ka, srike liye sapta 9, lun buk se inge Mea Baibel el Luti Na Paye?a ke sifwe se inge “Ya Kut Moul Ke ‘Len Safla’?,” ke kas English.

[Footnote]