2 Eis Etauk Sumwos ke God

“A pa inge moul ma patpat, tu elos fwa ete kom God paye mukefwanna.”​—Jon 17:3.

MEA UPA KA? Kutu met elos fwak mu wangin God. Kutu met elos lulalfongi pa mu God el tia met se, el sie ku kulana. Met nukewa su lulalfongi la el sie met na paye elos luti me luti su tia oana sie la su el na paye a ke oiya puspus el akkalemye.

FUKA KOM KU IN KUTANGLA MA UPA INGE? Sie inkanek in eis etauk ke God pa in tuni ke ma nukewa el orala. Met sap Poul el fwak: “Tu ma lal su koflana in liyeyuk, ma inge arulana kalem ke mutamweyen fwalu me, tu akilenyuk ke ma orekla, aok, ku ma patpat lal a tu el mukena God.” (Rom 1:20) Kom fwin tuni akmwoye ma orekla nukewa, kom ku in lotela ke inkanek yok ke lalmetmet a ku lun met Orekutla.​—Sam 104:24; Isaia 40:26.

Tusruktu, in eis etauk sumwos ke kain in God fuka se el, kais sie met el enenu in ikasla Kas lun God, Baibel, a tuni ma inge nu sel sifwana. Nik kom lela met puspus saye in sulela ma kom enenu in nunku ka. A, akos kas in kai lun Baibel: “Komwos in tia oana luman met fwal se inge, a komwos in ekla ke aksasu lun nunak lomwos, tu komwos in srike mea lungse lun God, su mwo a me akinsemwomwo a sumwoslanu.” (Rom 12:2) Ke sie me pupulyuk, loang akmwoye nu ke ma paye puspus su Baibel el akkalemye ke God inge.

Oasr in en God sifwana. In en God sifwana sikyak pal tausan puspus ke Baibel nufon. Met leng puspus elos orekmakin e se inge in Sam 83:18, su fwak: “Tu elos fwa ku in etu tu kom mugena, su em pangpang Jeova, kom el su Fulatlanu fwin fwalu nufon.”

Oasr pulakin lun Jeova God su el pula ke ma puspus su metu elos oru. Tokin Jeova el aksukosokyela met Israel liki sruo lalos in an Ijipt, elos pulesru ke kutu pal kas in kai mwomwo lal. Inkanek lalos in lain God “akasoryel.” Orekma lalos “akkasrkusrakyel su Met Mutal lun Israel.”​—Sam 78:40, 41.

Jeova el nunku kesr a karungin kut oana met se met se. In sramsram nu sin met tuma lutlut lal, Jisus el fwak: “Ya elos tia kukakunla luo mwon sparro ke sie penni? A wangin sie selos fwa putati nu in foko, a Papa tumomwos tia liye. A aunsifomwos nu kemwa oekyukla. Ke ma inge nik komwos sangeng: komwos saok yok liki mwon sparro puspus.”​—Mattu 10:29-31.

God el tia sulosol met. Met sap Poul el fwak nu sin met Grik in an Atens la God “el oru sin sie, mutanfwal nu kemwa su muta fwin fwalu na fon.” El fwak pa la God el “tia loes liki kutena sesr.” (Orekma 17:26, 27) Met sap Piter el fwak: “God el tia sulosol met, a in mutanfwal e nu kemwa el su sangeng sel, a oru ma sumwosmwos, el akinsemwomwoyel.”​—Orekma 10:34, 35.

MEA ME INSEMWOMWO KA? Kutu met elos “moniyuk nu sin God; a tia fwal nu ke etauk.” (Rom 10:2) Kom fwin etu ma Baibel el luti na paye ke God, kom fwa fwasr liki in kiapeyukla a kom fwa ku in “kalukyung nu yurin God.”​—James 4:8.

Ke kutu pa me akuteye, srike liye sapta 1, ke buk se inge Mea Baibel el Luti Na Paye?a ke sifwe se inge “Mea Ma Paye Ke God?,” ke kas English.

[Footnote]

[Picture on page 6]

Sie inkanek in eis etauk ke God pa in tuni ma nukewa el orala