TOP NUH KE KIHSEN SIYUCK KE BIBLE

Yac kuht kuh in etuh ma pwacye ke God?

God el sramsram nuh sin mwet uh. El orekmakihn nguhn muhtahl lal kuh kuh lal in ahkkahlwemye nuhnak lal uh nuh sin mwet sihm luhn Bible. (Luo Peter 1:20, 21) Kuht kuh in etuh ma pwacye ke God ke kuht riti Bible uh.​—Riti John 17:17; Luo Timothy 3:16.

Puhs ma God el ahkkahlwemye kacl sifacna in Bible uh. El oruh in etweyuck lah efuh el oraclah mwet uh, meac oakwuck lal nuh sesr, ac ke inkacnek fuhkah el luhngse kuht in moulkihn moul lasr. (Orekma 17:24-27) Jeova God el ke kuht in etuh ma pwacye kacl uh.​—Riti Sie Timothy 2:3, 4.

Efuh kuh God el paing mwet suc luhngse ma pwacye uh?

Jeova pa God luhn ma pwacye ac el suhpwaclma Jesus, wen nahtuhl in luti ma pwacye uh nuh sin mwet nuhkewa. Pwacnacng, mwet suc luhngse ma pwacye uh luhngse in etwacl ac lohnguhl Jesus. (John 18:37) God el ke kain in mwet inge in alu nuh sel.​—Riti John 4:23, 24.

Setan suc Devil el tulokihn mwet pucspucs in etuh ke God ke el fahk mwe luti kikiacp kacl. (Luo Corinth 4:3, 4) Mwet suc tiac luhngse ma wo uh luhngse mwe luti kikiacp inge. (Rome 1:25) Tuhsruhktuh, million sin mwet suc inse pwacye eltahl wi konwacack ma pwacye ke God ke eltahl lutlut Bible uh.​—Riti Orekma 17:11.

Ke kuhtuh pac mwe ahkuhtweyac liye sapta 1 ke puk se inge, ma oreklac sin Mwet Loh luhn Jeova

Oasr pac ke www.jw.org