Esam Pal Nu Kemwa Len Lun Jeova
“In len safla met aksruksruk a fwa tuku in aksruskruke.”—2 PITER 3:3.
SIE met orekma lun forfor pal nu kemwa ke lusen yiu 66 kutu el simusla: “Pal nu kemwa Nga pulakin fosrnga. Armagedun oasr ke nunuk luk pal nu kemwa, el arulanu apkurun in tuku. (Fwakyuk 16:14, 16) Oanu papa tumuk, a papa matu tumuk, Nga moulkin sie moul fwal nu ke ma met sap Piter el kaifwe, ‘In sano a tawi ke tuku lun len lun Jeova.’ Pal nu kemwa Nga nunku la mwolela ke sie fwalu sasu sie ‘me eyeinse lun ma su tia liyeyuk.’ ”—2 Piter 3:11, 12; Hibru 11:1; Isaia 11:6-9; Fwakyuk 21:3, 4.
2 Kalmen kas inge lal Piter “in sano a tawi” ke len lun Jeova pa, kut tia enenu in sisla ke nunuk lasr ma inge. Kut tia enenu in mulkunla la ke len se ma Jeova el kunausla akmwuk se inge, oanu pa inge mutamweyen akmwuk lal in oakiye fwalu sasu su el mwolela a arulanu apkurun. Ma inge enenu in arulanu paye sesr paenang kut ku in liye ma inge, oanu arulanu apkurun. Arulanu paye pa inge nu sin met palu in pal meeta, a pal nu kemwa elos sramsram ke ma se inge oanu apkurun na paye.—Isaia 13:6; Joel 1:15; 2:1; Obedaia 15; Zephaniah 1:7, 14.
3 Efu Piter el kaifwe nu sesr in nunku len lun Jeova oanu arulanu apkurun, oanu e tuku “ulele”? Meyen arulanu kalem la kutu sin met elos mutamwauk in akkolukye me luti ke mwolela ke oasr tari lal Kraist su ke pal inge el sang kai nu sin met koluk. (2 Piter 3:3, 4) Ke ma inge, in sapter 3 lun leta akluo lal, su kut akola in sramsramkin ke pal inge, Piter el sang topuk nu ke kas akkoluk lun met aksroksrok koluk inge.
Kas in Kaifwe Mwo Su Enenu in Esamyuk
4 Futoto lal Piter nu sin met lili wiel ku in akilenyuk ke kas inge su el orekmakin pal puspis, “met kulu.” El kaifwe mwo nu selos in tia mulkunla ma elos lotela tari, Piter el mutamwauk: “Met kulu, . . . Nga okasek nunuk nasnas lomwos ke akismakinye komwos, tu komwos in esam kas fwakak meet ke met palu mutal, a sap lun Leum a Met Lango ke met sap lomwos.—2 Piter 3:1, 2, 8, 14, 17; Jud 17.
5 Kain in “kas fwakak meet ke met palu mutal” fuka, Piter el kaifwe nu sin met rid leta lal in esam? Ma inge pa, oasr tari lal Kraist ke ku lal in Togusrai a ke nununku lain met koluk. Piter el sramsram tari ke ma se inge a purakak nunuk lun met. (2 Piter 1:16-19; 2:3-10) Jud el sramsram kel Enoch, met palu se meet su simusyukla in Baibel su sang kas in sensen ke nununku upa lain met koluk. (Jud 14, 15) Kutu met palu elos tuku tukun Enoch, a Piter el tia lungse kut in mulkunla ma elos simusla.—Isaia 66:15, 16; Zefenaia 1:15-18; Zekaraia 14:6-9.
6 In toeni nu ke ma inge, Piter el fwak nu sin met su ridi leta lal in esam “ma sap lun Leum a Met Lango.” Wikin ma sap lun Leum pa kas in kaifwe: “A komwos in sifwanu sismouk, saap insiomwos sesesla ke oasras . . . a len se sa tuku nu fwomwos oanu sie me kaisrip.” “Komwos liyekomwosyung, sano, tu komwos tia etu ke pal sa.” (Luk 21:34-36; Mark 13:33) Piter el ouyepa kaifwe nu sesr in loang nu ke kas lun met sap. Ke sie me pupulyuk met sap Poul el simusla: “Tu len lun Jeova a fwa tuku oanu sie met pusr ke fong. Ke ma inge, lela kut in tia mutol oanu met lula, a lela kut in sano a efwal.”—1 Tessalonika 5:2, 6.
Kena lun Met Aksroksrok Koluk
7 Oanu ma akalemyeyuk tari, sripen kas in kaifwe lal Piter pa, meyen kutu met elos mutamwauk in akkolukye kain in kas in sensen inge, fwinne met Israel in pal meeta elos akkulokye met palu lun Jeova. (2 Kronikel 36:16) Piter el fwak: “A komwos etu ma inge meet, tu in len safla met aksruksruk a fwa tuku in aksruksruke, a fwafwasryesr oanu lung koluk lalos sifwanu. (2 Piter 3:3) Jud el fwak la lung kulok lun met aksruksruk inge pa “ma tia mutal.” El pangnolos “met luman met, a ngun tia in elos.”—Jud 17-19.
8 Met luti kikiap inge su Piter el fwak su “fwasr tukun ikwe in lung koluk” elos inge pa met aksruksruk koluk su wangin ngun in elos. (2 Piter 2:1, 10, 14) Elos aksruksruk koluk in siyuk nu sin met Kristian oaru: “Pia mwoleaung lun tuku lal? Tu in len ingo me ke papa tumas elos mise, ma nu kemwa on oanu ke mutamwauk ke ma orekla.”—2 Piter 3:4.
9 Efu elos aksruksruk koluk? Efu elos fwak la oasr tari lal Kraist el e fwa tia tuku a God el tia loang nu ke orekma lun met ke kutena pal? Ke pal se ma elos akkolukye nunuk lun met in fosrngakin len inge su ku in liyeyuk ke Kas lun God, met aksruksruk inge elos suk in purakak kutu met in tia nunku yok ke ma lun ngun a ke ma inge elos fwusesr in putatla nu ke kena koluk lalos. Fuka sie me purakak yok nu sesr misinge in tia mutol ke ma lun ngun pal nu kemwa! Lela kut nu kemwa in filiye ke nunuk lasr len lun Jeova pal nu kemwa a esam pal nu kemwa la mutal el liye kut pal nu kemwa! Ke ma inge kut akola in orekma in kulansap nu sin Jeova ke moniyuk a kaifweung in srukye oiyen moul nasnas lasr.—Sam 11:4; Isaia 29:15; Ezekiel 8:12; 12:27; Zefenaia 1:12.
Elos Oru ke Lungse Lalos a Me Srungeyuk
10 Met aksruskruk inge elos pilesru me akpayeye saok. Elos pilesru ma inge a srike in purakak kutu met in mulkunla ma inge. Efu? Tu elos in ku in akkolukye metu ke inkanek fwusesr. “Tu, fwal nu ke lungse lalos,” Piter el simusla, “elos lungse in mulkunla ma inge.” Mea ma inge? “La kosrao oasr omeet me, a fwalu orekyuk liki kof a tu infwulwen kof ke kas lun God; ke ma inge fwalu su on meeta, salungla ke kof a musalla.” (2 Piter 3:5, 6) Aok, Jeova el kunausla na paye ma koluk fwin fwalu ke pal in Sronot in len lal Noa, sie ma paye pa inge su Jisus el ouyepa akkalemye. (Mattu 24:37-39; Luk 17:26, 27; 2 Piter 2:5) Ke ma inge, tia fwal nu ke ma met aksruksruk elos fwak, ma nu kemwa tia on oanu ke “mutamwauk ke ma orekla.”
11 Met aksruksruk koluk inge elos aksruksruk koluk na paye nu sin met Kristian meyen oasr ma elos sano su sonna akpayeye. Tia pat meet liki Jisus el mise, met tumal lutlut lal elos “nunku mu tu togusrai lun God fwa sikme kitinmisinge.” Tukun sifwil moulyuk lal elos siyuk fwin Togusrai lun God e fwa sa na oakiyuki. Ouyepa, yiu siengoul meet liki Piter el simusla leta akluo lal, kutu met elos “nunuk yok” ke “kas” ku ke “sie leta,” su tuku sin met sap Poul ku met asrouki lal, “su fwak tu len lun Jeova fwa tuku ingenu.” (Luk 19:11; 2 Tessalonika 2:2; Orekma 1:6) Kain in lalalfongi inge lun met tumal lutlut la Jisus, tia sito, tusruktu elos oru in sa liki pal fwal. Aok len lun Jeova e fwa tuku!
Kas lun God Tia Kikiap
12 Oanu ma akkalemyeyuk tari, met palu puspis meet liki pal lun met Kristian, pal nu kemwa elos sang kas in sensen a fwak la len lun Jeova in oru nununku arulanu apkurun. Sie akpayeye srisrik ke “len lun Jeova” el tuku ke yiu 607 B.C.E. ke pal se ma Jeova el suk foloksak lain met lal su ekla koluk. (Zefenaia 1:14-18) Tukun sie pal, kutu mutanfwal, wekunang an Babulon a Ijipt, elos keok pa ke “len lun Jeova” (Isaia 13:6-9; Jeremaia 46:1-10; Obedaia 15) Saflaiyen akmwuk lun met Ju ke century se meet ouyepa oasr ke kas palu, a ma inge akpayeyuk ke pal se ma met solse lun Rom el kunausla an Judea ke yiu 70 C.E. (Luk 19:41-44; 1 Piter 4:7) Tusruktu, Piter el sramsram ke sie “len lun Jeova” ke pal fwasru, sie len su arulanu yok liki, kut fwin srikeyuk nu ke Sronot fwin fwalu nu fon in len lal Noa!
13 Piter el akkalemye ma el etu ke kunanela se inge su apkurun in tuku, ke pal se ma el fwak: “Ke kas sana.” El tufwanu fwak la “ke kas lun God,” fwalu su oasr meet liki sronot “orekyuk liki kof a tu infwulwen kof.” Luma se inge, sramsramkinyuk in Baibel ke mutamweyen orekma lun God, a Sronot el tuku ke pal se ma kof el putatla nu fwalu ke akmwuk lun God, ku kas lal. Piter el tafwela: “A kosrao a fwalu, su ou inge, ke kas sana [lun God] karunginyukyung nu ke e, nu ke len nununku a kunausla lun met koluk.” (2 Piter 3:5-7; Genesis 1:6-8) Oasr yurosr kas lun God su koflanu kikiap! El aksafyela na paye “kosrao a fwalu”—akmwuk se inge—ke len lulap lun koskosrok lal! (Zefenaia 3:8) Tusruktu, nge?
Nunuk Yok ke Tuku lun Safla
14 Met tumal lutlut lal Jisus elos lungse in etu nge safla e tuku, ke ma inge elos siyuk: “Mea akulin oasr tari lom a saflaiyen akmwuk se inge?” Arulanu kalem la elos siyuk nge saflaiyen akmwuk lun met Ju, tusruktu topuk lal Jisus el sramsram yok ke pal in kunanela lun ‘kosrao a fwalu’ su oasr misinge. Jisus el palye ke meun lulap, sral, kusrusr, me lokwalok, a ma koluk. (Mattu 24:3-14; Luk 21:5-36) Mutamwauk ke 1914, kut liye akpayeyen akul nu kemwa su Jisus el palye “ke saflaiyen akmwuk se inge” wekunang kas nu kemwa su met sap Poul el fwak oanu akul ke “len safla.” (2 Timote 3:1-5) Paye, me akpayeye arulanu yok a ma inge akkalemye la kut moul ke saflaiyen akmwuk se inge!
15 Met Lo lun Jeova elos engun in etu nge len lun Jeova el tuku. Ke sripen pwar lalos in etu ma inge paenang kutupal saap elos srike in oaoa ke pal in tuku lal. Tusruktu ke pal se ma elos oru ou inge, elos tia loang, oanu ma sikyuk nu sin met tumal lutlut lal Jisus meet, ke kas in sensen lun Leum lalos su akkalemye la kut “tia etu ke len sa ku aur sa.” (Mark 13:32, 33) Me aksruksruk koluk elos akkolukye met Kristian oaru ke pal in sano lalos su kutupal sa liki pal pakiyuki. (2 Piter 3:3, 4) Tusruktu, len lun Jeova e fwa tuku na paye, Piter el fwak, fwal nu ke pal pakiyuki Lal.
Fuka Kut Ku in Srukye Nunuk Lun Jeova
16 Kut enenu in srukye nunuk lun Jeova ke pal, oanu Piter el akismakinye kut ke pal inge: “Tu met kulu, komwos in tia mulkunla ma se inge, tu sie len yurin Leum, oanu sie tausen yiu, a sie tausen yiu oanu sie len. Kut fwin srikeye moul lasr nu ka kut ku in liye la arulanu futoto, lusen moul lasr oasr ke 70 ku 80 yiu na! (2 Piter 3:8; Sam 90:4, 10) Ke ma inge fwin akpayeyen mwolela lun God luman patla, kut enenu in eis kas in kai lun met palu lun God: “Fwinne pat [pal pakiyuki], sano nu ka; tu paye a fwa tuku, a fwa tia pat.”—Hebakkuk 2:3.
17 Efu ku len safla ke akmwuk se inge luman loes liki ma kut sano? Ke sie sripe mwo, oanu Piter el aketeye tok: “Jeova el tia patla ke mwoleaung lal, oanu kutu nunku patla, tu el mongfwusesr nu sumwos, meyen el tia lungse tu kutena in tula, a tu met nu kemwa in auliyuk.” (2 Piter 3:9) Jeova el nunku ke me insemwomwo lun met nu kemwa. El nunku yok ke moul lun met, oanu el fwak: “Wangin insemwomwo luk in mise lun met koluk, a tu met koluk forla liki inkanek lal a moul.” (Ezekiel 33:11) Ke ma inge kut ku in lalalfongi la safla e tuku na paye fwal nu ke pal pakiyuki in akpayeye akmwuk lun Met Orekutla lalmetmet a lungse!
Mea Ma Inge Su E fwa Wanginla?
18 Meyen Jeova el lungse na paye elos nu kemwa su kulansap nu sel, paenang el kunausla elos nu kemwa su akkeokyelos. (Sam 37:9-11, 29) Kut liye, oanu ma Poul el fwak tari ke mutamweyen me sramsram inge, su akkalemye la kunanela se inge e fwa tuku na paye ke pal se ma kut tia etu, Piter el simusla: “A len lun Leum a tuku oanu met pusrapasr, in su kosrao a fwa wanginla wikin ngurngur lulap, a ma in kosrao a fwa kofelik ke fwol lulap, a fwalu a fwa fururyuk a ma su on lu.” (2 Piter 3:10, 1 Tessalonika 5:2) Kosrao a fwalu na paye tia kunausyukla ke Sronot in pal meeta, oupanu in len lal Jeova. Ke ma inge, mea ma inge su e fwa wanginla,” ku kunausyukla?
19 Guferment lun met su kol metu su oanu “kosrao” e fwa wanginla a ouyepa fwalu, ku met koluk. “Ngurngur lulap” inge akkalemye la kosrao el sa na wanginla. “Ma in kosrao” su aoliyen u puspis lun metu e fwa “kofwelik,” ku musalla. A “fwalu,” wekunang “ma su on lu,” a fwa “eteyuk.” Jeova el tukakinyuk na paye orekma koluk lun metu ke el aksafyela akmwuk lun fwalu su ma inge arulanu fwal nu sel.
Kaifweung In Ngetuk nu ke Fwinsrak Lom
20 Ke sripen ma sikyuk inge arulanu apkurun, paenang Piter el fwak la kut enenu in moulkin “moul mutal a sumwosmwos, in sano a tawi ke tuku lun len lun God.” Wangin alollo nu ke ma inge! “Kosrao elos fwa wanginla ke e, a ma nu kemwa elos fwa kofelik ke fwol lulap!” (2 Piter 3:11, 12) Meyen me akpayeye akkalemye la ma inge nu kemwa ku in mutamwauk in sikyuk lutu paenang ma nu kemwa kut oru ku plani kut enenu in tuni mwo meet liki kut oru.
21 Piter el akkalemye ingenu mea se inge su ayaola akmwuk matu, el fwak: “A, oanu mwuleaung lal, kut sano kosrao sasu a fwal sasu, yen sumwosmwos on we. (2 Piter 3:13; Isaia 65:17) Ah, me insemwomwo na paye! Kraist a 144,000 su akola in wilul kol elos fwa aoliyen “kosrao” ku guferment “sasu,” a met nu kemwa su akola in moul ke saflaiyen fwalu se inge elos fwa aoliyen “fwalu sasu.”—1 Jon 2:17; Fwakyuk 5:9, 10; 14:1, 3.
Srukye Nunuk Akola a Moul Nasnas
22 “Tu ou inge, met kulu,” Piter el tafwela, “meyen komwos sano ma inge, komwos in alken in akkeye komwos tu komwos fwa konoiyukyuk ye mutal in misla, wangin tun a kuiye. A komwos in nunku tu mongfwusesr lun Leum lasr molela.” In sano a akola a nunku la kutena luman patla ke len lun Jeova sie inkanek lal in akkalemye mongfwusesr mutal ku in kasru kut in fwasr liki kutena tun a kuiye in ngun. Aok, oasr me sensen! Piter el sang kas in sensen la in leta lal “Poul met kulu lasr . . . oasr kutu ma upa in eteyuk, a met silalkung a met tia tu ku furela, oanu elos ouyepa oru in kutupa ma simusla, nu ke kunauselosla sifwanu.”—2 Piter 3:14-16.
23 Arulanu kalem la met luti kikiap elos furela ma Poul el simusla ke lungkulang lun God, elos orekmakin ma inge in sang sukosok selos sifwanu ke orekma fokfok. Saap ma inge oasr ke nunuk lal Piter ke pal se ma el aksafyela kas in kaifwe lal: “Tu ou inge, komwos met kulu, meyen komwos etu ma inge meet, liyekomwosyung tu komwos in tia sremla ke srifwe lun met koluk, a komwos putatla liki ku lomwos.” Tukun el kaskas ou inge el aksafyela leta lal, a fwak nu selos: “A komwos in kapek in lung, a in etu Leum a Met Lango lasr Jisus Kraist.”—2 Piter 3:17, 18.
24 Arulanu kalem, Piter el lungse in akkeye met lili wiel. El lungse met nu kemwa in srukye kain in oiye su oasr ke Met Lo oaru su 82 matwe ke mutamweyen me lutlut inge: “Nga moulkin moul oanu met saap Poul el kaifwe, ‘esam pal nu kemwa tuku lun len lun Jeova.’ Nga nunku pal nu kemwa fwal mwolela sasu oanu sie ma paye su sonna liyeyuk.’ ” Lela kut nu kemwa in moulkin moul fwal nu ke inkanek se inge.
Fuka Kom Topuk?
◻ Mea kalmen “esam pal nu kemwa” len lun Jeova?
◻ Mea met aksruksruk koluk elos pilesru na paye a efu?
◻ Ke sripe fuka paenang met aksruksruk koluk elos akkolukye met Kristian oaru?
◻ Kain in nunuk fuka kut enenu in srukye pal nu kemwa?
[Study Questions]
1. Kain in nunuk yok fuka oasr yurin sie met Kristian ke len lasr?
2. Mea kalmen in esam pal nu kemwa len lun Jeova?
3. Mea ma inge su mokle Piter ke kai lal ke len lun Jeova?
4. Mea Piter el lungse kut in esam?
5. Mea kutu met palu elos fwak ke len lun Jeova?
6. Mea kas lal Kraist a met sap lal sang kalem sesr ke len lun Jeova?
7, 8. (a) Kain in met fuka elos inge su aksruksrukye kas in sensen lun God? (b) Mea met aksruksruk elos fwak?
9. (a) Efu met aksrusrksruk elos srike in akkolukye me purakak in sano su oasr ke Kas lun God? (b) Efu kut ku in fwak la sie me loeyuk nu sesr kut fwin nunku pal nu kemwa len lun Jeova?
10. Fuka Piter el sang me akpayeye la met aksruksruk elos tafongla ke ma elos oru?
11. Kain in nunuk fuka lun met Kristian in pal meeta su elos tia enenu in nunku ke pal lalos purakak kutu met in akkolukyelos?
12. Fuka Kas lun God el tia ku in kikiap na paye fwin ke kas palu lal ke “len lun Jeova”?
13. Kain in me srikasrak fuka in pal meeta akkalemye ma paye ke safla lun akmwuk se inge?
14. Efu kut ku in lalalfongi la kut moul misinge ke “len safla”?
15. Mea met Kristian elos lungse in oru fwinne oasr tari kas in sensen lal Jisus?
16. Kain in kas in kaifwe fuka kut lalmetmet in porongo?
17. Fwinne len safla el tafwela in luman loes liki ma kut nunku, tusruktu kut ku in lalalfongi ke mea?
18, 19. (a) Efu Jeova el lungse na paye in kunausla akmwuk se inge? (b) Fuka Piter el akkalemye saflaiyen akmwuk se inge, a ma inge su e fwa kunanela na paye?
20. Fuka moul lasr ku in mokleyuk ke etauk lasr ke ma sikyuk ke pal fwasru?
21. Mea ma inge su ayaola kosrao a fwalu ke len lasr?
22. (a) Mea ma inge su kasru kut in fwasr liki kutena tun a kuiye in ngun? (b) Kain in me sensen fuka Piter el akkalemye?
23. Mea kas in kaifwe safla lal Piter?
24. Kain in oiye fuka met kulansap nu kemwa lun Jeova elos enenu in srukye?
[Picture on page 30]
Esam pal nu kemwa len lun Jeova . . .
[Picture on page 31]
. . . a fwalu sasu su e fwa tuku tukun ma inge