Kasru Kutu Met In Fwasr Fwal Yurin Jeova

“Kut . . . tia tela pre lasr keyumwos, kaifwe lasr keyumwos tu komwos in . . . fwafwasyesr fwal nu sin Jeova, nu ke akinsemwomwo nu kemwa, a isus fwako in orekma mwo nu kemwa.”​—KOLOSSE 1:9, 10.

1, 2. Mea ma inge su yokna ku in sropon me insemwomwo a engun?

“KUT MUTA ke trailer soko ke sie farm. Ke pal se kut oru moul lasr in tia suk ma puspis a pulakin inse misla, oasr pal yok lasr in osun nu sin met puspis ke peng mwo. Kut akinsemwomwoyeyuk na paye ke pal mwo in kasru met puspis in mwolela moul lalos nu sin Jeova.”​—Seanyen payuk se, su oru orekma lun forfor pal nu kemwa fwin an South Africa.

² Ya kom tia insese la in kasru kutu met ku in wise insemwomwo? Kutu met elos srike pal nu kemwa in kasru met mas, met sikasrup, ku met asor​—a elos pulakin insemwomwo ke pal elos oru ou inge. Met Kristian paye elos lalalfongi na paye la orekma lalos in luti ke etauk lun Jeova God a Jisus Kraist nu sin kutu met pa me kasru yok emeet su elos ku in oru. Ke inkanek inge mukena ku in kol kutu met in eis lango lun Jisus, akyokye futoto nu sin God, a muta ke inkanek nu ke moul ma patpat.​—Orekma 3:19-21; 13:48.

3. Kain in kasru fuka mokle kut in loang nu ka?

³ Tusruktu, a fuka inkanek in sang kasru nu sin met su kulansap nu sin God, elos su fwasr tokin “Inkanek Sa.” (Orekma 19:9) Wangin alollo pwar lom selos yok na paye, tusruktu saap kom sonna liye fuka kom ku in akyokye orekma lom ku sang kasru nu selos ke me kasru su orek inge. Ku saap luma a ma sikyuk sum aksrikye ku lom in kasrelos, ke ma inge aksrikye pa me insemwomwo su kom ku in eis. (Orekma 20:35) Ke kutena ma sikyuk sum, oasr ma kut ku in lotela ke buk lun Kolosse.

4. (a) Ye kain in luma fuka Poul el simusla nu sin met Kolosse? (b) Fuka Epafras el wi ke me sramsram se inge?

⁴ Ke pal se met sap Poul el simusla nu sin met Kristian fwin an Kolosse, el muta fwin an Rom, wangin sukosok lal meyen sapkinyuk sel in muta na in loom, aok kutu met elos ku in muteta nu yurol. Oanu ma kut ku in lalalfongi sel, Poul el orekmakin sokosok srisrik lal in luti ke Togusrai lun God. (Orekma 28:16-31) Met lili Kristian wiel elos ku in muteta nu yurol Poul, saap kais kutu pal kutu selos muta pa in kalpous yurol. (Kolosse 1:7, 8; 4:10) Sie selos su met luti moniyuk pa Epaphras su tuku ke siti lun Kolosse fwin an Phrygia, in an tupasrpasr leyen kutulap lun Efesus fwin an Asia Minor (in len inge pa an Turkey). Epaphras pa inkanek ke oakiyuki lun sie congregation fwin an Kolosse, a el orekma pa ke congregation puspis in an Laodicea a Hierapolis su futoto nu ke an inge. (Kolosse 4:12, 13) Efu Epaphras el fwafwasyesr in liyel Poul fwin an Rom, a mea kut ku in lotela ke oiye su Poul el akkalemye nu sel?

Kasru Fukoko nu ke Congregation lun Kolosse

5. Efu Poul el simusla ma el oru meeta nu sin met Kolosse?

⁵ In sramsram nu sel Poul ke luma a ma sikyuk ke congregation lun an Kolosse, Epafras el enenu in oru fwafwasyesr loes lal nu Rom. El akkalemye lalalfongi, a lungse, a kaifweung ke orekma lun forfor lun met Kristian we. (Kolosse 1:4-8) Aok, el enenu pa in sromon nunuk yok lal ke me purakak koluk su oasr ke me sensen ku lun met Kolosse in ngun. Poul el sang top lal nu ke sie leta su etuku ke ngun su lain kutu me luti koluk su met luti kikiap elos oru in fwasrelik. El sramsram yok ke kunokon yok lal Jisus Kraist su el enenu in oru.a Ya me kasru lal inge el ku in sang mukena nu ke inkanek in sramsram lal ke ma paye lun Baibel? Inkanek saye fuka el ku in orekmakin in kasru met Kolosse, a mea kut ku in lotela ke orekm in sang kasru nu sin kutu met?

6. Poul el loang yok nu ke mea ke leta lal nu sin met Kolosse?

⁶ Ke mutamweyen leta lal, Poul el akkalemye kain in luman me kasru su saap kut tianu akilen. Pa inge inkanek in sang kasru mwo su tuku ke an loes, meyen Poul a Epafras elos muta fwin an Kolosse. Poul el fwak: “Kut sang kulo nu sin God, Papa tuman Leum lasr Jisus a pre keyumwos [footnote, “pre pal nu kemwa”]. Aok, pre pa inge ke met Kristian fwin an Kolosse. Poul el tafwela in fwak: “Ke sripe se inge kut ouyepa, ke len se kut long ka, tia tela pre lasr keyumwos, tu komwos in tingtinginu ke etu ma lungse lal in lalmetmet lun ngun nu kemwa a etauk.”​—Kolosse 1:3, 9.

7, 8. Pal nu kemwa pre lasr sifwanu a pre in congregation el sramsram ke mea?

⁷ Kut etu la Jeova “El Long Pre,” ke ma inge kut ku in lalalfongi ke insemwomwo lal in porongo pre lasr fwal nu ke ma lungse lal. (Sam 65:2; 86:6; Soakas 15:8, 29; 1 Jon 5:14) Tusruktu, ke pal se kut pre ke kutu met, kut pre fuka?

⁸ Saap pal nu kemwa kut nunku a pre ke ‘un met lili fwin fwalu nu fon.’ (1 Piter 5:9) Ku saap kut osun nu sin Jeova in siyuk ke kasru lal nu sin met Kristian a kutupa met ke sie an su oasr ma upa ku sun ongoiye. Ke pal se met Kristian ke century se meet in an puspis elos long sral lulap fwin an Judia, kalem la elos pre pal puspis ke met lili wielos meet liki elos supwela me kasru lalos in ikwe. (Orekma 11:27-30) In len lasr misinge, pre ke un met lili nu kemwa ku pre ke u lulap lun met lili pal nu kemwa ku in longyuk pal nu kemwa ke meeting lun met Kristian, an se su met puspis elos ku in kalem ka a ku in fwak “Amen.”​—1 Korint 14:16.

Akkalemye Na Paye Ma Kom Enenu ke Pre

9, 10. (a) Kain in me srikasrak fuka akkalemye la pre ke kutu met arulanu fwal? (b) Fuka Poul el sie me sramsram yok ke pre nu ke kutu met?

⁹ Aok, Baibel el ase nu sesr me srikasrak puspis ke pre ke kutu met su arulanu kalem na paye ke me siyuk su oasr ka, ke kais sie met. Loang akmwoye ke kas lal Jisus su simusyukla in Luk 22:31, 32. Met sap oaru 11 inge elos raunella. Elos nu kemwa enenu kasru lun God ke pal in ma upa su apkurun in tuku, a Jisus el pre kelos. (Jon 17:9-14) Ou inge, Jisus el sramsram kel Piter, oasr ma el siyuk sin God ke met sap se inge. Kutupa me srikasrak: Elaisa el pre nu sin God in kasru sie mokul, pa inge met kulansap lal. (2 Togusra 6:15-17) Met sap Jon el pre nu sin God kel Gaius a siyuk sel el an tafwela na in kasrel in fukoko in mano a ngun. (3 Jon 1, 2) A kutu pre u sramsram ke kais sie u puspis.​—Job 42:7, 8; Luk 6:28; Orekma 7:60; 1 Timote 2:1, 2.

¹⁰ Leta lal Poul akkalemye me sramsram ke pre su arulanu kalem, sumwos a takla. El siyuk in pre kelos a nu sin met su welul. Kolosse 4:2, 3 el fwak: “Komwos in sikalani in pre, a sano nu ka wi sang kulo, a wi ma inge komwos in ouyepa pre kasr, tu God el fwa ikasla nu sesr sie srungal nu ke kas, in fwakak ma lukma lun Kraist, ke su Nga ouyepa muta in me kapur.” Loang akmwoye pa, nu ke kutu me srikasrak inge: Rom 15:30; 1 Tessalonika 5:25; 2 Tessalonika 3:1; Hibru 13:18.

11. Ke pal se el muta in an Rom, Epafras el pre ke mea?

¹¹ Ma inge paye pa nu sin met asrouki lal Poul fwin an Rom. “Epafras su sie sumwos, . . . el paing komwos, a kaifwe keyumwos pal e nu kemwa in pre lal.” (Kolosse 4:12) Kas se inge “kaifwe” ku in akkalemye “kaifweung,” oanu sie met sritel pangpang gymnast ke sritel in pal meeta su elos oru. Ya Epafras el sikalani in pre ke un met lili fwin fwalu nu fon ku un met lili fwin an Asia Minor mukena? Poul el akkalemye la Epafras el pre ke met lili fwin an Kolosse mukena. Epafras el etu luma a ma sikyuk nu selos. Kut tia etu elos nu fon, ku ke ma upa su elos sun, tusruktu nunku ke kutu ma sikyuk. Saap Lainus su srakna fwusr el meun lain me purakak su tuku ke lalmetmet lun met, a Rufus saap el enenu in eis ku in lain kena lun insiel in sifwil oru orekma lal ke pal se el srakna muta ke alu lun Judaism. Meyen el payuk sin met silalalfongi, ya Persis el enenu in muteng a lalmetmet tu lan ku in kasru tulik nutul in kapek fwal nu ke lungse lun Leum, a Asinkritus su sun mas upa, el enenu me pwarak? Aok, Epafras el etu met nu kemwa su oasr ke congregation lal, a el sikalani in pre kelos meyen el a Poul lungse met moniyuk inge nu kemwa in tafwela ke orekma lalos nu sin Jeova ke inkanek fwal.

12. Fuka kut ku in oru pre lasr sifwanu in toeni kutu met ke me siyuk lasr?

¹² Ya kom ku in liye me srikasrak nu sesr​—sie inkanek fuka kut ku in kasru kutu met? Oanu ma kut long, pre ke pal in meeting lun met Kristian pal puspis tia orek sin kais sie met, meyen oasr kain in met puspis ke meeting. Tusruktu, ke pre lasr sifwanu ku pre lun sou lasr kut ku in pre ke kais sie met a tia ke u. Fwinne kais kutupal kut siyuk sin God in kol a akinsemwomwoye met fwafwasryesr ku met seperd in ngun, tusruktu ya kut tia ku in oru ou inge ke inkanek in met se met se? Ke sie me pupulyuk, efu kut tia pre kelos, fwak en met fwafwasyesr su muteta ke congregation lasr ku enen met luti ke Buk Study lom? Filippai 2:25-28 a 1 Timote 5:23 akkalemyel Poul ke pal se el nunku yok ke ku lun manol Timote a Epaphroditus. Ya kut ku in akkalemye pa kain in pwar inge nu sin met mas su kut etu ka elos?

13. Kain in luma a ma sikyuk fuka fwal kut in siyuk nu ke pre lasr sifwanu?

¹³ Paye, kut tia enenu in tuni moul lun kutu met, tusruktu arulanu fwal ke pre lasr kut in akkalemye pwar na paye nu selos kemwa su kut etu a lungse. (1 Timote 5:13; 1 Piter 4:15) Saap sie brother el tula orekma lal, a kut tia ku in sang sie orekma lal. Fwinne ou inge, kut ku in pre kel a fwakak kel, sramsramkin ma upa lal ke pre lasr sifwanu. (Sam 37:25; Soakas 10:3) Ya kut etu sie sister lolap su matu tari a wangin mokul tumal a tulik nutul meyen el kaifweung in payuk “mukena in leum”? (1 Korint 7:39) Ke pre lom sifwanu, efu kom tia siyuk sin Jeova in akinsemwomwoyel a in kasrel in tafwela ke orekma oaru lal? Siepa me pupulyuk, met elder luo elos sang kai nu sin sie brother su tafongla. Efu eltal tia pre kel ke pre lalos sifwanu kais kutu pal, a fwakak el?

14. Fuka pre lasr ke kutu met kapsreni nu ke orekma in sang kasru nu sin kutu met?

¹⁴ Oasr pal mwo pukanten lom in toeni ke pre lom sifwanu kais sie met su kom etu su enenu kasru lun Jeova, me pwarak, liyaten, a ngun mutal, ku kutena fwako lun ngun mutal. Ke sripen el muta ke an loes ku ke sripen oasr luma a ma sikyuk, saap kom pulakin la arulanu srik pal mwo lom in kasrel ke ma lun ikwe ku kutupa me kasru su kom ku in oru. Tusruktu, lela kom in tia mulkunla in pre ke brother a sister wiom. Kom etu la elos lungse in fwasr fwal ye mutun Jeova, tusruktu saap elos enenu na paye kasru in oru ou inge ma patpat. Sie key in kasrelos pa ke pre lom.​—Sam 18:2; 20:1, 2; 34:15; 46:1; 121:1-3.

Orekma in Akkeye Kutu Met

15. Efu kut enenu in akkalemye pwar ke ip safla lun ma simusla in Kolosse?

¹⁵ Aok, pre ke inse, pre nu sin God ke kutu met, tia pa inge inkanek siefwunnu in kasru kutu met, yokna nu selos su futoto a kulu nu sum. Buk lun Kolosse el akkalemye ou inge. Scholar pukanten elos nunku la tokin Poul el sang kas in luti a kas in kai ke leta lal, el toeni kutu kas in paing. (Kolosse 4:7-18) Aok, kut konaok tari kas in kai mwomwo ke ip safla lun buk inge, tusruktu srakna oasr ma pukanten kut ku in lotela ke ip se inge.

16, 17. Mea kut ku in fwak ke brother nu kemwa su akkalemyeyuk in Kolosse 4:10, 11?

¹⁶ Poul el simusla: “Aristarkus met wi yu in prison el paing komwos, a Mark tulik nutin ma loul Barnabas, (ke su komwos eis ma sap, el fwin tuku nu yuromwos komwos esal,) A Jisus su pangpang Justus, eltal luo sin met kosroila. Elos inge mukena met wi yu orekma nu ke togusrai lun God, a elos me pwarak nu sik.”​—Kolosse 4:10, 11.

¹⁷ Ke fus inge Poul el sramsram ke kutu met lili su arulanu fwal in sramsramkinyuk. El fwak la elos inge pa met kosroila, sin met Ju. Oasr met Ju puspis fwin an Rom su kosroila tari, a kutu selos ekla tari met Kristian. Aok, elos nu kemwa su Poul el sromon inge elos tuku in kasrel. Elos tia alollo in asrouki nu sin met Pegan fwin an we su ekla tari met Kristian ke pal ingo, a kalem la elos arulanu engun in akesrui nu sel Poul ke orekma in luti lal nu sin met Pegan.​—Rom 11:13; Galetia 1:16; 2:11-14.

18. Fuka Poul el sang kas in kaksak nu sin kutu met su muta yurol?

¹⁸ Loang akmwoye nu ke me sramsram lal Poul inge: “Elos me pwarak nu sik.” El orekmakin kas Greek se su luman sikyuk mukena pal siefwunnu in Baibel. Met leng pukanten elos langasla kas se inge nu ke “me pwarak.” Tusruktu, oasr pa kutu kas Greek su langasyukla pal nu kemwa nu ke “me pwarak” kas inge pa (pa·ra·ka·le’o). Poul el orekmakin kas inge ke leta lal inge tusruktu tia in Kolosse 4:11.​—Mattu 5:4; Orekma 4:36; 9:31; 2 Korint 1:4; Kolosse 2:2; 4:8.

19, 20. (a) Mea kalmen kas se inge su Poul el orekmakin nu ke brother nu kemwa su kasrel fwin an Rom? (b) Ke inkanek puspis fuka brother inge nu kemwa kasrel Poul?

¹⁹ Kalem la elos nu kemwa su Poul el pangpang ke elos elos tia akkeyel mukena ke kas. Kas Greek inge “me pwarak nu sik” in Kolosse 4:11 kutupal orekmakinyuk ke me sramsram saye oanu sie ono su akkeye me asor. New Life Version el fwak: “Elos sie me kasru yok na paye sik! Today’s English Version el orekmakin kas se inge: “Elos me kasru lulap na paye sik.” Mea met lili Kristian inge nu kemwa su futoto nu sel Poul elos oru meet in kasrel?

²⁰ Oasr met puspis su muteta nu yurol Poul, tusruktu oasr ma pukanten su el tia ku in oru, oanu in moli ma enenu lal​—me mongo a nuknuk ke pal in musresr. Fuka el ku in eis buk limlim ke lutlut lal ku moli pepu su el orekmakin ke me sim lal? (2 Timote 4:13) Ya kom tia nunku mu brother inge nu kemwa elos kasrel Poul ke ma enenu lal, in moli a in kasrel ke orekma? Saap el enenu in muteta in etu a in akkeye kutu congregation. Meyen el muta na in loom a wangin sukosok lal paenang brother inge nu kemwa oru muteta lalos kel Poul, elos us kas lal, a sifwil foloko nu yurol in wis report. Sie me akkeye na paye pa inge!

21, 22. (a) Efu kas in Kolosse 4:11 akpwarye kut? (b) Mea kutu inkanek su kut ku in orekmakin in me srikasrak lun met nu kemwa su welul Poul?

²¹ Ma Poul el simusla inge “sie me pwarak” ase nu sesr etauk tu kut ku in kasru kutu met. Saap elos fwafwasyesr fwal ye mutun Jeova ke akmwuk lal ke oiyen moul nasnas, elos wi ke meeting lun met Kristian pal nu kemwa, a wi orekma lun forfor. Ke ma inge elos fwal in eis kas in kaksak lasr. Aok, ya kut ku in akyokye orekma lasr, sie ‘me pwarak’ oanu met puspis su muta yurol Poul in pal meet?

²² Kom fwin etu sie sister su lalmetmet in orekmakin ma simusla in 1 Korint 7:37 ke pal se inge wanginla sou lal su muta futoto nu sel, ya kom ku in sulel el an wi kom ke kutu orekma lun sou lom, saap kom ku pa in sulel in wi komtel mongo, ku in wi komtel ke sie toeni lun met kamwuk ku sou? A fuka kom fwin sulel in wi fwasfwasyesr ke sou lom an sum nu ke sie toeni lulap ku vacation? Ku kom ku in siyuk sel in wi kom fwin oasr pal fwal in som mol mongo ke sto. Kut ku in oru pa ou inge nu sin mutan katinmas ku tumanmas, ku nu selos su tia ku in kasrusr ke sitosa ke pal inge. Kom ku in konaok insemwomwo ke pal se kom long experience lalos ku kom ku in eis etauk ke ma puspis su el etu oanu in sulela fwokinsak mwo, ku fuka in sulela nuknuk lun tulik srisrik. (Livitikus 19:32; Soakas 16:31) Oiye se su orala inge pa, futoto nu sin sie sin sie su arulanu kapkapek. Ke ma inge elos ku in pulakin sokosok in siyuk sum ke kasru fwin elos enenu ono ke an in kuka ono, ku ma enenu saye. Brother nu kemwa su muta yurol Poul fwin an Rom elos sang kasru na paye, oanu kom ku in oru pa. In pal meeta a ke pal inge, me insemwomwo arulanu kalem pa me kapur lun lungse arulanu akkeyeyuk, a kut nu kemwa kaifweung in akesrui in kulansap nu sin Jeova ke oaru.

23. Arulanu mwo nu sin kais sie sesr in orekmakin pal in oru mea?

²³ Kais sie sesr ku in akkalemye luma a ma sikyuk su oasr ke me lutlut inge. Elos nu kemwa me srikasrak, tusruktu ma inge nu kemwa ku in akismakinye kut ke ma sikyuk na paye su ku in oru kut in ekla sie “me pwarak” nu sin brother a sister wiesr. Tia in etawi oiye lun met su sang kasru pal nu kemwa pangpang humanitarian pa yok. Tia pa inge nien sun lun brother nu kemwa su akkalemyeyuk in Kolosse 4:10, 11. Elos nu kemwa “met orekma nu ke togusrai lun God.” Me akkeye tuku na paye ke ma se inge. Lela ma inge in oanu ma sikyuk pa nu sesr.

24. Mea sripe se yok paenang kut pre ke kutu met a suk in akkeye kutu met?

²⁴ Kut fwakak enen kutu met ke pre lasr sifwanu a kut kaifweung in akkeyelos ke sripe se inge: Kut lalalfongi la brother a sister wiesr elos lungse in “fwafwasyesr fwal nu sin Jeova, nu ke akinsemwomwoye nu kemwa.” (Kolosse 1:10) Ma paye se inge oupanu nu ke ma se ma Poul el akkalemye ke pal se el simusla ke pre lal Epafras ke met Kolosse, tu elos in “sumwosna a paye in ma lungse lun God nu kemwa.” (Kolosse 4:12) Fuka kais sie sesr ku in oru ou inge? Lela kut in liye.

[Footnote]

Ya Kom Akilen?

• Fuka kut ku in sang kasru yok ke pre lasr sifwanu?

• Ke inkanek fuka kutu sin met Kristian elos ekla ‘me pwarak’ lal Poul?

• Ke kain in luma a ma sikyuk fuka kut ku in ekla ‘me pwarak?

• Mea nien sun lun pre lasr a sukok lasr in akkeye brother a sister wiesr?

[Picture on page 22]

Ya kom ku in suli siepa met Kristian in wi ke muteta lun sou lom?

[Credit Line]

Courtesy of Green Chimney’s Farm