Ohiyac Ma Sang Kaksak Nuh sin Jeova
1. Efuh kuh Mwet Loh luhn Jeova arlacna kahlwem ke pacl in toeni luhlahp?
1 Ke pacl se kuht wi toeni luhlahp uh, arlacna kahlwem nuh sin mwet uh. Ke acn in toeni pucspucs, acn in nus uh muhta fahkwack nuh sin mwet uh ke acn kuht oasr we. Otel ac acn in mongo uh ac nwacnwaclah ke mwet ma suliyuck in wi toeni, ac mwet ke acn sac ac ma liye ke mwetuh tuhkuh uh ac orekmakihn badge nuhke toeni. Pa inge kuhtuh mwe acsmakihn ma ac kahsre kuht in sang kaksak nuh sin God ke ohiyac wowo lasr ke kuht oasr ke acn in toeni.—1 Peter 2:12.
2. Kuht kuh in sang kaksak fuhkah nuh sin God ke ohiyen nuknuk wo ac fal lasr ke kuht oasr ke acn in toeni?
2 Nuknuk Fal ac Wo: Inkaiyen pacl uh, nuknuk wo ac fal ma kuht orekmakihn ke kuht wi purokrwacm sac ac mokle insiyacn mwet ma liye kuht uh. Sahp ma yohk na liki ma inge pa ohiyen nuknuk lasr ke pacl sahyac oacna ke kuht sun otel ah, pacl in mongo ke acn in mongo, ke kuht moul ac acn sahyac. Fwinne kuht tiac enenuh in nahweyucklac na pwacye ke kain in pacl inge, ma kuht nukum uh enenuh in fal, ahkkahlwemye suhnak, ac tiac arlacna koluk. Mwet ma liye kuht uh enenuh in liye lah kuht siena liki elos suc tiac wi ke luhlahlfongi. (Rome 12:2) Wekuhnacng ma inge, kuht enenuh in orekmakihn badge nuhke toeni, mweyen ma inge ac fahkwack nuh sin mwet uh ke toeni lasr, oruh kuht kuh in sang ma loh, ac kuht in oruh mwet lili sahyac suc wi ke toeni in akihlen kuht.
3. Kuht kuh in ahkkahlwemye fuhkah mongfihsracsr ac kuhlwacng?
3 Mongfihsracsr ac Kuhlwacng: Ke pacl inge mwet pucspucs elos nuhnkuh kelos sifacna ac nihkihn srui, ac fuhkah woiyen mongfihsracsr ac kuhlwacng lasr nuh sin mwet ma liye kuht, oacna mwet orekma ke otel kuh acn in mongo! (2 Timothy 3:1-5) Ke pacl se kom sackuhnlah siah in muhta lom kuh in eis ma sasuc suc ituckyang nuh sin mwet uh ke pacl in toeni, kuht enenuh in tiac nuhnkuh na ma wo nuh sesr sifacna, tuh kuht in nuhnkuh mwet sahyac. (1 Corinth 10:23, 24) Tokin mukul se wi sie toeni ke pacl se emeet lal, pa inge ma el fwahk, “Nga tiac esam kuhtwena sramsram ma orek ke lwen sac, tuhsruhktuh ohiyen Mwet Loh ah pa mokle yuh na pwacye.”
4. Efuh kuh kuht enenuh in nuhnkuh in wi kahsruh fwin kuh ke acn in toeni fwinne wacngihn molo?
4 Elos suc Luhngse Wi Orekma: Luhngse in wi orekma ke wacngihn molo oruh mwe akucl se luhn Kihristin pwacye uh. (Psalm 110:3) Yac kom kuh in wi kahsruh ke pacl in toeni luhlahp? Ke sie acn in toeni luhlahp, apkuhran mwet lili 600 wi ahknwacsnwacs meet liki toeni uh orek ac wacngihn molo.Mwet orekma ah fwahk: “Kuht tuhfahna liye kain ohiyac wo se inge! Arlacna upac in luhlahlfongi lah mwet inge nohfohn elos orekma ke wacngihn molo.” Kuht arlacna ke toeni luhlahp luhn yac 2013 in orek ac liye pacl wowo ma kuht kuh in lohng ac lotelah sin God oacyac pac sang kaksak nuh sel.
[Pohk ke sra 3-6]
Mwe Acsmakihn Nuhke Toeni Luhlahp luhn Yac 2013
◼ Ao ke Purokrwacm: Acn in toeni ac ikacklah ke ao 8:00 lututacng. Puhsren on ac muhtwacwacack ke ao 9:20 ke lututacng. Ke pacl se inge, kuht nohfohn enenuh in som nuhke acn in muhta lasr mweyen purokrwacm in muhtwacwacack ke sie ohiyac wo ac oasr suhnak. On sahflah ac orek ke ao 4:50 tahfuhn lwen tok ke Sactte. Ac ke Sacnri ac orek ke ao 3:35 tahfuhn lwen tok.
◼ Acn in Sitosah: Ke acn in toeni nuhkewa oasr acn in oai luhn stosah nuh sin mwet nuhkewa suc ac wi ac wacngihn molin ma inge. Inkaiyen pacl uh, acn in stosah uh suhfal, pwacnacng ac wo kuht fwin tuhkweni wi sie stosah. Elos suc oasr laisin puhlwet ac sain luhn mwet suhkahpahs muhkwena pa kuh in oai ke acn luhn mwet suhkahpahs.
◼ Oakiyac Acn in Muhta: Kom kuh in oakiyac muhkwena acn in muhta luhn sucu lom kuh elos suc wi kom ke stosah ukom kuh mwet lutlut Bible lom. Sucpucs acn in muhta luhn mwet mahtuh ac mwet mas, pwacnacng sahp mwet in sucu uh nohfohn tiac kuh in muhta yurin yurohlohs. Nuhnakmuhnas lwelah siah inge in mwesahs nuh sin mwet mahtuh ac mas inge wekuhnacng elos suc kahsrelos.—1 Corinth 13:5.
◼ Mongo in Infulwacn Lwen: Nuhnakmuhnas us mongo muhlahlah nuhke infulwacn lwen ac nikmet som liki acn in toeni in eis mongo ke pacl in monglac. Kuh in orekmakihnyuck cooler srihsrihk ma ac fal nuhke ye siah lom. Cooler luhlahp ac ahluh suhfah, fwah tiac lwelah nuhke acn in toeni.
◼ Mwe Kahsruh: Kuht kuh in ahkkahlwemye kuloh lasr nuhke oakwuck luhn toeni luhlahp inge ke kuht sang mwe kahsruh lasr nuhke orekma suc orek fin facluh nohfohn ke pacl in toeni. Kuhtwena check enenuh in sihmlac ke e se inge, “Watch Tower.” Mwe kahsruh kuh pac in orek ke debit kuh credit card.
◼ Ono: Kom fwin enenuh in eis ono, nuhnakmuhnas esam in us ma fal, mweyen wacngihn ma inge ke acn in toeni. Mwe fakfuck luhn mwet suka enenuh in sisilac nuhke acn in kutkut luhn mwe sensen ac tiac ke kuhtwena acn in kutkut ke acn in toeni kuh otel.
◼ Ma Kom Falke: Kais sie yac, oasr ongaiyac sikyak ke srihpen ma mwet uh falke, yohk na elos fwin orekmakihn fahluhk tohktohk. Wo in orekmakihn fahluhk kuh sacnduhl ma fal ac kom kuh in fahsr wo kac ke acn tohktohk, step kuh acn sahyac.
◼ Elos Suc Tiac Kuh in Lohng Wo: Fwin purokrwacm sac ac orek ke retio, kom ac enenuh in use retio srihsrihk se wekuhnacng earphone.
◼ Stroller luhn Tuhlihk ac Siyah Nuh Lihk: Stroller luhn tuhlihk ac siah nuh lik ac tiac utuck nuhke acn in toeni. Tuhsruhktuh, mwe oan luhn ahwowo kuh in utuck fwin elos kuh in fihliyac wo ma inge ke sie siah sisken pahpah ac ninac.
◼ Ono Kweng: Inkaiyen toeni luhlahp uh orek ke acn ma lihsrlihsryak ac oasr air con ma we. Pwacnacng ac wo kuht fwin liyacng ke kuht orekmakihn ono kweng ma arlacna fokoko fohloh ac kuh in ahkkolukye kuh oruh in upac nuh sin mwet ma koluk nuh ke ono kweng uh.—1 Corinth 10:24.
◼ Pwepuh in Please Follow Up (S-43): Enenuh in orekmakihnyuck pwepuh in Please Follow Up in ahkkahlwemye ma ke sie mwet suc luhngse in lohng ke kuhtwena pacl suc kom sramsram nuh sin mwet ke acn in toeni ah. Ke pacl se kom nwacklah tari pwepuh inge, sang nuh sin mwet ke acn in puk kuh nuh sin sackritacri luhn congregation lom ke kom fohlohk nuhke acn lom.
◼ Acn in Mongo: Ahkfuhlwactye en Jeova ke ohiyac wo lom ke acn in mongo. Orekmakihn nuknuk ma ac fal nuh sin sie mwet Kihristin. Fwin facsin luhn acn lom, sang kihtin mani in ahkkahlwemye kuloh lom nuh ke kahsruh luhn mwet orekma.
◼ Otel:
(1) Nuhnakmuhnas nikmet sackuhnlah rum ahluhkelah ma fal nuh sum, ac nikmet lwelah mwet puhkantwen in muhta ke rum lom ahluhkelah oakwuck luhn otel.
(2) Nikmet kuhnahoslah oakwuck in eis rum lom nwe ke na oasr ma elyah na pwacye, na fwah kom fwahk nuh sin otel sac mweyen mwet sahyac suc enenuh in kuh in orekmakihn rum sac. (Matthew 5:37) Kom fwin enenuh in eslah oakwuck lom, esam kom in eis nacmpuh nuhke ma inge. Kom fwin kuhnahoslah oakwuck in eis rum lom meet liki ao 48, kom ac tiac eis mani ma kom fihliyac ah.
(3) Nuhnakmuhnas etuh lah kom fwin orekmakihn debit kuh credit card ke pacl se kom som nuhke sie otel, inkaiyen pacl uh elos ac eis luhpan mani se suc fal in molwelah molin rum lom, ac fwin oasr kuhtwena ma suc muhsahllah kuh oasr kuhtwena ma suc sikyak ke pacl se kom muhta we. Kom ac tiac kuh in orekmakihn luhpan mani sac nwe ke na otel sac eslah mani suc kom enenuh in sang nuh selos tokin kom som.
(4) Eis na sie mwe utuck pack ke pacl se kom ahkolah in orekmakihn ac fohlohkohnlah ke pacl sa mwet sahyac in kuh in orekmakihn.
(5) Fwin facsin luhn acn lom, sang kihtin mani in ahkkahlwemye kuloh lom nuh sin mwet orekma ke pacl se elos us pack lom oacyacpac ke elos ahknwacsnwacsye rum lom kais sie lwen.
(6) Kom kuh in kuk na ke rum ma lwelah in orek ma inge lac.
(7) Nikmet kuhnaus kuhtwena mwe sang suc oacna mongo in lututacng, kohfi, kuh aes suc elos ahkolah nuh sin mwet lalos in kang ke pacl elos oasr lun otel.
(8) Pacl nuhkewa ahkkahlwemye fahko ke kuh luhn God ke kuht oasr yurin mwet orekma ke acn sac. Elos liyacng mwet pucspucs pwacnacng elos ac luhngse ke kuht kuhlwacng, mongfihsracsr, ac ahkkahlwemye kahlwem.
(9) Pahpah ac ninac enenuh in liyacng tuhlihk nahtuhlos pacl nuhkewa lun otel uh, wekuhnacng elevator, acn in kofkof, ahsros ac kuhtwena ma sahyac.
(10) Molin rum ma oasr ke pwepuh se suc pahngpahng Recommended Lodging List pa molin lwen fohn se, ac wacngihn tahk kac. Fwin molin ma inge ahluhkelah molo na pwacye ah, nikmet moli tuh kom sa fwahk nuh sin ip luhn Rooming Department ke acn in toeni ah.
(11) Fwin oasr ma upac sikyak ke rum lom, fwahk nuh sin Rooming Department ke kom oasr ke acn in toeni ah elos in kuh in kahsre kom.
◼ Wi Kahsruh: Kuhtwena mwet suc luhngse in kahsruh ke orekma enenuh in fahkacng nuh sin ip luhn Service Department ke acn in toeni ah. Tuhlihk suc srihk liki yac 16 kuh pac in wi sang kahsruh wo ke elos wi pahpah ac ninac kiyaclos, siyac mwet ma kuh in karihngihn elos, kuh sie mwet mahtuh suc pahpah ac ninac lwelah in liyacng tuhlihk nahtuhlos.