Sang Mwolana Nu Sin God “Ke Oalu Sefwanna”

“Ke oalu sefwanna komwos in sang mwolana nu sin God a Papa tumun leum lasr Jisus Kraist.”​—ROM 15:6, NW.

1. Me lutlut fuka ke aksumwosye nunak tia oana sie Poul el fwak nu sin met lili nukemwa?

TIA oana sie sulela lun met Kristian nukemwa ku ma elos lungse. Tusruktu, met Kristian nukemwa enenu in tukeni fwasr ke inkanek sefwanna nu ke moul. Ya ma inge ku? Aok, kut fwin tia oru ma srisrik in oana ma upa lulap. Pa inge me lutlut su met sap Poul el sang nu sin met lili puspus in century se meet. Fuka aketeye lal ke me lutlut yok sripe inge? A fuka kut ku in orekmakin me kai lal inge in pal inge?

Yok Sripen Inse Sefwanna lun Met Kristian

2. Fuka Poul el akkalemye me enenu nu ke inse sefwanna?

² Poul el etu la inse sefwanna lun met Kristian arulanu yok sripe, a el sang me kai mwo in kasru met Kristian nukemwa in mongfusresr nu sin sie sin sie ke lungse. (Efesus 4:1-3; Kolosse 3:12-14) Fwinne oinge, tokin el sang kasru in oakiye congregation puspus a oru muteta lal nu sin met puspus ke lusen yea pus liki 20, el etu la in akkalemye inse sefwanna pal nukemwa arulanu upa. (1 Korint 1:11-13; Galetia 2:11-14) Paenang, el kaifwe met lili puspus su muta in an Rom: “Inge God lun mongfusesr a pwarak lan sot . . . tu ke inse sefwanna a ke oalu sefwanna komwos in akmwoye God a Papa tumun leum lasr Jisus Kraist.” (Rom 15:5, 6) Ke pal inge, kut enenu pa in akmwoye Jeova God “ke oalu sefwanna” oana sie u lun met kulansap lal su inse sefwanna. Fuka lupan kaifweang su kut akkalemye in akmwoye Jeova “ke oalu sefwanna”?

3, 4. (a) Oiya fuka tia oana sie yurin met Kristian nukemwa in an Rom? (b) Fuka met Kristian in an Rom elos ku in kulansapu Jeova “ke oalu sefwanna”?

³ Met Kristian puspus in an Rom elos met kawuk lal Poul. (Rom 16:3-16) Fwinne elos tuku ke kain in an puspus, Poul el eis met lili wiyel nukemwa oana “met kulo lun God.” El simusla: “Nga kulo nu sin God ke Jisus Kraist keyumwos nukemwa, tu lalalfongi lomwos pengpeng fwin fwal nukemwa.” Kalem, la met Rom elos me srikasrak mwo ke inkanek puspus. (Rom 1:7, 8; 15:14) In pal se na, kutu sin met su wi ke congregation elos tia oana sie nunak lalos nu ke kutu ma. Ke sripen met Kristian ke pal inge elos tuku ke kain in an puspus a fasin puspus, in lutlutkin kas in kai lal Poul ke el aksumwosye ma upa ku in kasrelos in kaskas “ke oalu sefwanna.”

⁴ In an Rom kut ku in liye met Ju a met Pegan su lalalfongi. (Rom 4:1; 11:13) Kutu sin met Kristian Ju elos arlanu kalem ka la elos tia enenu in tui in oru kutu fasin su elos akfulatye ye Masap lal Moses, fwinne elos etu la fasin inge tia ku in oru me molela. Ke inkanek saye, pukanten sin met Ju Kristian elos eis me kise lun Kraist in aksokosokyelos liki me kutong su elos akfulatye meet liki elos ekla met Kristian. Fwokin ma inge, pa elos ekulla kutu oiya lalos sifwanu a fasin lalos. (Galetia 4:8-11) Fwinne oinge, oana Poul el akkalemye, elos pa “met kulo lun God.” Elos nukemwa ku in sang kaksak nu sin God “ke oalu siefwanna” fwin elos sruokye nunak sumwos nu sin sie sin sie. Kut misenge saap oasr pa kain in nunak su tia oana sie ke kutu ma, paenang kut enenu in loang akmwoye nu ke ma Poul el aketeye ke masap saok ku yok sripe inge.​—Rom 15:4.

“Eis Sie Sin Sie”

5, 6. Efu ku oasr nunak tia oana sie ke congregation fwin an Rom?

⁵ Ke leta lal nu sin met Rom, Poul el sramsram ke ma sikyuk su nunak tia oana sie nu ka. El simusla: “Tu sie met el lalalfongi tu el ku in mongo ma nukemwa, a el su munas el mongo maasrik.” Efu ku oinge? Ye Masap lal Moses, ikwen pik el tia fwal in kangyuk. (Rom 14:2; Livitikus 11:7) Tusruktu, Masap el tia eneneyuk tokin mise lun Jisus. (Efesus 2:15) Tok, tokin yea tolu tafwu tokin mise lun Jisus, sie lipufon el fwak nu sin met sap Piter la ye mutan God wangin mongo enenu in nunkeyuk mu fokfok ku tia nasnas. (Orekma 11:7-12) In etauk lalos ke nunak oinge, kutu sin met Ju elos pula mu elos ku in kang ikwen pik​—ku engunkin kutu pa mongo su tia lela ye Masap meet.

⁶ Tusruktu, fwinne eteyuk tari la tia koluk in kangyuk mongo puspus su in pal meeta ma fokfok in mongo tusruktu ma inge srakna me srungeyuk nu sin kutu met Ju Kristian. Met nukemwa su munas in lalalfongi elos tukulkul in liye met Ju wiyelos in Kraist elos kang mongo oinge. Oayepa, kutu sin met Kristian su tia met Ju, ke alu lalos in pal meeta wangin masap lain in kang kutu mongo, elos lut ka la efu ku kutu met elos tukulkul ke me mongo. Paye, tia koluk nu sin sie met fwin el tia kang kutu mongo, tusruktu ke el tia kang kutu mongo ma inge tia orek ke sripen akwuk in eis moul. Fwinne oinge, srakna oasr kutu nunak su tia oana sie su ku in purakak nunak lun met puspus in mutamwauk oru akukuin in congregation. Met Kristian nukemwa fwin an Rom enenu in tia lela nunak su tia oana sie in kutongelosi in tia akmwoye God “ke oalu sefwanna.”

7. Nunak fuka tia oana sie nu ke akfulatyeyen sie len yok sie wik?

⁷ Poul el orala me srikasrak akluo: “Sie met el aksaokye sie len liki sie; sie pa el mu tu len nukemwa oana sie.” (Rom 14:5a) Ye Masap lal Moses, wangin orekma ku in orek ke Sabat. Fwinne orekma in fwafwasryesr tia ku in orek ke inaknek yok in pal se ingo. (Exodus 20:8-10; Mattu 24:20; Orekma 1:12) Tusruktu, ke pal se Masap wanginla, me kutong inge aksafyeyukla. Fwinne oinge, kutu sin met Kristian Ju elos mu tia mwo in oru kutena kain in orekma ku fwafwasryesr ke an loeloes ke len su elos nunku mu mutal. Fwinne tokin elos ekla met Kristian, elos oakiye len se akitkosr len mutal nu ke akwuk lun ma lun ngun mukena, fwinne ye mutun God Sabat wanginla. Ya elos tafongla in oru oinge? Mo, fwin elos akfulatye Sabat mu tia ma ke sripen akwuk. Ke ma inge, in kasru pulakin lun met Kristian wiyel, Poul el simusla: “Lela met nukemwa in etu mwo in nunak lal sifwanu.”​—Rom 14:5b.

8. Fwinne elos ku in akkalemye nunak sumwos nu sin kutupa met, mea met Kristian in an Rom elos tia enenu in oru?

⁸ Ke ma inge, fwinne el sang kas in akkeye met lili wiyel in mongfusesr nu selos su kaifweang ke pulakin lalos, Poul el lain na paye met su srike in mokle met wiyel in lalalfongi ke Masap lal Moses oana sie ma eneneyuk nu ke moul. Nu ke me pupulyuk, apkuran nu ke yea 61 C.E., Poul el simusla buk lun met Hibru, in oana sie leta fukoko nu sin met Kristian Ju in aketeye in arlanu kalem la in akos Masap lal Moses wanginla sripe meyen met Kristian elos oasr ke me fwinsrak mwolanu su sasu fwal nu ke me kise lun lango kel Jisus.​—Galetia 5:1-12; Taitus 1:10, 11; Hibru 10:1-17.

9, 10. Mea met Kristian elos enenu in fwasr liki? Aketeye.

⁹ Oana ke ma kut liye, Poul el aketeye la in oru kutena kain in sulela puspus enenu in tia oasr ma in kanausla inse sefwanna lun masap nu sin met Kristian. Oinge, Poul el siyuk sin met Kristian su munas in pulakin lalos: “Efu kom ku nununku met lim?” A el siyuk met su fukoko (saap nu selos su pulakin lalos sang lela nu selos in kang kutu mongo su tia lela in kangyuk ye Masap ku in oru orekma ke len Sabat): “Efu kom ku pilesru met lim?” (Rom 14:10) Nu sel Poul, met Kristian su munas pulakin lalos enenu in tia nununku ke met lili wiyelos su oasr kalem yok lalos. In pal san na, met Kristian su fukoko tia enenu in akpusiselye ku pilesru met su pulakin lalos srakna munas ke kutu an. Met nukemwa enenu in akfulatye nunak sumwos lun kutu met a tia “nunku ke [elos] sifwanu fulat liki ma fwal lan nunku.”​—Rom 12:3, 18.

¹⁰ Poul el aketeye nunak sumwos ke inkanek inge: “Tia lela nu sel su mongo in pilesru el su tia mongo, a tia lela nu sel su tia mongo in nununku el su mongo, tu God el esal tari.” Sayen ma inge, el fwak: “Kraist el ouyepa eis kut, nu ke mwolanu lun God.” Ke sripen fukoko a munas su kaksakinyuk sin God a Kraist, kut enenu in oasr nunak ku in oapana a in “eis sie sin sie.” (Rom 14:3; 15:7) Su ku in tia insese nu ka?

Lungse Nu Sin Met Lili Orala Inse Sefwanna Misenge

11. Ma sakuruk fuka sikyuk in pal lal Poul?

¹¹ Ke leta lal nu sin met Rom, Poul el akkalemye ke ma sakuruk su sikyuk. Jeova el aksafyela sie mwuleang a oakiye sie ma sasu. Kutu sin met elos arlanu upa in ekla. Ma inge tia sikyuk ke pal inge, tusruktu saap kutupal kain in luma inge ku in sikyuk.

12, 13. Mea kutu ma sikyuk su met Kristian in pal inge su elos ku in akkalemye nunak sumwos ke pulakin lun met lili wiyelos

¹² Sie me pupulyuk, sie mutan Kristian saap el wi ke sie alu su fwak la nuknuk fwal a me yun fusresr eneneyuk. Ke el eis ma paye, saap el koneak la upa nu sel in ekulla oiya lal in fwal nu ke nunak su akkalemyeyuk nu sin met la tia koluk in nukom nuknuk fwal, yun kato tia oratrat fwal nu ke pal in toeni ku in orekmakin kutusrisrik makeup. Ke sripen wangin masap lun Baibel kunausyukla, paenang tia sumwos nu sin kutu met in sapkin sie mutan Kristian in kanausla sulela lal. In pal san na, mutan se enenu in etu la el tia ku in akkolukye mutan Kristian nukemwa su pulakin lalos lela nu selos in orekmakin ma inge nu kemwa.

¹³ Tuni siepa me pupulyuk. Sie mokul Kristian saap el mutala ke sie kain in an su orekmakinyen wain tia lela nu selos. Tokin el lotela ma paye, el eis etauk sumwos lun Baibel la wain el sie me sang su tuku sin God a ku in nimyuk kutusrisrik. (Sam 104:15) El insese nu ke me luti inge. Tusruktu, ke sripen akwuk su orek ke mutanfwal lal, paenang el lungse na paye in tia nim wain, tusruktu el tia akkolukye elos su orekmakin ku nim kutusrisrik wain. Ke ma inge el orekmakin kas lal Poul: “Lela kut in fwasr tokin ma orala misla a ma su kut ku in musaiuk sie sin sie ka.”​—Rom 14:19.

14. Ma sikyuk fuka met Kristian elos ku in orekmakin in sang kalme paye nu ke me kai lal Poul nu sin met Rom puspus?

¹⁴ Ke kutupa oiya su sikyuk paenang enenu in orekmakinyuk kalme paye ke me kai lal Poul nu sin met Rom puspus. In congregation lun met Kristian oasr kain in met puspus, a oiya a lungse lalos tia oana sie. Ke ma inge, saap tia oana sie sulela lalos​—in fwal nu ke me pupulyuk, ke oiyen nuknuk a luma ku nuweyuk. Aok, Baibel el akkalemye masap su met Kristian paye elos enenu in liaung. Wangin sie sesr enenu in nukom nuknuk koluk ku orek style ke aunsife ku kalkal sakuruk ku sufwal su ku in akkalemye la kut wi ke akwuk koluk lun fwalu. (1 Jon 2:15-17) Met Kristian elos esam pal nukemwa, la fwinne ke elos mongla, elos enenu in akkalemye la elos met kulansap oaliyen Leum Ku Liki Ku in kosrao a fwalu. (Isaia 43:10; Jon 17:16; 1 Timote 2:9, 10) Tusruktu, ke oiyen inkanek puspus oasr kain in sulela puspus su fwal a mwo nu sin met Kristian.a

Tia Aktukulkulye Kutu Met

15. Nge sie met Kristian el ku in tia orekmakin sumwos lal, in akinsemwomwoye met lili puspus wiyel?

¹⁵ Oasr siepa masap saok su met sap Poul el mokle kut in tuni akmwoye ke kas in kai lal nu sin met Kristian in an Rom. Kutu pal, sie met Kristian su oasr tari etauk paye ke lutlut mwo lal ku in oru sulela lal in tia oru sie ma fwinne el ku in oru ma inge. Efu? Meyen el akilen la fwin el oru inkanek inge e ku in akkolukye kutu met. Fwin ma inge sikyuk, mea kut enenu in oru? Poul el fwak: “Mwo in tia mongo ikwe ku nim wain ku in oru kutena ma met lim fwa takulkul ka.” (Rom 14:14, 20, 21) Ke ma inge, “kut . . . su ku in eis munas lalos su tia ku, a tia akinsemwomwoye kut sifwanu. Lela kut nukemwa in akinsemwomwoye met tulan in ma mwo in musailosyuk.” (Rom 15:1, 2) Fwin ella lun sie met Kristian wiyesr ke lalalfongi el akngalyeyuk ke ma kut oru, lungse lasr nu sin met lili fwa mokle kut in nunku yok a tia oru ma inge su ku in akngalye kutu met. Sie me pupulyuk nu ke ma inge pa saap in nimnim alcohol. Sie met Kristian el lela in nim kutusrisrik wain. Tusruktu fwin ma inge orek in aktukulkulye met asrouki lal, lela el an tia suk ke lungse lal in oru ma inge.

16. Fuka kut ku in akkalemye nunak sumwos nu selos su muta ke territory lasr?

¹⁶ Kut ku in orekmakin pa masap inge ke asrouki lasr nu sin met su tia wi ke congregation lun met Kristian. Sie me pupulyuk, saap kut muta ke sie an su alu el luti met puspus su wi ke alu inge in akfulatye sie len ke wik in oana sie len in mongle. Ke sripe inge, in tia aktukulkulye met tulan lasr a orala me lain nu ke orekma lun forfor lasr, lela kut in tia oru kutena ma ke len inge su ku in aktukulkulye met tulan lasr. Ke siepa inkanek, saap sie met Kristian kasrup el som in oru orekma in kulansap lal ke sie an su oasr me enenu yok inmasrlon met sekasrup we. El ku in akkalemye nunak sumwos nu sin met tulan sasu lal inge ke inkanek in nuknuk fwal ku moulkin moul fusresr fwinne oasr ku lal in moli ku eis ma puspus su mwo liki ma inge

17. Efu ku mwo in nunku ke met puspus ke sulela su kut oru?

¹⁷ Ya nunak sumwos in tupan elos “su ku” in oru me aksumwos inge? Mwona, srike tuni akmwoye me pupulyuk inge: Fwin kasrusr ke soko inkanek, kut ngetla liye meet liki kut kutu tulik su fwasr arulanu futoto nu ke inkanek. Ya fwal kut in srakna liksreni kasrsusr ke muiyen kasrusr su masap el lela ke sripen oasr sumwos lasr in oru oinge? Mo, kut enenu in kasrusr kakasrisrik in tia oru kutena me sensen nu sin tulik. Kutu pal, fwal in kakasrisrikla, ku sroang nu ke soko inkanek, fwin fwal nu ke enenu lun met wiyesr ke lalalfongi ku kutu met. Saap kut oru sie ma su oasr sumwos lasr in oru. Wangin masap lun Baibel kanausyukla. Tusruktu, fwin kut akngalye ku akkolukye kutu met su lalalfongi lalos munas, enenu lungse lun met Kristian in akesmakinye kut in karungin orekma lasr. (Rom 14:13, 15) Sruokye inse siefwanna a akyokye peng ke Togusrai pa yok sripe liki in orekmakin sumwos lasr sifwanu.

18, 19. (a) In akkalemye nunak sumwos nu sin met puspus, fuka kut fwasr tokin me srikasrak lal Jisus? (b) Ke ma fuka kut nukemwa orekmakin in inse sefwanna, a mea fwa aketeyuki ke me lutlut toku?

¹⁸ Ke kut orekmakin inkanek oinge, kut orala me srikasrak mwomwo. Poul el fwak: “Tu Kraist ouyepa el tia akinsemwomwoyel sifwanu; a oana ma simusla: ‘Aksruksruk lalos su aksruksruke kom putatla fwuk.’ ” Jisus el insemwomwo in kisekin moul lal nu sesr. Paye kut insemwomwo in fuleak kutu sumwos lasr fwin ma inge oru “elos su munas” in kaksakin God ke inse siefwanna nu sesr. Paye, in akkalemye oiya kulang a oiya su me akinsemwomwoye met Kristian puspus su munas in lalalfongi lalos​—ku su lungse in sifwanu kosrala ma lungse lasr a tia kaifweang in kasru sumwos lasr—​ma inge akkalemye la “oasr pa yurosr nunuk mwo su akkalemyeyuk sin Kraist.”​—Rom 15:1-5.

¹⁹ Fwinne tia oana sie liye lasr ke ma puspus su masap lun Ma simusla el tia sapkin, nu ke ma puspus ke akwuk lun alu, kut kaifweang in orekma ke inse sefwanna. (1 Korint 1:10) Inse sefwanna inge akilenyuk, ke oiya ku ke me top su kut akkalemye nu selos su lain alu paye. Kas lun God el pangon met su lain inge oana metsa a sang kas in sensen nu sesr in taran ke “pusren metsa puspus.” (Jon 10:5) Fuka kut ku in akilen metsa inge? Fuka kut enenu in sang top nu selos? Kusensiyuk puspus inge e fwa aketeyuki ke me lutlut toku.

[Footnote]

Kom E Topuk Fuka?

• Efu ku in nunak tia oana sie ke ma sifwana lun sie met tia me sensen nu ke inse sefwanna?

• Efu ku kut oana Met Kristian enenu in akkalemye nunak sumwos ke lungse nu sin sie sin sie?

• Mea kutu inkanek su kut ku in orekmakin ke me kai lal Poul ke inse sefwanna ke pal inge, a ma fuka fwa mokle kut in oru oinge?

[Picture on page 22]

Me kai lal Poul ke inse sefwanna el yok sripe ke congregation

[Picture on page 24]

Met Kristian elos inse sefwanna fwinne tia oana sie oiye lalos

[Picture on page 25]

Mea driver se inge fwa oru ingena?