Orekma in Kihtakat Mwe Solsol nuh ke Toeni Luhlahp uh

Ke kais sie yac, kuht engan in tuhpan ma wowo pucspucs ma kuht ac fah engankihn ke toeni luhlahp lasr uh. Kuht ac fah suli mwet pucspucs in wi kuht liye woiyen Jeova. (Psalm 34:8) Kais sie un mwet elder ac fah ahkkahlwemye ke inkacnek ma wo emeet in kihtaclah mwe solsol inge.

KUHTUH MA KOM ENENUH IN ESAM

• Piyac pacl in toeni luhlahp luhn congregation luhk uh?

• Piyac pacl ma orekma in kihtakat ke mwe solsol uh ac muhtwacwacack in orek ke acn sihk uh?

• Piyac pacl in toeni nuh ke orekma in luti ke acn sihk uh?

• Meac finsrak luhk ke orekma in kihtakat se inge?

• Suc nga ahkolah in suli nuh kac uh?

MEAC KOM KUH IN FAHK?

Tukun kom fahk kahs in paing, kom kuh in fahk ma inge:

“Kuht wi ke orekma sacohk se ma orek fin facluh nohfohn in kihte mwe solsol se inge nuh ke sie toeni na yohk srihpac. Lwen, pacl ac acn uh oasr luun mwe solsol se inge. Kuht ac engan kom fin wi kuht.”

KOM AC AHKYOHKYE FUHKAH LUHNGSE LUHN MWET SUC LOHNG?

Pwacye lah kuht luhngse in suli mwet pucspucs nuh ke toeni luhlahp lasr uh, tuhsruhktuh kuht enenuh in lohacng ahkwoyac in sifwil fohlohk nuh yurin mwet suc luhngse lohng.

Ke Saturday ac Sunday, kom kuh in kihtakat mackuhsin wi mwe solsol inge.