MOUL LUHN MWET CHRISTIAN
Ahkos Oakwuck luhn Jeova ke Ohiyen Moul Nwacsnwacs
Jeova el oakiyac oakwuck wo nuhke ohiyen moul nwacsnwacs nuh sin mwet uh. Ke sie mwe puhpuhlyuck, el sapkihn tuh macruht luhn mukul se ac muhtwacn se in oanna ne tok. (Mt. 19:4-6, 9) El sruhnga kain in orekma fohkfohk nuhkewa. (l Cor. 6:9, 10) El oacyacpac sang kahs in kahsruh nuhke ohiyen nuknuk ac nahweyuck ma ahkkahlwemye lah mwet lal uh siena kac.—Dut. 22:5; l Tim. 2:9, 10.
Fin facluh mihsenge, oasr mwet pucspucs suc tiac luhngse oakwuck luhn Jeova ke ohiyen moul nwacsnwacs. (Rom. 1:18-32) Eltahl lwelah nuhnak luhn mwet uh pa kahsreltahl in oruh sulaclah nuhke nuknuk, nahweyuck, ac ohiyacltahl. Puhs seltahl ma fihlacngkihn orekma kuluk laltahl inge ac eltahl suhfan mwet suc tiac oruh oacna eltahl uh.—l Pet. 4:3, 4.
In oacna Mwet Loh luhn Jeova, kuht enenuh in puhlaik in ahkos oakwuck wo luhn God ke ohiyen moul nwacsnwacs uh. (Rom. 12:9) Fuhkah? Kuht enenuh in oruh in kahlwem lah meac el luhngse kuht in oruh. Tuhsruhktuh, kuht oacyacpac enenuh in sruokyac oakwuck ke ohiyen moul nwacsnwacs ke moul lasr sifacna uh. Ke sie mwe puhpuhlyuck, kuht fin sulaclah kain in nuknuk ac mwe nahweyuck, sahp kuht ac siyuck sesr sifacna: ‘Yac sulaclah luhk uh fal nuhke oakwuck luhn Jeova kuh facluh? Yac nuknuk ac nahweyuck luhk uh ahkkahlwemye lah nga sie mwet Christian suc sahngweng sin God?’ Kuh, ke pacl se nga sule program kuh petsac mukuikui ma nga luhngse in liye, sahp kuht ac siyuck sesr sifacna: ‘Yac Jeova el ac luhngse kain in program inge? Oakwuck luhn suc ke ma wo ac ma kuluk ma inge ahkkahlwemye? Yac sulaclah luhk ke mwe ahkengan inge ahkmuhnahsye ohiyac wo luhk uh? (Psa. 101:3) Yac ma inge ac kuh in mwe ahktihkuclkucl se nuh sin mwet in sucu luhk uh kuh mwet sahyac?’—l Cor. 10:31-33.
Efuh kuh arlacna yohk srihpac kuht in ahkos pacl nuhkewa oakwuck wo luhn Jeova ke moul nwacsnwacs uh? Ke pacl na sa, Jesus Christ el ac tuhfah kuhnahoslah muhtuhnfacl uh ac ma kuluk nuhkewa. (Ezk. 9:4-7) Mwet suc oruh ma luhngse luhn God muhkwena pa ac muhtana uh. (l Jn. 2:15-17) Pwacnacng, lwelah kuht in ahkos oakwuck wo luhn Jeova uh ke ohiyen moul nwacsnwacs tuh mwet suc liye ohiyac wowo lasr inge in kuh in kaksakuhnuhl.—l Pet. 2:11, 12.
LIYE VIDEO SE INGE BECOME JEHOVAH’S FRIEND —ONE MAN, ONE WOMAN, NA TOHKOHYANG, SRAMSRAMKIHN KIHSEN SIYUCK EKAHSR TEN INGE:
Efuh kuh inkacnek lahlmwetmwet se pa in moul fal nuhke oakwuck luhn Jeova ke ohiyen moul nwacsnwacs?
Efuh kuh wo pahpah ac ninac in muhtwacwacack in luti tuhlihk nahtuhltahl uh ke oakwuck wo luhn Jeova ke ohiyen moul nwacsnwacs ke pacl se eltahl srackna tuhlihk srihsrihk?
Fuhkah mwet fuhsr ac mwet mahtuh eltahl kewana kuh in kahsruh mwet uh in eis ma wo ke woiyen God?