Fuhkah Luhpan Kuh luhn Luhlahlfongi Lom nuhke Wuhlelah luhn Jeova?

Joshua ac Solomon, eltahl kewana ahkpwacyeye lah kahs ke wuhlelah luhn Jeova uh tiac kuh in tahfonglac. (Jos. 23:14; l Tok. 8:56) Sramsram luhn mwet loh luo inge sang kuh nuhke foundation fokoko se ma kuht kuh in muhsahiyuck luhlahlfongi lasr kac uh.—ll Cor. 13:1; Tit. 1:2.

Jeova el ahkpwacyeye fuhkah wuhlelah lal uh ke pacl lal Joshua? Liye video se inge wi sucu lom an, ‘Not One Word Has Failed.’ Tohkoyang, nuhnkuh ke kihsen siyuck ekahsr inge: (1) Kom ac etahel Rahab fuhkah ke luhlahlfongi lal uh? (Heb. 11:31; Jas. 2:24-26) (2) Fuhkah mwe srihkasrak lal Achan ahkpwacyeye lah sulaclah in seahkos kol nuhke ongaiyac? (3) Mwet Gibeon inge finne mwet mweun fokoko, efuh eltahl kiacpwellah Joshua ac orek mislac yurin mwet Israel? (4) Kahs luhn God ahkpwacyeyuck fuhkah ke pacl se ma tohkohsrah limekohsr luhn mwet Amor ahksahngwengye mwet Israel? (Jos. 10:5-14) (5) Jeova el kahsre kom fuhkah ke kom suk meet Tohkohsrahi luhn God ac ma suwohswohs lal uh ke moul lom?—Mt. 6:33.

Ke kuht sifwilpac nuhnkuh ke ma nuhkewa ma Jeova el oraclah uh, ma el oruh, ac ma el ac fah oruh, luhlahlfongi lasr ke wuhlelah lal uh ac fah fokokoi liki na meet ah.—Rom. 8:31, 32.