Ya God el Insese nu ke Kain in Alu Nukewa?

Me top lun met puspus nu ka:

▪ “Alu Nukewa mwo ye mutun God.”

▪ “Wangin ma koluk ke lulalfongi lom an fwin sumwos a mwo moul lom.”

Mea Jisus el fwak?

▪ “Komwos ilyak ke mutunpot ousriksrik, tu sralup mutunpotu, a sralup pa inkaneku, su kol nu ke kunausten, a met puspus elos ilyak nu we; tu ousriksrik mutunpotu, a ousriksrik inkaneku, su kol nu ke moul, a met puna elos konoiyuk.” (Mattu 7:13, 14) Jisus el tia lulalfongi mu alu nukewa mwo ye mutun God.

▪ “Met puspus fwa fwak nu sik in len sa, ‘Leum, Leum, ya kut tia palu in em, a sisla demonu in em, a in em oru ma sakuruk puspus?’ A na nga fwa fwak nu selos, Nga tia na ete komwos! Fwala liki yu, komwos su orek ma koluk.” (Mattu 7:22, 23) Jisus el tia insese nu selos nukewa su fwak mu elos etawel.

MET lulalfongi puspus elos aksaokye alu lalos a fasin lalos. Tusruktu mea fwa sikyak fwin me luti lalos tia fwal nu ke Kas lun God, su oasr in Baibel? Jisus el akkalemye ke me sensen su fwa tuku ke me luti lun met kol puspus lun alu su orek fwal nu ke akwuk lun fasin in len lal a fwak: “Komwos aklusrongtenye masap lun God ke kas matu lomwos.” El sifwil tafwela in fwakak ke kas lun God: “Met inge sunakin Yu ke ngoasrolos, a insiyelos loesla liki Yu. A wangin sripen alu lalos nu sik, ke elos luti masap lun met, oana me luti lalos.”​—Mattu 15:1-9; Isaia 29:13.

Orekma el yok sripe, a tia lulalfongi mukena. Baibel el fwakak ke kutu met su akkalemye mu elos alu nu sin God: “Elos fwakak tu elos etu God, a in orekma lalos elos lafwekunul.” (Taitus 1:16) Aok, Baibel el fwakak kelos su moul in pal lasr: “Met lungse me akengan yok liki lungse God. Met srukye luman sumwosmwos, a lafwekin ku lun sumwosmwos insielos. Kom in ouyepa kufla liki met su ouinge.”​—2 Timote 3:4, 5, Contemporary English Version.

Nunak sumwos a paye eneneyuk, tusruktu oasr pa ma yok liki eneneyuk. Efu? Meyen sie met el ku in oru mu el sumwos tusruktu payeiya el tia sumwos. Ke ma inge etauk sumwos ke God yok sripe. (Rom 10:2, 3) In oasr etauk paye a orekma fwal nu ke ma Baibel el fwakak fwa ku in oru kut in akinsemwomwoye God. (Mattu 7:21) Ouinge, ma paye, ke alu paye el oswela fwako lun ma paye, a lulalfongi paye, a orekma sumwosmwos. Orekma paye el kalmekin nu ke orekma in oru ma lungse lun God ke len nukewa!​—1 Jon 2:17.

Kom fwin lungse in akyokye etauk lom ke me luti lun Baibel ke God, kom ku in osun nu sin Met Lo lun Jeova in oru sie lutlut ke Baibel su wangin molo.

[Blurb on page 9]

Alu paye el akkalemye fwako lun nunak a inse paye, lulalfongi paye, a orekma sumwosmwos