MWE LUTLUT 21

Meac Se Inge Bethel?

Two of Jehovah’s Witnesses working in the Art Department at Bethel — Art Department, U.S.A.

Sie sin Mwet Loh luhn Jeova suc orekma ke acn in orek puk ke Bethel in acn Germany — Germany

One of Jehovah’s Witnesses working in the Bethel laundry in Kenya — Kenya

Waiters setting tables in the Bethel dining room in Colombia — Colombia

Kalmen kahs Hebrew se inge Bethel pa “lohm sin God.” (Genesis 28:17, 19, BMK) Ine se inge arlacna fal nuh ke lohm ma mwet Loh luhn Jeova uh orekmakihn fin facluh nohfohn in liyacacng ac kol orekma in luti uh. Un Mwet Suc Liyacacng Orekma Lasr Fin Facluh Nohfohn uh muhta ac orekma ke United States Bethel, ma oasr fin acn New York. U se inge pa liyacacng orekma luhn branch ohfuhs nuhkewa ke muhtuhnfacl pucspucs. Mwet nuhkewa suc kuhlwacnsap ke branch ohfuhs inge eltahl oacna sie sucu ke Bethel. In oacna sie sucu, eltahl inse sefanna ac tuhkweni muhta, orekma, mongo ac lutlut ke Bible.—Psalm 133:1.

Mwet nuhkewa ke sucu se inge ahksacohkye kunohkohn in kuhlwacnsap laltahl we uh. Ke Bethel nuhkewa, oasr mukul ac muhtwacn Christian suc kihsackuhnuhltahlacng in oruh ma luhngse luhn God ac in kuhlwacnsuhpuh ma enenuh nuhkewa ke Tohkohsrahi ke pacl ac kuh laltahl kewa. (Matthew 6:33) Wacngihn molin orekma laltahl uh. Tuhsruhktuh ituckyang acn in muhta ac mongo nwacn kais sie, wi kihtin sacn in sang eis mwe enenuh laltahl ke kais sie mahlwem. Oasr kunohkohn luhn mwet nuhkewa ke Bethel. Kuhtuh seltahl orekma ke ohfuhs, lohm mongo, lohm in print kuh oraclah puk. Kuhtuh seltahl ahknwacsnwacs lohm, owo nuknuk, ahkwoye kuhtwena ma muhsahllah ac kuhtuh pac orekma sahyac.

Mwet nuhkewa we uh kahfofo in sang kahsruh nuh ke orekma in fahkwack ke Tohkohsrahi. Ke Bethel nuhkewa, finsrak yohk se laltahl uh pa in oruh tuh ma pwacye in Bible uh sun mwet nuhkewa. Mwe rit se inge pa sie mwe puhpuhlyuck kac uh. Sihmlac luhn ma inge tuhkuh ke kahsruh ac kolyuck luhn Un Mwet Suc Liyacacng Orekma Lasr Fin Facluh Nohfohn, tohkoh suhpweyucklac ke computer nuh ke un lweng pucspucs fin facluh nohfohn, na printiyucklac ke engine ma pihsrpihsr ke print ma oasr ke lohm ma oreklac nuh kac ke kais kuhtuh Bethel. Tukun ma inge, suhpweyuckwelihk nuh ke congregation pucspucs, ahluhkwelah 115,000. Ke orekma nuhkewa inge, mwet nuhkewa ke Bethel eltahl sang kahsruh nuh ke orekma in luti ke pweng wo, orekma se ma yohk srihpac emeet uh.—Mark 13:10.

Kain in mwet fuhkah orekma ke Bethel ac mwe kahsruh fuhkah ituckyang nuh seltahl uh?
Orekma yohk srihpac fuhkah se kahsreyuck ke orekma nuhkewa ma orek ke Bethel?