Sifwil Isusla​—El Sulela lun Met Se Sifwana?

SU ORU met se in sifwil isusla? In sang kas in akkeye nu sin met puspus su long kas in luti nu sin met Kristian ke sifwil isusla, a oasr kutu sin met luti elos orekmakin kas lun Jisus inge: “Komwos fwa sifwil isusla.” (Jon 3:7) Met luti inge srike in orekmakin kas inge oana masap nu ke inkanek in luti lalos, in fwak ouinge, kafweang kom in “Sifwil isusla!” Elos luti a fwak la sulela el ma nu sin kais sie met su oasr lulalfongi in akos kas lun Jisus a suk inkanek su fwa ku in kasrel nu ke me enenu lun sifwil isusla. In fwal nu ke luti ouinge, met se sifwana fwa oru sulela lal nu ke inkanek lun sifwil isusla. Tusruktu, ya pa inge akwuk sumwos nu ke kalmeyen kas lun Jisus nu sel Nikodimus?

Enenu in oasr kalem mwomwo ke pal se ridiyuk kas lun Jisus inge in eis etauk sumwos nu ke kalmeyen kas in luti lal la met se sifwana pa ku in oru sulela lal nu ke inkanek in sifwil isusla ku tia. Efu ku kut fwak ouinge? Meyen ke kas Grik su lungasyukla nu ke “sifwil isusla” ku pa in kalmekinyuk nu ke “isusla lung me.”a Ke ma inge, in fwal nu ke kalmeyen sifwil isusla oasr me akuteye kalem nu ka la ma inge mutamwauk “lung me,” su kalmekin la, “in kosrao me,” ku “sin Papa me.” (Jon 19:11; liye footnote; Jemes 1:17) Aok, akwuk nu ke sifwil isusla tuku sin God.​—1 Jon 3:9.

Fwin kut orekmakin kas inge “lung me” ke nunak lasr, fwa ku in kalem nu sin sie met ke inkanek lun sifwil isusla lun sie met. Lela in kalem la tia isusla lun sie met ke mano pa inge. Ya kom pa sulela akwuk nu ke oiyen isusla lom? Kalem la tia ouinge! Kom isusla ke sripen papa tumom. Ke inkanek sepana inge, kut ku in sifwil isusla mukena fwin God, papa tumasr in kosrao, el oakiye. (Jon 1:13) Ke ma inge, fwal Piter su met sap in fwak: “Insemwomwo God Papa tumun Leum lasr Jisus Kraist, su oana ke pakoten lulap lal sifwil oswekutla.”​—1 Piter 1:3.

Ya Masap se?

Ke ma inge, oasr kutu met fwa siyuk, ‘Fwin paye la met se tia ku in sifwana oru sulela nu ke sifwil isusla lal, a efu ku Jisus el sang masap a fwak: “Komwos fwa sifwil isusla”?’ Kusensiyuk se inge arlana sumwos a fwal. Meyen, fwin Jisus el sapkin ke inkanek lun masap in orek ouinge, kalem la el sapkin nu sesr in oru sie akwuk su kut sifwana tia ku in oru. Kain in akwuk inge tia sumwos in orek. Ke ma inge, fuka kas inge komwos fwa “sifwil isusla” ku in eteyuk kalmeye?

Lela in oasr etauk a kalem sumwos nu ke orekmakinyen kas inge ke mutamwauk, la tia akwuki nu ke inkanek lun masap. Tusruktu, kas inge akwuki nu ke inkanek lun me sramsram a me lutlut. Ke kutu kalme saye, nu ke kas lun Jisus su fwak komwos fwa “sifwil isusla,” el fwakak kas inge, tia ke sripen akwuk lun masap. Tusruktu el fwak: “Komwos enenu in sifwil isusla ke oiya lung me.”​—Jon 3:7, Modern Young’s Literal Translation.

In sang me pupulyuk nu ke oiya inge fwin kas inge el masap ku me sramsram mukena, lela kut in nunku ke sie me pupulyuk. Srike lumala ke sie tulik su eis me usru saok su itukyang nu sel sin sie sou su nutella. Ke sie len, sou se inge fwak nu sin tulik se inge la mea eneneyuk tu sou se inge fwa ku in sang nu sel me usru saok se inge. Ke ma inge tulik se su nutiyukla el som nu yurin lawyer se a siyuk sel ke kusensiyuk inge, “Mea nga enenu in oru in eis me usru se su sou luk inge elos akola in ase nu sik?” Lawyer se inge el fwak nu sel, “Kom enenu in ekla tulik nutulos.” Aok kas lun lawyer se inge el tia masap se. El tia sapkin tulik mokul se inge elan “Ekla sie tulik mokul!” Lawyer se inge el akkalemye mukena ke ma eneneyuk tu el fwa ku in eis me usru saok se inge. Akwuk se inge el oapana, ke pal se Jisus el fwak “Komwos fwa sifwil isusla,” el fwakak ke ma paye mukena, ke ma eneneyuk nu sin sie met in “ilyak nu in Togusrai lun God.”

Kas mwo in nunkeyuk ke saflaiye pa ke Togusrai lun God el fwa oakiye sie pa inkanek nu ke sifwil isusla. Akwuk se inge oasr ke kusensiyuk su fwak, Mea akwuk lun sifwil isusla? Fwin oasr me top mwomwo nu ke kusensiyuk inge paye la oasr pa key yok su eneneyuk nu ke etauk a kalem paye ke sifwil isusla.

[Footnote]

[Picture on page 5]

Ke inkanek fuka sifwil isusla a isusla lun met ke mano el oana sie?