Toeni Luhlahp Lasr ke District—Mwe Ahkpwacyeye Wo nuhke Ma Pwacye
1. Kuhfa suc orek yac nuhkwewa sang pacl wowo nuh sin mwet Israel in nuhnkuh yohk ac sramsramkihn ma pwacye yohk srihpac fuhkah?
1 In pacl met ah mwet Israel elos tuhkweni pacl tolu ke yac nuhkwewa in oruh kuhfa lalos. Mukul muhkwena pa sapkihnyuck in wi kac, ne ouinge ke pacl pucspucs sucu nohfohn som nuh Jerusalem in engankihn toeni luhlahp inge suc oasr engan yohk. (Deuteronomy 16:15, 16) Toeni inge sang pacl wowo nuh selos in nuhnkuh yohk ac sramsramkihn ma pwacye ke God. Meac kuhtuh ma pwacye inge? Sie pa Jeova el sie suc wo ac kuhlwacng in sang ma pucspucs. (Deuteronomy 15:4, 5) Sie pac pa mwet uh kuh in luhlahlfongi nuh sel ke kolyak ac ke mwe karihngihn lal. (Deuteronomy 32:9, 10) Mwet Israel elos enenuh pac in nuhnkuh kac lah oacna sie muhtuhnfacl nuhke en Jeova, elos in ahkkahlwemye inkacnek suwohs lal ke moul lalos sifacna. (Deuteronomy 7:6, 11) Ke pacl inge toeni luhlahp lasr ke yac nuhkwewa ahkihnsewowoye kuht pac.
2. Purokrwacm ke toeni luhlahp ac fah ahkkahlwemye fuhkah mwe kahsruh in kahlwem yohk ac in orekmakihn ma pwacye?
2 Oakwuck suc Kahsre Kuht in Kahlwem Yohk Ac in Orekmakihn Ma Pwacye: Ke toeni luhlahp lasr, kuht engankihn mwe sramsram, mwe luhmahlah, ac interview pucspucs suc kahsre kuht in kahlwem yohk ac in orekmakihn ma pwacye luhn Bible. (John 17:17) Oasr tari orekma pucspucs orek in ahkolah nuhke toeni luhlahp lasr suc apkuhran na in orek. U luhn Jeova el ahko sie purokrwacm suc oreklac wo in sang kahsruh nuhke ma enenuh in pacl inge ke orekma in fahkack pweng wo fin facluh nohfon. (Matthew 24:45-47) Yac kom ke na pwacye in liye ac lohng ma ac fah ahkkahlwemyeyuck?
3. Meac kuht enenuh in oruh tuh kuht in eis mwe insewowo yohk ke purokrwacm?
3 Ahok, kuht fah eis ma lane yohk kac fin kuht wi ac loang ahkwoye ke purokrwacm nuhkwewa. Kom in sramsram nuh sin mwet karihngihn orekma lom ac siyuck sel tuh kom in monglac ke orekma lom ke lwen se. Kom in oraclah pac oakwuck in sa monglac ac mutul ke fong se met liki toeni tuh kom in kuh in loang ahkwoye ke lusen purokrwacm nohfohn. Mwet lili pucspucs elos konacack lah fin elos kacfweacng in ngetang nuh sin mwet sramsram ac suhmuhslah kuhtuh mwe lutlut, ma inge kahsrelos in loang ahkwoye pacl nuhkwewa. Nikmet lwelah cell phone lom in ahkkulukye kom ac mwet pucspucs sahyac. Kom in fahsr liki in sramsram, orek text, mongo, kuh nim ke lusen pacl in purokrwacm.
4. Pahpah ac ninac elos kuh in kahsruh fuhkah tuhlihk nahtuhlos in eis mwe insewowo yohk ke pacl in toeni luhlahp?
4 Ke yac luhn Sabbath, sucu nuhkwewa luhn mwet Israel elos tuhkweni nuh sie in lohng ke Masap suc ritiyuck ke Kufwen Iwen Aktuktuk, “tulik” natuhlos welulos pac “tuh mwet nukewa fah ku in lohng ac lotela.” (Deuteronomy 31:12) Sie mwe ahkkeye yohk in liye sucu pucspucs elos tuhkweni muhta ke toeni inge ac mwet fuhsr ngetnget tiac mutul ac loang ahkwoye! Tukun toeni luhlahp efuh kuh kowos in tiac tuhkweni kalweni ac sramsramkihn ma kowos suhmuhslah ke purokrwacm suc kowos engankihn na pwacye? “Lalfon kapuri insien sie tulik;” ke ma inge pahpah ac ninac elos enenuh in karihngihn tuhlihk srihsrihk nahtuhlos, wekuhnacng mwet fuhsr nahtuhlos, ke pacl in monglac ke infulwen lwen, ac tiac fihleltalla in oruh ma luhngse laltal sifacna.—Soakas 22:15, BMK; 29:15.
5. Kuht kuh in naweyuckla fuhkah ma pwacye ke ohiyac suc kuht nokomacng nuknuk ke kuht oasr ke acn in toeni luhlahp?
5 Ke kuht orekmakihn convention badge lasr, ma inge sang kahsruh in fahkack ke toeni luhlahp lasr, ac oruh pac mwet pucspucs suc wi ke toeni in ahkilen kuht, ma inge sang pac ma lo nuh sin mwet suc liye kuht. Mwet uh elos fah liye lah nuh selos suc orekmakihn convention badge elos nokomacng nuknuk wo ac fal, tiac kain in nuknuk sufal ac ma kuh in purakak kena kuluk luhn mwet uh suc orek yen nuhkwewa. (1 Timothy 2:9, 10) Ke ma inge, kuht enenuh in loang ahkwoye ke nuknuk ac mwe yuhn lasr ke toeni luhlahp. Kuht fin sulela in aolla nuknuk lasr tukun purokrwacm ac som nuhke sie restaurant, kuht enenuh in esam lah kuht wi ke toeni luhlahp ac tiac nokomacng nuknuk ma sufal.
6. Meac sie inkacnek suc kuht kuh in engankihn inse sefanna lasr oacna mwet Kihristin ke pacl in toeni luhlahp?
6 Ke kuhfa suc orek yac nuhkwewa, mwet Israel elos engankihn asrouki wowo yurin mwet wiyelos ma tuhkuh liki acn pucspucs sahyac suc alu pac nuh sin God, ac ma inge ahkkeye inse sefanna. (Orekma 2:1, 5) Ke pacl in toeni luhlahp lasr, ohiyac pwacye lasr oacna mwet lili arlacna kahlwem. Ohiyac wo inge suc oasr mihslac ac inse sefanna yohrohsr oacna mwet lili ahkkeye mwet nuhkwewa suc liye ma inge. (Psalm 133:1) Wo kuht fin tiac som liki acn in toeni lasr in moli mongo ke infulwen lwen, a kuht in us na mongo muhlahlah. Ac lwelah kuht in orekmakihn pacl wowo inge in osun ac sramsram nuh sin mwet lili wiyesr suc muhta pac we!
7. Meac srihpac pucspucs lasr in wi orekma kuht fin kuh?
7 Mwet pucspucs elos kaksakihn oakwuck ac tahklah wo ke toeni luhlahp lasr, yohkna ke elos etelah lah orekma nuhkwewa orek sin mwet suc luhngse in kahsruh ac wacngihn molo. Yac kom ‘engan in eiskomyang sifacna’ in wi orekma nuhke toeni luhlahp? (Psalm 110:3) Mwet nuhkwewa ke sucu elos inse muhlahlah in wi orekma ac ma inge inkacnek wo in sang ahkpah nuh sin tuhlihk nahtuhlos in kahsruh mwet pucspucs sahyac. Kom fin sie mwet mwekin, wo kom in wi orekma ke toeni luhlahp mweyen pa inge sie inkacnek wo in osun nuh sin mwet pucspucs suc wi ke toeni. Sie muhtwacn lili el fahk: “Sahyen sucu luhk ac kuhtuh kawuhk luhk, nga tiac etuh mwet pucspucs we. Tuhsruhktuh ke pacl se nga sang kahsruh in wi ahknwacsnwacs, nga aetuhi nuh sin mwet lili pucspucs. Sie me insewowo na pwacye pa inge!” Kafweacng lasr in orek kawuhk nuh sin mwet lili pucspucs ke kuht wi orekma ke toeni luhlahp lasr ase mwe engan yohk. (2 Corinth 6:12, 13) Kom fwin soenna srike in wi orekma ke toeni luhlahp, siyuck sin mwet elder lah fuhkah kom kuh in fal in kahsruh.
8. Kuht ac fah suli fuhkah mwet pucspucs in wi ke toeni luhlahp?
8 Suli Mwet Pucspucs in Lohng Ma Pwacye: In oacna ke yac pucspucs somlah, wik tolu met liki muhtwacweyen toeni luhlahp lasr, kuht fah wi ke orekma in suli mwet pucspucs in wi kac. Congregation elos ac fah kacfweacng yohk in kihtelah mwe solsol nuh sin mwet pucspucs yen nuhkwewa. (Liye pok se inge “Kuht Fah Kihtelah Fuhkah Mwe Solsol?”
9. Sruhmuhn sie ma sikyak wo suc ahkpwacyeye lah orekma lasr in kihtelah mwe solsol yac nuhkwewa oraclah fahko wowo.
9 Yac mwet uh elos luhngse in eis mwe solsol inge? Ke sie toeni luhlahp sie mukul lili el kahsruh siyanyen se in suk ke acn in muhta lalos. Elos fahk nuh sel lah elos eis mwe solsol ac elos “nuhnkuh muh ma inge arlacna wo ac moklelos in wi kac.” Ke ma inge elos ituhk sitosa okwelos ke lusen mael 200 kuhtuh tuh elos in wi kac! Ke sie pac ohiyac, sie muhtwacn lili suc som sie lohm nuhke sie lohm el sang sie mwe solsol nuh sin sie mukul suc ke etuh pac ke toeni luhlahp. Ke ma inge el orekmakihn pacl in ahkuhtweyac mwe solsol nuh sel. Tukun kuhtuh lwen ke pacl se muhtwacn lili se inge el wi ke toeni luhlahp, el liye mukul se inge ac sie sin mwet kawuhk lal ke acn in toeni ac elos us mwe rit sasuh suc tuhfana ahkkahlwemyeyuck ke toeni luhlahp se inge.
10. Efuh kuh yohk srihpac kuht in wi ke toeni luhlahp lasr yac nuhkwewa?
10 Kuhfa suc orek yac nuhkwewa el sie oakwuck wowo ma tuhkuh sin Jeova in kahsruh mwet Israel in “orekma nu Sel in sumwos a in paye.” (Josua 24:14, BMK) Ke inkacnek ouinge, kacfweacng lasr in wi ke toeni luhlahp yac nuhkwewa kahsre kuht in “moulkin ma pwaye pacl nukewa,” ac sie ip na yohk srihpac ke alu lasr. (3 John 3) Lwelah Jeova elan ahkinsewowoye kacfweacng luhn mwet nuhkwewa suc luhngse ma pwacye elos in wi ac in eis mwe insewowo yohk kac!
[Mwe ahkuhtweyac srihsrihk ke sra 4]
Ohiyac wowo lasr ke pacl in toeni luhlahp nahwaclah ma pwacye
[Mwe ahkuhtweyac srihsrihk ke sra 5]
Wik tolu met liki muhtwacweyen toeni luhlahp lasr, kuht fah wi ke orekma in suli mwet pucspucs in wi kac
[Pohk ke sra 3-6]
Mwe Ascmakihn Nuhke Toeni Luhlahp Luhn District Ke Yac 2012
◼ Pacl in Purokrwacm: Purokrwacm ac fah muhtwacwacack ke ao 9:20 ke lututacng. Ke pacl se puhsrwacn on muhtwacwacack, kuht nuhkwewa enenuh in muhta ke siyac lasr ke pacl inge mweyen purokrwacm enenuh in muhtwacwacack ke inkacnek fal ac suwohs.
◼ Sekuhnlah Acn In Muhta: Siyac nuhkwewa kuh in sekuhnlah muhkwena nuh selos nuhkwewa suc wi kom kahsruhsr ke ma okom kuh muhta wi kom ke lohm sum sifacna.
◼ Mongo Ke Infulwen Lwen: Nuhnak muhnas us mongo ke infulwen lwen mweyen wo liki na in som liki niyen toeni ke pacl in monglac fototo ke infulwen lwen in moli mwe mongo. Cooler srihsrihk suc kuh in filiyucki yac siyac lom kuh in orekmakihnyuck. Cooler luhlahp ac suhfah suc oreklac ke glass tiac leyucklah nuh lun acn in toeni.
◼ Mwe Kahsruh: Kuht kuh in ahkkahlwemye insewowo lasr ke oakwuck nuhkwewa ma oreklac nuhke toeni ke kuht sang mwe kahsruh suc tuhkuh ke insiesr nuhke orekma in luti fin facluh nohfohn. Kuhtwena mwe kahsruh suc oreklac ke check nuhke toeni luhlahp enenuh in simlac ke inen “Watch Tower.”
◼ Ongoiyac ac Emergencies: Fin sie medical emergency sikyak nuhke nien toeni, nuhnak muhnas pangon sie mwet lili suc orekma oacna mwet kahsruh suc oasr ke acn apkuhran nuh sum. El fah sa in ahkkahlwemye nuh sin First Aid Department tuh elos in kuh in konacack mwet lasr suc ahkolah nuh kac ke niyen toeni ac in sang kahsruh suc enenweyuck in orek.
◼ Ono: Fin kom enenuh ono nuhke mas lom, kom in ahkpwacyeye lah kom us luhpa fal nuh sum, mweyen wacngihn ono ke acn in toeni. Mwe fakfuhk ac ninuhl suc orekmakihn sin mwet suc oasr muhsen suka enenuh in sisila nuhke acn in sisi kutkut ma fal nuh kac.
◼ Lungse in Wi Orekma: Kuhtwena mwet lili suc lungse in sang kahsruh nuhke orekma el enenuh in sramsram nuh sin mwet lili suc karihngihn Volunteer Service Department ke toeni luhlahp. Tuhlihk fuhsr suc srihk liki yac 16 matwe kuh in wi orekma ye karihngihn luhn pahpah kuh ninac, kuh sie mwet suc pahpah ac ninac lwelah in liyacng tuhlihk nahtuhlos.
[Pohk ke sra 6]
Kuht Fah Kihtelah Fuhkah Mwe Solsol?
Tuh kuht in ahksahfyela orekma lasr nuh yen nuhkwewa, kuht enenuh in ahkfototoye sramsram lasr uh. Kuht kuh in fahk ouinge: “Lwen wo. Kuht oruh orekma se inge suc orek fin facluh nohfon in kihtelah mwe solsol se inge. Pa inge mwe solsol nuhtum. Kom ac fah liye kuhtuhpac mwe ahkkahlwemye ke mwe solsol se inge.” Kom in moniyuhk. Ke kom wi kihtelah mwe solsol ke Sactte ac Sacnri, kom enenuh pac in kihtelah magasin fin fal.