“Komwos In Fwakak Me Siyuk Lomwos Nu Sin God”
“In ma nu kemwa ke pre a kaifwe wi sang kulo komwos in fwakak me siyuk lomwos nu sin God.”—FILIPPAI 4:6.
1. Nu sin su oasr kunokon lasr in sramsram nu se, a efu ku ma inge sie me lut na paye?
KOM fwin lungse in sramsram sumwos nu sin met kol lun mutanfwal sum, kain in me top fuka ku in akkalemyeyuk ke me siyuk lom? Saap kom ku in eis me top mwomwo su tuku sin met puspus lal, tusruktu saap tia leyukla kom in sramsram nu sin met kol inge. Tusruktu, nu sin Met Kol su yok liki met kol nukemwa, Jeova God, Fulatlanu in kosrao a fwin fwalu, el tia oru oinge. Kut ku in sramsram nu sel yen nukemwa kut oasr we a ke pal nukemwa kut lungse. Pre mwomwo a sumwos pal nukemwa God el fwa insemwomwo in long ka. (Soakas 15:29) Ma inge arlana mwo! Ya insemwomwo wi kas in kulo lasr nu ke ma inge tia mokle kut in pre pal nukemwa nu sin Sie su fwal in pangonyuk “Met su Long pre”?—Sam 65:2.
2. Mea eneneyuk tu pre el fwa me akinsemwomwo nu sin God?
2 Tusruktu, saap sie met el fwa siyuk, ‘Kain in pre fuka God el insemwomwo ka?’ Baibel el akuteye ke ma se su eneneyuk tu pre el fwa me akinsemwomwo ke el fwak: “Fwin wangin lalalfongi met elos koflanu akinsemwomwoye God, tu el su tuku nu yurin God el fwa lalalfongi tu el God, a tu el met sang moul nu selos su sokol.” (Hibru 11:6) Aok, oana ke akkalemyeyuk ke me lutlut meeta, la sie me enenu yok in orek in ku in osun nu sin God pa ke lulalfongi paye. God el insemwomwo in eis pre lun met nukemwa su osun nu sel, tusruktu elos enenu in oru ma inge ke lulalfongi a orekma mwo su akinsemwomwoye God wekunang in paye a srukye sie inse sumwos.
3. (a) Oana ke ma akkalemyeyuk ke pre lun met kulansap oaru in pal meeta, kain in ma fuka kut ku in siyuk pa in weang ke pre nukemwa lasr? (b) Kain in oiya puspus fuka pre lasr ku in akkalemyeyuk?
3 Met sap Poul el kaifwe met Kristian nukemwa in len lal: “Nik komwos nununkala in kutena ma, a in ma nu kemwa ke pre a kaifwe wi sang kulo, komwos in fwakak me siyuk lomwos nu sin God.” (Filippai 4:6, 7) Ku in ridiyuk ke Baibel me srikasrak puspus lun met su pre nu sin God ke ma puspus elos nunku ka. In masrlon met inge pa Hanna, Elaija, Hezekaia, a Daniel. (1 Samuel 2:1-10; 1 Togusra 18:36, 37; 2 Togusra 19:15-19; Daniel 9:3-21) Kut enenu in etawi me srikasrak lalos. Loang akmwoye pa nu ka la, ke kas lal Poul el akkalemye la oasr kain in pre puspus. El akkalemye ke pre in sang kulo, su pa inge pre su kut akkalemye kulo lasr ke ma God el oru nu sesr. Ke pre inge kas in kaksak ku in akkalemyeyuk pa. Pre in kaifweang in siyuk el sramsramkin ke oiyen pusisel a ke me siyuk wikin kaifwe. A kut ku in akkalemye me siyuk, ku me enenu ke kutena ma. (Luk 11:2, 3) Papa tumasr su in kosrao el insemwomwo in eis inkanek in sramsram lasr nu sel ke kutena kain in inkanek oinge.
4. Fwinne Jeova el etu me enenu lasr, efu ku kut srakna enenu in siyuk ma inge nukemwa nu sel ke pre?
4 Saap kutu metu elos e siyuk, ‘Ya Jeova el tia etu ma nukemwa kut enenu?’ Aok, el etu. (Mattu 6:8, 32) Ke ma inge, efu ku el lungse kut in pre nu sel ke me siyuk lasr nukemwa? Loang akmwoye nu ke me srikasrak inge: Oasr sie met su ma lal pa sto el ku in orala akwuk in sang me sang nu sin kutu cutomer lal. Tusruktu, in eis me sang inge, customer elos enenu in tuku nu yurin met se inge a elos enenu in siyuk ka in eis ma inge. A nu sin met nukemwa su srunga in akkalemye kafweang oinge elos akkalemye la elos tia insemwomwo nu ke me sang inge. Ke inkanek su oapana inge, kut fwin tia akkalemye me siyuk nukemwa ke inkanek lun pre ma inge ku in akkalemye la wangin insemwomwo a kulo lasr nu ke ma Jeova el ase nu sesr. Jisus el fwak: “Siyuk a komwos fwa eis.” (Jon 16:24) Ke inkanek inge, kut akkalemye lulalfongi lasr nu sin God.
Ke Inkanek fuka Kut Enenu In Sramsram Nu Sin God?
5. Efu ku kut enenu in pre in en Jisus?
5 Jeova el tia oakiye kutena kain in masap upa ke inkanek puspus la fuka kut in oru pre. Tusruktu, kut enenu in etu inkanek sumwos in sramsram nu sin God, su akkalemyeyuk ke Baibel. Ke sie me pupulyuk, Jisus el luti nu sin met kulansap nukemwa lal: “Komwos fwin siyuk kutena ma sin Papa, el fwa sot nu sumwos in Ek.” (Jon 16:23) Ke ma inge, kut enenu in siyuk ke in en Jisus ke pre lasr, in akilen Jisus oana inkanek sefwanna lun God in sang me insemwomwo lal nu sin met nukemwa.
6. Ke kut pre, oiya ku luma fuka lun manosr kut ku in oru?
6 Luma fuka ke manosr kut enenu in oru ke kut pre? In Baibel, wangin akkalemyeya la kut enenu in tu ku muta ku oru kutena oiya tu God el fwa long pre lasr. (1 Togusra 8:22; Niemaia 8:6; Mark 11:25; Luk 22:41) Ma yok sripe ka u pa in pre nu sin God ke nunak paye a in oasr inse mwo.—Joel 2:12, 13.
7. (a) Mea kalmen “amen”? (b) Fuka ma inge orekmakinyuk fwal nu ke pre?
7 Mea kalmen in orekmakin kas inge “amen”? Ma simusla el akkalemye la pa inge kas su fwal in fwak ke saflaiyen pre lasr, yokna kut fwin pre wi met puspus. (Sam 72:19; 89:52) Kas Hibru inge ʼa·menʹ el kalmekin nu ke “aok,” ku paye. Buk inge McClintock and Strong’s Cyclopedia el akuteye la yok sripe in orekmakin kas inge “Amen” ke saflaiyen pre su kalmeya pa oasr “insese ke kas nukemwa su akkalemyeyuk tari, a in siyuk in akpayeyuk ma inge.” Ke ma inge, inkanek in aksafyela pre ke kas paye inge “Amen,” pa met se su oru pre el akkalemye nunak a pulakin paye lal nu ke ma el pre ka. Ke pal se met Kristian se su aoliyen congregation ke pre el aksafyela pre lal ke kas inge, met long nukemwa elos ku in fwak pa kas se inge “Amen” ke wangin pusra ku oasr pusra in akkalemye la elos insese na paye ka a wekunang ma nukemwa su fwakyuk tari ke pre.—1 Korint 14:16.
8. Fuka ke kutu pre lasr saap oana sie nu ke pre lal Jekob a Ebream, a mea ma inge akkalemye kesr?
8 Oasr kutu pal God el lela nu sesr in akkalemye la fuka saokiya wikin yok sripaiya nu sesr ma su kut pre ka. Saap kut enenu in ekla oana Jekob in pal meeta, su el asruoki nu sin lipufon se ke fong fon se in eis sie me insemwomwo. (Genesis 32:24-26) Ku saap kutu luma a ma sikyuk enenu kut in oana Ebream, su siyuk pal nukemwa nu sin Jeova kel Lot a ke kutena met sumwosmwos su saap oasr in an Sodom. (Genesis 18:22-33) Ke oiya sepana inge kut ku in pre a siyuk sin Jeova pa ke ma puspus su arulana saok nu sesr, a in siyuk sel fwal nu ke nununku sumwos lal, lungkulang, a pakoten lal.
Mea Kut Ku In Siyuk?
9. Mea ma su yok emeet enenu in oasr ke nunak lasr ke pal kut pre?
9 Esam la Poul el fwak: “In ma nu kemwa . . . komwos in fwakak me siyuk lomwos nu sin God.” (Filippai 4:6) Ke ma inge, ke pre lasr sifwana kut ku in siyuk ke oiya nukemwa ke moul lasr. Tusruktu, ma yok emeet ke pre lasr pa enenu in ma lun Jeova. Daniel el oakiye sie me srikasrak mwo nu ke ma inge. Ke met Israel elos sun me kai ke sripen ma koluk puspus lalos, Daniel el siyuk sin Jeova ke inkanek in pakoten, fwakeng: “Nikmet patla, keyum sifwana, O God luk, ke em.” (Daniel 9:15-19) Ke inkanek oinge, ya pre nukemwa lasr akkalemye la ma yok emeet ke nunak lasr pa in akmutalye inen Jeova a akpayeye ma lungse lal?
10. Kut etu fuka la fwal in pre siyuk ma ke me enenu lasr sifwana?
10 Ne Oinge, arulana fwal pa in orala me siyuk ke me enenu lasr sifwana. Ke sie me pupulyuk, oana met sim lun sam, kut ku in pre ke etauk ku kalem lasr ke ma loal lun God. El pre: “Ase nu sik etauk, a nga fwa akos manu Lom; aok, nga fwa liaung ke insiuk na fon.” (Sam 119:33, 34; Kolosse 1:9, 10) Jisus el “kise ke pre a kaifwe ke tung ma lulap a sroninmet nu Sel su ku in molella liki mise.” (Hibru 5:7) In oru oinge, el akkalemye la fwal in siyuk ke ku fwin sie met el sun me sensen ku me srife. Ke pal se el fwakak pre lun Leum nu sin met tumal lutlut nukemwa lal, Jisus el toeni ma puspus su sie met el sifwana nunku yok ka, oana in sang nunak munas ke ma koluk a in eis mongo len nukemwa.
11. Fuka pre ku in kasre kut in tia srifeyukla ke me srife puspus?
11 Ke pre lun Leum inge, Jisus el siyuk pa ke me siyuk inge: “A tia kol kut in mel, a eiskutla liki ma koluk.” (Mattu 6:9-13) Tok el sang kas in kai: “Sano a pre, tu komwos tia ilyuk nu in me sruf.” (Mattu 26:41) Pre el arulana yok sripe ke kut sun me sruf. Saap kut srifeyuk in tia orekmakin akwuk sumwos puspus lun Baibel ke niyen orekma ku ke loom lutlut. Saap met puspus su tia met Lo elos suli kut in welulos nu ke orekma su tia fwal nu sin met Kristian. Saap elos siyuk kut in oru ma se su fwa kunausla akwuk sumwos nukemwa. Ke pal oinge, arulana mwo in akos kas in kai lal Jisus in pre—meet liki sun me srife a ke pal sun me srife—siyuk sin God in kasre kut tu kut fwa tia putatla ke me srife.
12. Mea sripe puspus lun me fosrnga su saap mokle kut in pre, a mea kut ku in sano ka nu sin Jeova?
12 Oasr kain in ma upa puspus a kain in me fosrnga puspus su pulakinyuk sin met kulansap lun God ke pal inge. Nu sin met puspus, mas a asor yok pa sropon me fosrnga yok. Orekma sulallel yok sikyuk su raunekutla orala moul in oasr me fosrnga. Ke sripen ma upa lun moul, arulana upa in eis me enenu puspus lun moul. Oasr sie me akkeye mwomwo in etu la Jeova el porongo a loang yok nu sin met kulansap nukemwa lal su sramsram nu sel ke pre in siyuk ke ma nukemwa su fwal! Sam 102:17 el akkalemye kel Jeova: “El lipsre pre lun met enenu, a tia pilesru pre lalos.”
13. (a) Kain in me enenu puspus fuka lasr sifwana fwal in fwakyuk ke pre? (b) Akkalemye sie me srikasrak ke pre oinge.
13 Paye, oasr kutena ma su ku in akkolukye orekma in kulansap lasr nu sin Jeova ku fototo lasr nu sel su ku in fwak ke pre lasr nu sel. (1 Jon 5:14) Fwin oasr kena lom in oru sulela nu ke payuk ku ke orekma ku in oru orekma yok in akyokye orekma lom in luti ke peng mwo, nikmet alolo ka in siyuk ma inge nu sin God, a in siyuk ke me kasru. Ke sie me pupulyuk, sie mutan fwusr fwin an Philippines el lungse in wi ke orekma in luti pal nukemwa. Tusruktu wangin orekma lal in sang kasrel. El fwak: “Oasr sie Saturday, Nga pre nu sin Jeova a akkalemye ke orekma lun pioneer. Tok ke len sepana inge, ke pal se Nga oru orekma in luti, Nga sang sie buk nu sin tulik fwusr se. Tokin ma inge, tulik mutan sa el fwak: ‘Kom enenu in som nu ke loom lutlut luk ke lututang in Monday.’ Nga siyuk, ‘Efu?’ El akuteye la oasr sie an ikakla nu sin sie met orekma in a nenela ke pal na sa. Nga som nu we, a elos eis yu in orekma ke pal sana. Ma nukemwa sikyuk ke pal na sa.” Pus sin Met Lo lun Jeova elos pulakin pa kain in experience inge fwin fwalu nufon. Nikmet alolo in fwakak nu sin God me siyuk lom ma tuku ke inse ke inkanek lun pre!
Fuka fwin Kut Oru Ma Koluk?
14, 15. (a) Efu ku sie met el tia enenu in tui liki pre fwinne el oru ma koluk? (b) Sayen pre lun met se sifwana, mea pa ku in kasru sie met su oru ma koluk in sifwilpa akmwoye futoto lal nu sin God?
14 Fuka pre el sang kasru fwin sie met el oru ma koluk? Ke sripen mwekin, kutu sin met su oru ma koluk elos tui ku alolo in pre. Tusruktu, tia pa inge inkanek mwo in orek. In pupulyukkin ma inge: Met pilot nukemwa ke oaksoku elos etu la fwin elos tula, elos ku in sramsram nu sin air traffic controller in siyuk me kasru. Tusruktu, fuka fwin sie pilot el alolo in sramsram nu sin controller ke sripen el mwekin in fwak la el tula? Ma inge ku in kol nu ke ongoiye! Ke inkanek oapana inge, sie met su orala ma koluk a el mwekin in pre siyuk sin God ke me kasru el ku in sun me keok upa. Sie met el tia enenu in lela pulakinyen mwekin lal ke sripen ma koluk in kutongilye in sramsram nu sin Jeova. Paye la, God el suli met nukemwa su oru ma koluk upa in pre nu sel. Met palu Isaia el kaifwe met koluk nukemwa ke len lal in pang nu sin Jeova, “tu el fwa arulana nunak munas ke ma koluk lal.” (Isaia 55:6, 7) Aok, saap sie met el enenu in ‘siyuk kulang lun Jeova’ ke inkanek in aksumwosye meet insiyel sifwana, a elan tui liki orekma koluk nukemwa, a akkalemye auliyuk paye.—Sam 119:58; Daniel 9:13.
15 Fwin oasr ma koluk sikyak, oasr sie pa sripe la efu pre el yok sripe. Met tuma lutlut Jemes el akkalemye ke sie met su enenu me kasru ke ma lun ngun: “Lela lan soloeni met elder lun surs [congregation, NW]; a elos in pre kel, . . . a Leum [Jeova, NW] El fwa taksalak.” (Jemes 5:14, 15) Aok, sie met el enenu in akkalemye ma koluk lal nu sin Jeova ke pre, tusruktu el ku in siyuk pa met elder in pre kel. Ma inge fwa kasrel in sifwilpa akmwoye futoto lal nu sin God.
Me Top nu ke Pre lun Met Puspus
16, 17. (a) Fuka Jeova el topuk pre lun met puspus? (b) Experience puspus fuka pupulyukkinyuk la pre a orekma in luti peng mwo el kupasr yok nu sin sie sin sie?
16 Pre lun met puspus eis me top ke inkanek fuka? Kutu pre el eis me top ka ke pal na sa a ke sie oiya su arlana kalem. (2 Togusra 20:1-6) Kutu pre ku in eis me top ka tokin pal loes, a me top ka el upa in akilenyuk. Oana ke ma akkalemyeyuk ke me pupulyuk lun Jisus ke sie mutan katinmas su folok nu yurin met nununku pal nukemwa, ke oiya sepana inge saap oasr pa me enenu yok in oru pre pal puspus nu sin God. (Luk 18:1-8) Tusruktu, kut ku in lulalfongi la fwin kut pre fwal nu ke ma lungse lun God, Jeova el fwa tiana fwak nu sesr: “Nik kom lokwalokye yu.”—Luke 11:5-9.
17 Met kulansap lun Jeova elos pulakin ku liye tari la pre lalos topukyuk ke pal puspus. Ke pal puspus ma inge ku in liyeyuk ku eteyuk pa ke orekma lasr in luti peng mwo. Ke sie me pupulyuk, oasr mutan Kristian luo fwin an Philippines elos kitelik me rid su tuku ke Baibel ke sie an loeloes ke mutanfwal se inge. Ke pal se elos sang tract ku me rid srisrik nu sin sie mutan, el tung. A el fwak: “Fong Nga pre nu sin God in supwema sie met in lutlut Baibel nu sik, a Nga nunku mu pa inge me top nu ke pre luk.” Tia pat tokin ma inge, mutan se inge el mutamwauk in wi ke meeting nukemwa ke Kingdom Hall. Ke sie pa an in an Southeast Asia, oasr sie mokul Kristian su tufwal in oru orekma in luti ke an lulap puspus su arlana fulat a oasr akwuk mwomwo in sang karungin ku liaung an se inge. Tusruktu, el pre nu sin Jeova, a el akpulaikyel sifwana, a utyuk nu ke loom lulap sa. El tungtung ke srungul lun sie apartment, a oasr sie mutan fwusr su ikasla srungul. Ke pal se brother se inge el akuteye ke sripen tuku lal inge, mutan fwusr sa el mutamwauk in tung. El fwak mu meet liki ke pal se inge el suk ke Met Lo lun Jeova a pre siyuk ke me kasru in konealosyuk. Brother se inge el insemwomwo in kasrel in eis etauk ke congregation lun Met Lo lun Jeova in an we.
18. (a) Fwin pre lasr eis me top, oiya fuka kut enenu in akkalemye? (b) Kut ku in lulalfongi ke mea fwin kut pre pal nukemwa?
18 Paye la, pre el sie me sang mwomwo. Jeova el akola in long a in topuk ke me siyuk lasr. (Isaia 30:18, 19) Tusruktu, kut enenu in loang akmwoye nu ka la fuka Jeova el sang me top nu ke pre lasr. Saap el sang me top ke inkanek su kut tia nunku ka. Ne oinge, kut fwin liye me kasru lal, lela kut in tia mulkunla in sang kulo a sang kas in kaksak nu sel. (1 Tessalonika 5:18) Sayen ma inge, esam pal nukemwa ke kas in kai lun met sap Poul: “In ma nu kemwa ke pre a kaifwe wi sang kulo, komwos in fwakak me siyuk lomwos nu sin God.” Aok, orekmakin pal mwomwo nukemwa in sramsram nu sin God. Ke inkanek inge, kom ku in pulakin pal nukemwa ma paye ke ma Poul el fwak ke met nukemwa su pre lalos topukyak: “A misla lun God, su alukela ma eteyuk nu kemwa, fwa liaung insiomwos [a ku lun nunak lomwos, NW].”—Filippai 4:6, 7.
Ya Kom Ku In Topuk?
• Pre lasr oasr ke kain oiya puspus fuka?
• Kom enenu in pre fuka?
• Ma puspus fuka kut ku in toeni nu ke pre lasr?
• Mea pre el ku in oru fwin sie met el orala ma koluk?
[Petsa ke sra 21]
Pre su tuku ke insiesr kasre kut in tia fuleak ke me srife
[Petsa ke sra 23]
Ke inkanek lun pre, kut akkalemye nu sin God ke kulo lasr, nunak lasr, me siyuk nukemwa lasr