Efu Ku God El Lela Ma Koluk?

AN NUKEWA kom ku in liye ma koluk a me keok puspus yokyokelik. Ke pal in meun oasr met puspus su mise wekunang met solse puspus. Akmas a orekma sulallel arlana pengpeng. Saap kom pulakin pa tari oiyen srisri ku orekma sesumwos su metu oru nu sum. In fwal nu ke ma kom liye a experience, saap kom a siyuk, ‘Efu ku God el lela ma koluku?’

Met puspus elos siyuk pa kusensiyuk sepana inge. Yea 3,600 kutu somla, met kulansap oaru lun God el pa Job el siyuk: “Efu met koluk elos ku moul?” (Job 21:7) Ke sripen el arlana toasr ke orekma koluk lun met lal sifwana, paenang met palu Jeremaia el siyuk kas inge in yea 2,600 somla: “Efu ku met koluk u kasrupi? Efu ku met kutasrik u mwo oiyelos?” (Jeremaia 12:1, New Kosraean Version) Job a Jeremaia elos etu la God el sumwosmwos. Tusruktu, elos nunku pa la efu ku oasr ma koluk puspus. Saap kom nunku pa ouinge.

Kutu met elos sis ma koluk nu sin God ke orekma koluk nukewa a me keok. Kutu met elos siyuk selos sifwana: ‘Fwin God el kulana, sumwosmwos, a kulang, efu ku el tia aksafyela orekma koluk a me keok nukewa? Efu ku el lela ma koluk in oasr ne ke pal lasr inge?’ Me lutlut toko el akkalemye me top nu ka a ke kutu pa kusensiyuk yok sripe.

[Picture Credit Line on page 3]

AP Photo/​Adam Butler