Tu Sumwosna A Paye
“[El] kaifwe keyumwos pal e nu kemwa in pre lal, tu komwos fwa tu sumwosna a paye in ma lungse lun God nu kemwa.”—KOLOSSE 4:12.
1, 2. (a) Mea met silalalfongi elos akilen nu sin met Kristian in pal meeta? (b) Fuka buk lun Kolosse akkalemye lungse?
MET tuma lutlut nu kemwa lal Kraist elos pwar na paye nu sin met lili wielos ke alu. Tertullian (met sim ke century akluo a aktolu C.E.) el sramsram ke kulang su elos akkalemye nu sin met mukaimtal, met sikasrup, a met matou. Me akpayeye inge nu kemwa lun lungse wikin orekma arulanu purakak insien met silalalfongi paenang kutu met elos fwak ke met Kristian, ‘Liye fuka elos lungse na paye sie sin sie.’
2 Buk lun Kolosse akkalemye kain in lungse se inge su oasr yurol Poul a Epafras nu sin brother a sister nu kemwa fwin an Kolosse. Poul el simusla nu selos: Epafras el “kaifwe keyumwos pal e nu kemwa in pre lal, tu komwos fwa tu sumwosna a paye in ma lungse lun God nu kemwa.” Ke lusen yiu 2001, Met Lo lun Jeova elos orekmakin ke yeartext lalos kas se inge in Kolosse 4:12: “Tu sumwosna a paye in ma lungse lun God nu kemwa.”
3. Epafras el pre ke ma luo fuka?
3 Kom ku in liye la pre lal Epafras ke met nu kemwa su el lungse akkalemye sripe luo: (1) tu elos in “tu sumwosna” a in (2) “paye in ma lungse lun God nu kemwa.” Me lutlut inge filiyuki nu ke Ma Simusla ke insemwomwo lasr. Ke ma inge siyuk nu sum sifwanu, ‘Mea Nga enenu in oru tu Nga ku in tu sumwos a paye in ma lungse lun God nu kemwa? A ke Nga oru ma inge, mea fwokin ma inge?’ Lela kut in liye.
Kaifweung in “Tu Sumwosna”
4. Met Kolosse elos enenu in “sumwosna” ke mea?
4 Epafras el lungse na paye la brother a sister wiel in ngun fwin an Kolosse “fwa tu sumwosna.” Kas se inge su Poul el orekmakin “sumwosna,” ku in kalmekin sumwosmwos, fwalna, matu. (Mattu 19:21; Hibru 5:14; Jemes 1:4, 25) Saap kom etu la sie met lo lun Jeova su baptais tari el tia ku in ekla met Kristian su matu in ngun el fwin tia oru kutena ma. Poul el sim leta nu sin met Efesus, su muta leyen Roto lun Kolosse, akkalemye la met seperd a met luti elos kaifweung in sang kasru “nu ke pal met nu kemwa sun lalalfongi siefwunnu, a etu Mwen Nutin God, nu ke met mwo matwe, nu ke srikasrak in lupan ma seseslanu in Kraist.” Ke fus saye Poul el kaifwe pa met Kristian in “elan met matu in nunuk.”—Efesus 4:8-13; 1 Korint 14:20.
5. Fuka kut ku in oru moul sumwosna in nien sun lasr?
5 Fwin kutu met in Kolosse elos sonna matu in ngun, ku sun matwe fwal in ngun, nien sun lalos pa in ou inge. Ya ma inge tia paye pa ke len inge? Fwinne kut baptais tari ke lusen yiu puspis ku kut fwin tufwanu baptaisla, ya kut ku in liye kapkapek lasr ke inkanek in sramsram a nunuk? Ya kut tuni meet ma sap lun Baibel meet liki kut oru sulela? Ya ma puspis ke God a me insemwomwo lun congregation arulanu kapkapek ke moul lasr, a tia sikyuk na fwinne wangin ma kut oru? Kut tia ku in sromon inkanek nu fon su kut ku in orekmakin in akkalemye kain in kapkapek inge nu ke matwe fwal, tusruktu lela kut in tuni me srikasrak luo.
6. Mea sie an su ku in oru sie met in kapek nu ke sumwosna, oanu Jeova el lungse?
6 Me srikasrak se meet pa: Lela kut in pupulyukin la kut kapek ke sie an su ngunin srisri ku orekma silolel lain met saye, sruf saye, ku met lun an saye arulanu pengpeng. Kut etu la God el tia sulosol met a kut enenu pa in ou inge. (Orekma 10:14, 15, 34, 35) Ke congregation lasr ku ke circuit lasr, oasr kutu met su wi ke sruf saye, metsa, a met in an saye, a kut muta welultal. Fwin ou inge, lupaka pulakin sesumwos a nunuk koluk su oasr ke insiesr nu sin kain in met inge? Ya kut akkalemye inse fulat selos. Ya kut akola in srukye nunuk koluk fwin sie sin met inge oru ma tafongla ku oru ma koluk srisrik nu sesr? Siyuk sum sifwanu, ‘Ya Nga enenu in akkapye nunuk tia sulosol lun God?’
7. In ekla sumwosna oanu sie met Kristian ku in toeni nunuk fuka nu sin kutu met?
7 Me srikaksrak akluo: Fwal nu ke ma simusla in Filippai 2:3, kut enenu in “tia oru kutena ma ke akukuin ku ke konkun losrongten, a ke inse pisesel lela kais sie in nunku tu elos ngie mwo lukel.” Fuka kapkapek lasr ke oiye se inge? Kais sie met oasr munas a ku yurol. Kut fwin fwusesr in liye munas lun kutu met in pal meeta, ya kut kapkapek tari, a kut tia sifwil sanoltal in oru ma nu kemwa ke inkanek “sumwosmwos”? (Jemes 3:2) Inge, yok liki meeta, ya kut ku in liye—a suk—inkanek puspis in akilen la met ngie mwo liki kut? ‘Nga insese na paye la sister se inge mwo liki yu ke mongfwusesr.’ ‘Met se inge akkalemye lalalfongi su fukoko liki.’ ‘Aok, sie met luti su mwo liki yu.’ ‘El arulanu fukoko in kutongye mulat lal.’ Saap kutu sin met Kolosse elos enenu in kapkapek ke oiye se inge. Ya kut enenu pa in oru ou inge?
8, 9. (a) Ke inkanek fuka Epafras el pre ke met Kolosse in “tu” sumwosna? (b) ‘Tu sumwosna’ akkalemye mea ke pal fwasru?
8 Epafras el pre ke met Kolosse in “tu sumwosna.” Arulanu kalem, Epafras el pre nu sin God la fwin met Kolosse elos kaifweung in sumwosna, sun matwe fwal, met Kristian matu, elos ku in “tu,” ku ou inge na pal nu kemwa.
9 Kut tia ku in fwak na paye fwin met su ekla tari sie met Kristian, fwinne el su matwe fwal tari in ngun, el tafwela na in kaifweung. Jisus el fwak la sie lipufon lun God “el tia tu in ma paye.” (Jon 8:44) A Poul el akismakinye met Korint ke met puspis in pal meeta su kulansap nu sin Jeova ke lusen sie pal tok elos tui. El sang kas in sensen nu sin met akmusrala Kristian wiel: “Ke ma inge, el su nunku mu tu el tu, lan liye tu lan tia ikori.” (1 Korint 10:12) Ma inge el sang kasru ke pre su siyuk ke met Kolosse in “tu suwosna nu ke safla.” Tokin elos fwal tari, ku sun matwe fwal, elos enenu in kaifweung, tia fuleak, tia munasla, ku patla liki. (Hibru 2:1; 3:12; 6:6; 10:39; 12:25) Ke ma inge elos fwa “sumwosna” nu ke len in tuku a oru nununku.—2 Korint 5:10; 1 Piter 2:12.
10, 11. (a) Epafras el oakiye kain in me srikasrak fuka nu sesr ke pre? (b) Fwal nu ke ma Epafras el oru, sulela fuka kom akola in oru?
10 Kut sramsram tari ke ma saok su tuku ke pre ke kutu met, orekmakin elos a siyuk sin Jeova in kasrelos, akpwaryelos, akinsemwomwoyelos, a sang nu selos ngun mutal. Pre lal Epafras ke met Kolosse orekla ke kain in oiye se inge. A kut ku in oru pa ou inge—aok kut enenu in oru ou inge—suk in kas inge nu kemwa me kasru saok ke ma kut ku in fwak nu sin Jeova ke pre lasr ke moul lasr sifwanu. Aok, kut enenu in siyuk sin Jeova ke kasru nu ke safla tu kut nu kemwa fwa “tu ku fwal nu ke safla.” Ya kom oru ou inge?
11 Efu kom tia srukak ma sikyuk sum sifwanu ke pre? Sramsram nu sin God ke lupan kapkapek lom nu ke “sumwosna,” matwe fwal, matu lun ngun. Siyuk sel in kasru kom in akilen an puspis su kom enenu in kapek we in ngun. (Sam 17:3; 139:23, 24) Wangin alollo, oasr kain in ma puspis an inge ke moul lom. Ke ma inge, lela kom in tia asor ka, a siyuk sin God in kasru kom, siyuk sel ke kapkapek su kom enenu. Oru ou inge pal nu kemwa. Aok, efu kom tia pakiye la ke wik inge kom akola in pre a siyuk tu kom in tu sumwosna nu ke saflaiye. A orala plan in oru ou inge ke kom tuni yeartext. Ke pre lom, loang yok ke kena koluk lom in fuleak, munasla, ku patla liki orekma lun God a nunku fuka kom ku in fwasr liki ma inge nu kemwa.—Efesus 6:11, 13, 14, 18.
Pre ke Paye
12. Efu yokna nu sin met Kolosse in “paye”?
12 Epafras el pre pa ke ma saye su yok sripe fwin met Kolosse elos lungse in konoiyukyuk tu elos in sumwosna nu ke safla. Ma inge ouyepa yok sripe nu sesr. Mea ma inge? El pre tu elos in “paye in ma lungse lun God nu kemwa.” Kas tia paye a lalmetmet lun met su ku in akkolukyelos raunelosla, kutu nu ke ma inge oanu luman alu paye. Ke sie me pupulyuk, oasr me purakak in akfulatye kutu len ke inkanek in lalo ku kofwo, su ke sie pal ma inge orek in alu lun met Ju. Met luti kikiap elos loang yok ke lipufon, ma orekla in ngun inge su orekmakinyuk in wis Ma Sap lal Moses. Nunku kom fwin muta ye ma upa inge nu kemwa! Oas kain in nunuk puspis su tia oanu sie a lain sie sin sie.—Galetia 3:19; Kolosse 2:8, 16-18.
13. In akilen mea ku in kasru met Kolosse, a fuka ma inge ku in kasru kut pa?
13 Poul el lain ma inge nu kemwa ke el sramsram ke kunokon lal Jisus Kraist. “Ke ma inge oanu komwos eis tari Leum Kraist Jisus, komwos in ouyepa fwafwasyesr ou inge in el, okala a musa in el, a ku in lalalfongi lomwos, aok oanu komwos lutiyuk ka tari.” Aok, oasr enenu (nu sin met Kolosse a nu sesr) ke lalalfongi ku ke kunokon lal Kraist ke akmwuk lun God a ke moul lasr. Poul el aketeye: “Tu ma nu kemwa, ma lun ma mutal mukena, on in el in luman mano. A komwos sumwosna in el, su sifwen leum nu kemwa a ku nu kemwa.”—Kolosse 2:6-10.
14. Efu ku fwinsrak sie ma paye nu selos su muta in an Kolose?
14 Met Kolosse elos met Kristian akmusrala. Oasr fwinsrak mwolanu lalos, moul in kosrao, a oasr sripe nu kemwa lalos in srukye fwinsrak inge in moul lalos. (Kolosse 1:5) Pa inge “ma lungse lun God” tu elos paye ke fwinsrak lalos. Ya oasr kutena met inmaslolos su alollo ke fwinsrak se inge? Mo wangin! Ya siena ma sikyuk ke len inge nu sin met nu kemwa su oasr fwinsrak su tuku sin God in moul ke sie paredais fwin fwalu? Mo! Arulanu kalem la fwinsrak paye inge sie ipen “ma lungse lun God.” Inge loang akmwoye ke kusensiyuk inge: Kom fwin kaifweung in wi ipen “u lulap” su akola in moula liki “ongoiye lulap,” ya fwinsrak lom arulanu paye? (Fwakyuk 7:9, 14) Ya ma inge ipen ma “paye lom in ma lungse lun God nu kemwa”?
15. Poul el akkalemye kain in me sramsram puspis fuka su el toeni fwinsrak ka?
15 In “fwinsrak” tia kalmekin la kut oanu sano ke ma se ke nunuk lasr oanu kut mwemwe fwinne kut tia motul. Kut ku in liye ma inge ke me sramsram puspis lal Poul su el akkalemye nu sin met Rom ke mutamwauk. Ke me sramsram puspis lal inge, kais sie me sramsram kol nu ke sie pa me sramsram. Loang akmwoye ke an se su Poul el filiye “fwinsrak” ke me sramsram lal: “A kut ouyepa engun in keok lasr, tu kut etu tu keok me orala mongfwusesr; a mongfwusesr orala srike, a srike orala fwinsrak, a fwinsrak tia me akmwekin; meyen lung lun God oakiyuki tari insiesr ke ngun mutal, su etuku nu sesr.”—Rom 5:3-5.
16. Ke kom lutlut ke ma paye lun Baibel, kain in fwinsrak fuka kom eis?
16 Ke pal se Met Lo lun Jeova elos akkalemye nu sum kas lun Baibel ke pal se meet, saap sie ma paye purakak pwar lom, oanu luman met mise ku sifwil moulyuk. Nu sin met puspis, ma sasu se meet ke nunuk lalos pa me luti lun Baibel ke sie paredais fwin fwalu. Esam ke pal se kom long me luti inge ke pal se meet. Sie fwinsrak mwolanu na paye pa inge—mas a matou e fwa wanginla, kom ku in insemwomwo ke fwokin orekma lom, a oasr misla inmaslon met a kosro! (Ekklisiastis 9:5, 10; Isaia 65:17-25; Jon 5:28, 29; Fwakyuk 21:3, 4) Kom eis sie fwinsrak mwolanu!
17, 18. (a) Fuka me sramsram puspis lal Poul su el akkalemye nu sin met Rom kol nu ke fwinsrak? (b) Kain in fwinsrak fuka Rom 5:4, 5 lungse in akkalemye, a ya oasr kain se inge lom?
17 Tok, kom mutamwauk in sun me lain ku kolyai. (Mattu 10:34-39; 24:9) Ke pal su tufwanu somla, Met Lo puspis in an puspis pusrapasrla koanon loom selos ku elos mokleyuk in som liki an selos tia ke lungse lalos a elos ekla met kaeng. Kutu selos akkolukyeyuk in mano, etukla lukelos me rid nutulos ke Baibel, ku elos reportiyuk ke news ke inkanek kikiap puspis. Ke kutena kolyai su kom akola in sun, Rom 5:3 el fwak la, kom ku in engun in keok lom, a ma inge ku in kol nu ke fwako mwo. Oanu Poul el simusla, keok me orala mongfwusesr nu sum. Mongfwusesr orala srike. Kom etu la sumwos ma kom oru, kom oru ma lungse lun God, ke ma inge kom etu la el insemwomwo. Ke kas lal Poul, kom ku in akilen la “kom eis srike.” In tafwela, Poul el simusla la “srike orala fwinsrak.” Saap ma inge luman sakuruk. Efu Poul el simusla “fwinsrak” ke safla? Ya wangin fwinsrak lom in pal meeta ke pal se kom tufwanu long peng mwo?
18 Arulanu kalem, Poul el tia sramsram ke pulakin lasr ke fwinsrak ke moul sumwosmwos ke pal se kut tufwanu long kas. Ma el lungse in aketeye pa sayen ma inge; yok liki, me purakak yok. Ke pal se kut muteng ke oaru, ke ma inge kut akilen la kut akinsemwomwoye God, ma inge sie me purakak yok su toeni nu ke me purakak su kut eis tari ke mutamwauk. Fwinsrak su oasr yurosr misinge arulanu paye, arulanu ku, a kut pula na paye ke insiel. Fwinsrak inge su yokyokelik arulanu saromromelik. Moul lasr tingtingi na paye ka. “A fwinsrak tia me akmwekin; meyen lung lun God oakiyuki tari insiesr ke ngun mutal, su etuku nu sesr.”
19. Fuka fwinsrak lom ku in ipen pre lom pal e nu kemwa?
19 Sikalani in pre lal Epafras ke brother a sister lal in Kolosse tu elos in srukye na a lalalfongi ke ma su oasr ye mutalos ke pal fwasru, “paye in ma lungse lun God nu kemwa.” Lela kais sie sesr in osun pa nu sin God pal e nu kemwa ke fwinsrak lasr. Ke pre lom sifwanu, toeni fwinsrak lom ke fwalu sasu. Akkalemye nu sin Jeova lupan lungse lom ka, a lalalfongi yok la ma inge e fwa tuku na paye. Siyuk sel ke kasru in akyokye a akkapye kaifweung lom. Oanu Epafras su pre a siyuk ke met Kolosse tu elos in “paye in ma lungse lun God nu kemwa,” oru pa ou inge. Oru ou inge pal nu kemwa.
20. Fwin met ekasr elos tui ke inkanek lun met Kristian, efu ma inge tia enenu in sropon me asor lom?
20 Kom tia enenu in fosrnga ku munasla ke ma sikyuk la tia met e nu kemwa fwa tu sumwosna a paye. Kutu selos tia tafwela, elos tui, ku fuleak. Ma inge sikyuk inmaslon met su futoto nu sel Jisus, met sap la. Tusruktu, ke pal se Judas el ekla met tukakunulak, ya kutu sin met sap elos munasla ku tui? Mo, elos tia oru ou inge! Piter el orekmakin Sam 109:8 in akkalemye la kutu met elos akola in eis an sel Judas. Sie met suleyukla in aolul, a met oaru lun God elos tafwela ke moniyuk in oru kunokon lalos in luti. (Orekma 1:15-26) Elos akola a sulela na paye in tu sumwosna a paye.
21, 22. Ke inkanek fuka tu sumwosna a paye lom ku in akilenyuk?
21 Kom ku in lalalalfongi na paye la tu sumwosmwos lom a paye in ma lungse lun God nu kemwa fwa akilenyuk. Ma inge e fwa liyeyuk a me insemwomwo. Sin su?
22 Aok, brother a sister wiom su etu kom a lungse kom elos fwa akilen ma inge. Fwinne met puspis elos tianu fwak, tusruktu fwokin ma inge oanu sie ke ma kut ku in rid in 1 Tessalonika 1:2-6: “Kut sang kulo nu sin God keyumwos nu kemwa in pal e nu kemwa, a pre keyumwos in pre lasr, ke kut esam na orekma in lalalfongi lomwos, a moniyuk lomwos in lungse a mongfwusesr ke fwinsrak in Jisus Kraist Leum lasr, ye mutun God su Papa tumasr. Fuka . . . mwosasu lasr tia tuku nu yuromwos in kas mukena, a ouyepa in ku a in ngun mutal, a in arulanu etu . . . ; a komwos met etawi lasr a lun Leum.” Met Kristian oaru su raunikomla elos ouyepa pulakin ou inge ke elos liye la kom “tu sumwosna a paye in ma lungse lun God nu kemwa.”—Kolosse 1:23.
23. Ke lusen yiu inge, mea kom kaifweung in akola oru?
23 Oanu ma paye su tia ku in tafongla, Papa tumom in kosrao el e fwa liye ma inge a pulakin insemwomwo. Kom enenu in lalalfongi ke ma inge. Efu? Meyen kom tu sumwosna a paye “in ma lungse lun God nu kemwa. Poul el sim leta in akkeye nu sin met Kolosse ke fwafwasyesr lalos “fwal nu sin Jeova nu ke akinsemwomwo nu kemwa.” (Kolosse 1:10) Aok, met sesumwos elos ku in akinsemwomwoyel na paye. Brother a sister wiom fwin an Kolosse elos ku in oru ou inge. Kom ku in oru pa ou inge! Ke ma inge, ke lusen yiu inge, lela pre lom ke len nu kemwa a orekma lom ke len nu kemwa akkalemye la kom kaifweung na paye in “tu sumwosna a paye in ma lungse lun God nu kemwa.”
Ya Kom Esam?
• Mea ma inge su ku in toeni nu ke ‘tu sumwosna’ lom’?
• Mea ma puspis ke moul lom kom ku in toeni nu ke pre lom?
• Oanu Rom 5:4, 5 el lungse in akkalemye, kain in fwinsrak fuka kom lungse in eis?
• Lutlut lasr purakak insiom in eis kain in nien sun fuka ke lusen yiu su e fwa tuku?
[Picture on page 26]
Epafras el pre in kasru met lili wiel in tu sumwos a paye ke Kraist a ke fwinsrak lalos
[Pictures on page 28]
Fwinsrak paye lom a kaifweung lom ku in kasru million puspis sin met in wi pa oru ou inge