Luti Tulik Nutum in Sang Me Top Puspus

PERLA su tuku fwin an Mexico el esamak la ke pal se el tulik mutan srisrik, nine kiyel el kasrel in akola ke me top fototo lal ke Lutlut lun Tauer In San. Ingena oasr sie tulik mokul natul Perla su yea-limekosr-matwe. El kasrel fuka? “Ma se meet Nga enenu in akola ke Tauer In San. Ke pal se Nga oru ou inge, Nga liye ke sie paragraph su wen nutik el ku in kalem ka, sie su el ku in akuteye ke kas lal sifwana. Na kut srike in loang akmwoye nu ke ma su el pangon mu ‘paragraph luk.’ Nga siyuk sel in akuteye ma inge nu ke orekmakinyen me srikasrak ke len nukewa su el kalem ka. Na kut oru akpa nu ke me top pal puspus. Kut orekmakin sie ma su lupan na sie microphone tu el fwa ku in etu la fuka in sruokye ma inge ke el sang me top. Nga arulana insemwomwo ka la ke meeting nukewa el ku in sang me top a el ku pa in srukak paul. Pal nukewa, meet liki mutamweyen meeting el som nu yurin met luti ke Tauer in San a fwak nu sel ke kusensiyuk fuka el lungse in sang me top nu ka.”

Jens, el sie met elder su kulansap ke sie u su kaskaskin kas Hindi, oasr tulik mokul luo natul, su yea luo a akosr matwe. Ke el a mutan kiyel elos akola nu ke meeting wi tulik natulos, elos orekmakin inkanek su Jens el lotela sin papa a nine kiyel. El fwak: “Kut sulela la piye ka ke me lutlut fwal tulik elos ku in kalem ka. Kut srike in akkalemye nu selos ke sie kas fototo ke koanon me lutlut ku me lutlut yok puspus ke me lutlut sa, tokin ma inge kut siyuk selos kusensiyuk puspus kut lungse elos in sang me top ka ke pal in meeting. Pal nukewa kut lut ke me top su elos sang ke sie kain in inkanek su arlana mwo. Ke inkanek su elos akkalemye nu selos sifwana akkalemye na paye ke ma elos kalem tari ka. Fwokin ma inge, me top lalos orala sie me kaksak na paye nu sin Jeova a sie inkanek mwo elos sifwana in akkalemye ke lulalfongi lalos.”