“Pa Inge E Mutal a Mwolanu lun God”

Nicholas lun an Cusa el fwakak kas inge ke sie me sramsram su el oru in yea 1430.a El sie met su lungse in lutlutkin ma puspus, ke sie me pupulyuk, in lutlutkin kas Grik, kas Hibru, etauk yok lun met lalmetmet, akwuk ke alu, mathematics, a in lutlutkin ma puspus in kosrao. Ke el yea 22 matwe, el ekla sie met su oasr etauk yok ke masap lun Roman Catholic. In yea 1448 el srusrngiyuki oana sie cardinal ku mwal fulat ke alu lal.

Yea 550 kutu somla, Nicholas lun an Cusa el oakiye sie loom nu sin met matu in an Kues, su eteyuk oana Bernkastel-Kues, sie siti su oasr leyen epang lun an Bonn, in an Germany su oasr ke mail 80 kutu. Ke pal inge oasr ke loom inge library lal Cusa su oasr ma simusla ku manuscript puspus su pise ka oasr ke 310. Sie ke ma inge pa ma simusla inge su pangpang Codex Cusanus 220 su me sramsram lal Cusa oasr ke buk ku ma simusla 1430 oasr we. Ke me sramsram se inge, In principio erat verbum (Ke Mutamwauk El Kas), Nicholas lun cusa el orekmakin kas Latin inge Iehoua nu ke Jeova.b Ke sra ak 56 ke buk inge el akkalemye ke me akuteye inge ke inen God: “God el akkalemye ma inge. E se inge el oasr ke leta akosr. . . . Paye la pa inge e mwolanu a mutal lun God.” Kas lal Nicholas lun Cusa el insese ke ma paye la inen God el simusyukla ke ma Simusla ke kas Hibru.​—Exodus 6:3.

Buk se inge su orekla ke mutamweyen century ak 15 el sie ma simusla su matu tari su Leta akosr ku Tetragramaton el lungasla nu ke kas inge “Iehoua.” Ma simusla inge el sie pa me akpayeye la lengla ke inen God su oana sie nu ke kas inge “Jeova” pa orekmakinyuk pal nukewa nu ke inen God ke lusen century puspus.

[Footnotes]

[Picture on page 20]

Library lal Cusa