Orekma in Sukok ku Lolngok nu ke Me Top

“Ke kut koneak tari me top nu ke kusensiyuk se inge ‘fuka’ in suk ma enenu puspus in liyeyuyang sifwana a sou lasr, a oasr yurosr ma mwomwo puspus tusruktu kain in ma mwo inge wangin yurin met sekasrup puspus a elos tia ku in moli​—oana air-conditioned, pusran on su oasr ke CD su arulana kato a mwo pa pusra, a kain in fwokin sak in mongo yuyu puspus fwal nu ke lusen yea nafon se—​a ma inge nukewa ku in oru met u in nunku ka la ‘efu’ kut moul. Efu ku in moulkin moul su kafweang yok in orekma in suk a eis ma mwomwo puspus? Mea akwuk su lungse in sun a orala?”​—David G. Myers, professor of psychology at Hope College, Holland, Michigan, U.S.A.

KOM fwa topuk fuka kusensiyuk puspus su met luti se inge el siyuk? Saap oasr kutu met elos fwa nunku ka la enu oasr sripe mwomwo in sisla pal yok in suk me top nu ke kusensiyuk inge. Tusruktu, fwin kut pilesru kain in kusensiyuk inge efwa oana ke kut pilesru fukar se su oan luun fwaluk lasru​—kom ku in tafwela in fwasr, tusruktu kom fwa tia insemwomwo ka.

Tia kom mukena pa saap muta motko ku nunku ka la oana oasr sripe mwomwo a yok nu ke moul. Ke sie survey su pangpang World Value Survey, orek in an puspus fwin fwalu, in sokak la mea nunak lun metu, ku mea metu saokkin ku fosrngakin in moul lalos, oasr akkalemye la ma se ma met puspus elos nunku yok u pa mea “kalme a sripen moul.”

Kom fwin lungse in eis insemwomwo paye lun nunak, kom enenu in etu me top nu ke kusensiyuk yok sripe luo inge.

Mea sripe a akwuk lun moul?

Mea pal fwasru el akola nu sesr?

Kom ku in koneak oya me top nu ke kusensiyuk oa luo inge? Inkanek mwo a sumwos pa fwin kut tia orekmakin me top lasr na ke nunak a lalmetmet lasr sifwana, a kut in suk ke Kas lun God, a ke sra puspus toko el fwa akkalemye ke me top puspus su oasr in Baibel, su Kas lun God. Kut suli kom in ikasla Baibel nutum an a sifwana tuni ka la mea el fwak.