Sruokye Me Srikasrak Su Jisus El Oakiye
“Tu Nga sot nu sumwos sie me srikasrak, tu komwos fwa oayepa oru oana Nga oru nu sumwos.”—JON 13:15.
1. Efu ku JIsus el sie me srikasrak mwo nu sin met Kristian nukemwa tu elos in etawi?
IN ME sramsram nukemwa lun metu, oasr met sefwanna moulkin moul lal nufon su wangin kutena ma koluk ka. Met se inge pa Jisus. Sayen Jisus, “wangin met su tia orek ma koluk.” (1 Togusra 8:46; Rom 3:23) Ke sripe se inge, met Kristian paye elos etawi Jisus oana sie me srikasrak sumwosmwos su eneneyuk. In len 14 ke malem lun Nisan, 33 C.E., meet liki mise lal, Jisus el sifwana fwak nu sin met tuma lutlut lal in etawel. El fwak: “Tu Nga usot nu sumwos sie me srikasrak, tu, komwos fwa oayepa oru, oana Nga oru nu sumwos.” (Jon 13:15) Ke lusen fong safla inge, Jisus el akkalemye inkanek puspus su met Kristian elos enenu in orekmakin in oana el. Ke me lutlut se inge, kut e fwa aketeye kutu sin inkanek inge.
Me Enenu nu ke Inse Pusisel
2, 3. Ke inkanek puspus fuka Jisus el me srikasrak sumwos ke inse pusisel?
2 Ke Jisus el kaifwe met tuma lutlut lal in etawi me srikasrak su el oakiye, yokna ke el sramsramkin ke inse pusisel. Ke pal puspus, el sang me kai nu sin met tuma lutlut lal in inse pusisel, a ke fong in Nisan 14, el akkalemye inse pusisel lal sifwana ke el tanla nien met sap nukemwa lal. Tokin ma inge Jisus el fwak: “Fwin Nga, fwinne Leum a Met Luti, tanla niomwos, fwal nu sumwos in oayepa tanla nien sie sin sie.” (Jon 13:14, NW) Tokin ma inge, el fwak nu sin met sap nukemwa lal in fwasr tokin me srikasrak su el oakiye. A ma inge pa sie me srikasrak paye lun inse pusisel!
3 Met sap Poul el akkalemye nu sesr la meet liki Jisus el tuku nu fwalu, el “oasr tari in luman God.” Fwinne oinge, el sifwana akpusiselyel a nukomang luman sie met kulansap. Oayepa, “el akpusiselyel sifwana a el akos nu ke mise, aok, mise fwin sak soko.” (Filippai 2:6-8, NW) Nunku ke ma inge kitin pal. Jisus, met se su akluo in kosrao nu fon, el insese in ekla pusisel liki lipufon nukemwa, in isusla oana sie tulik srisrik su wangin kasreye, in kapek a in akos papa a nine sesumwos kiyel, a ke safla el fwa mise oana sie met koluk. (Kolosse 1:15, 16; Hibru 2:6, 7) Sie inkanek lun inse pusisel na paye pa inge! Ya ku in etawiyuk “oiyen nunak” inge a in orekmakin “pusisel in nunak” inge? (Filippai 2:3-5) Aok, tusruktu ma inge tia fusresr.
4. Ma puspus fuka oru met puspus in fulang, tusruktu efu fulang el me sensen?
4 Lainyen inse pusisel pa insefulat ku fulang. (Soakas 6:16-19) Insefulat ku fulang kol nu ke tula lal Setan. (1 Timote 3:6) Ma inge fusresr in kapek ke insien metu, a fwin oasr tari, upa in wanginla ma inge. Metu elos fulang ke sripen mutanfwal lalos, sruf lalos, me kasrup lalos, etauk lalos, ma mwolena lun fwalu su elos eis, elos kasrup ku pengpeng, ate ku lumalos, sumat ke sritel, a ma puspus saye. Tusruktu, ma inge tia pa yok sripe nu sin Jeova. (1 Korint 4:7) A fwin ma inge oru kut in insefulat ku fulang, ma inge ku in kunausla futoto lasr nu sel. “Jeova el fwinne fulat, a el liye met inse pusisel; a met fulang el etu yen loesla me.”—Sam 138:6; Soakas 8:13.
Inse Pusisel Inmasrlon Met Lili Puspus Wiyesr
5. Efu ku yok sripe nu sin met elder nukemwa elos in pusisel?
5 Fwinne me kasru lasr a ma puspus su kut orala ke kulansap lasr nu sin Jeova tia enenu in ore kut in insefulat; ku kunokon puspus lasr ke congregation tia pa enenu in ore kut in fulang. (1 Kronikel 29:14; 1 Timote 6:17, 18) Ke ma paye, yok sripen kunokon lasr, a yok sripen inse pusisel lasr. Met sap Piter el kaifwe met elder puspus, in tia “akfulatye komwos in leum fwin ma likiye nu sumwos, a komwos in sifwana ore komwos me srikasrak nu sin u.” (1 Piter 5:3) Met elder puspus elos pakiyuki in kulansap a akkalemye me srikasrak mwo, tia in leum a met fulat.—Luk 22:24-26; 2 Korint 1:24.
6. Ke inkanek puspus fuka lun moul met Kristian nukemwa enenu inse pusisel?
6 Tia met elder mukena pa enenu in akkalemye inse pusisel. Nu sin mokul fwusr nukemwa, su lungse in fulang ke sripen elos sa in nunak liki met matou a oasr mano fukoko lalos liki met matou, Piter el simusla: “Komwos nukemwa in loseni kapinsiomwos ke fulpap, in kulansapu sie sin sie, tu God el sinukin met su fulang, a el sang lungkulang nu sin met fulpap.” (1 Piter 5:5) Aok, inse pusisel su akkalemyeyuk sin Kraist yok sripe nu sin met nukemwa. Inse pusisel eneneyuk nu ke sulkakinyen peng mwo, yokna ke metu elos akkalemye la elos tia insemwomwo in long ku akkalemye srunga ke orekma lun forfor lasr. Inse pusisel eneneyuk in eis me kai ku in akfusresrye moul lasr tu in akyokye pal lasr ke orekma in luti. Oayepa, kut enenu inse pusisel a oayepa pulaik a kaifweang in muteng ke peng koluk, me lokwalok, ku me kolyai upa.—1 Piter 5:6.
7, 8. Mea kutu inkanek kut ku in akkeye inse pusisel?
7 Fuka sie met el ku in kutangla insefulat a in sifwana nunku la “ke inse pusisel lela kais sie in nunku tu elos ngia mwo lukel”? (Filippai 2:3) El enenu in liyel sifwana oana Jeova el liyel. Jisus el aketeye inkanek sumwos in liye kut sifwana ke el fwak: “A oinge oayepa komwos, ke komwos oru ma nukemwa sapkin nu sumwos, komwos in fwak, ‘Kut met kulansap su wangin sripesr. Kut oru ma fwal nu sesr in oru.’ ” (Luk 17:10) Esam la, Jisus el orala ma puspus su yok liki ma kut ku in orala. Tusruktu, Jisus el pusisel.
8 Oayepa, kut ku in siyuk kasru lun Jeova in akkeye nunak sumwos lasr sifwana. In oana met sim lun Sam, kut ku in pre: “Luti yu nununku mwo a etauk, tu nga lalalfongi masap lom.” (Sam 119:66) Jeova el fwa kasre kut in orekmakin sie nunak mwo, nunak sumwos nu sesr sifwana, a el fwa akinsemwomwoye kut ke oiyen inse pusisel lasr. (Soakas 18:12) Jisus el fwak: “A el su sifwana akfulatyel fwa akpusiselyeyuk, a el su sifwana akpusiselyel fwa akfulatyeyuk.”—Mattu 23:12.
Liye Fwal Nu Ke Ma Sumwos a Ma Tia Sumwos
9. Fuka Jisus el liye ma sumwos a ma tia sumwos?
9 Fwinne el moul ke lusen yea 33 inmasrlon met sesumwos puspus, Jisus el tia oru ma koluk, “wangin ma koluk lal.” (Hibru 4:15) Ke ma paye, ke el fwakak kas in palye ke Messaia, met sim lun sam el fwak: “Kom lungse sumwosmwos a srunga ma koluk.” (Sam 45:7; Hibru 1:9) Ke ma inge met Kristian elos oayepa kaifweang in etawi Jisus. Elos tia in etu mukena ma sumwos liki ma tia sumwos; a elos srunga ma koluk a lungse ma sumwos. (Emos 5:15) Ma inge kasrelos in lain kena lun orekma koluk ke pal el tulik me.—Genesis 8:21; Rom 7:21-25.
10. Kut fwin srunga in tui liki in oru “ma koluk puspus,” kain in oiya fuka kut akkalemye?
10 Jisus el fwak nu sel Nicodemus sie met Farisi: “Tu met e nukemwa su orek ma koluk elos srunga kalem, a tia tuku nu ke kalem saap kai orekma lalos. A el su orek ma paye el tuku nu ke kalem, tu in kalem orekma lal, tu orek in God.” (Jon 3:20, 21) Nunku: Jon el akilenul Jisus oana “kalem paye su kalmeak met e nukemwa.” (John 1:9, 10) Tusruktu, Jisus el fwak la kut fwin oru “ma koluk puspus”—ma puspus su sito, tia fwal nu sin God—kut srunga kalem. Ya kom nunku in srunga Jisus a akwuk sumwos lal? Aok, pa inge ma met elos oru ke elos tia tui in oru ma koluk. Saap elos tia nunku mu elos srunga Jisus a akwuk sumwos lal, tusruktu arlana kalem, Jisus el nunku mu elos srungel a akwuk sumwos lal.
Fuka in Akyokye Liye lal Jisus nu ke Ma Sumwos a Ma Tia Sumwos
11. Mea ma yok sripe ka kut fwin akkapye liye lun Jisus ke ma sumwos a ma tia sumwos?
11 Kut enenu sie etauk mwo nu ke nunak lun Jeova ke ma sumwos a ma sito. Kut eis etauk ke inkanek lun lutlut ke Kas lun God, Baibel. Ke kut oru sie lutlut, kut enenu in pre oana pre lun met sim lun sam: “Fwakak inkanek lom nu sik, O Jeova; luti nu sik innek lom.” (Sam 25:4) Tusruktu, esam, la Setan el sifwana orel sie lipufon lun kalem. (2 Korint 11:14) El ku in oru ma sito in luman mwo nu sin sie met Kristian su tia etu in karunganul sifwana. Ke ma inge, kut enenu in nunku yok ke ma kut lotela a loang akmwoye nu ke me kai lun “met kulansap oaru a lalmetmet.” (Mattu 24:45-47) Lutlut, pre, a sifwilpa nunku ke ma kut lotela fwa kasre kut in kapkapek ke oiyen met matou in ngun a ekla sie selos su “ke elos orekmakin pal nukemwa ku lun nunak lalos paenang nunak lalos pala in akilen ma sumwos a ma tia sumwos.” (Hibru 5:14, NW) Na kut fwa pala in srunga ma koluk a lungse ma sumwos.
12. Me kai fuka lun Baibel kasre kut in tia oru ma koluk puspus?
12 Kut fwin srunga ma tia sumwos, kut fwa tia lela sie kain in kena ke ma sito in on ke insiesr. Yea puspus tokin mise lun Kraist, met sap Jon el simusla: “Komwos in tia lungse fwalu ku ma su on in fwalu. Kutena met fwin lungse fwalu, lungse lun God tia on in el; Tu ma nu kemwa su on in fwalu—lung lun ikwe, a lung lun muta a mwolena lusrongten lun moul—tia ma sin Papa me, a ma sin fwalu me.”—1 Jon 2:15, 16.
13, 14. (a) Efu ku lungse ke ma puspus lun fwalu me sensen nu sin met Kristian nukemwa? (b) Fuka kut ku in fwasr liki lungse ke ma puspus lun fwalu?
13 Kutu selos nunku mu tia ma nukemwa on in fwalu koluk. Fwinne nunak oinge paye, fwalu a ma mwolana puspus lal ku in akkolukye orekma in kulansap lasr nu sin Jeova. A ma puspus su fwalu el orala tia ku in kasre kut in futoto nu sin God. Paenang, kut fwin lungse ma puspus su on in fwalu, ku kutena ma su nunkeyuk mu mwo tia koluk, kut ku in oasr ke sie inkanek su arulanu sensen. (1 Timote 6:9, 10) Sayen ma inge, oasr ma pus fwin fwalu koluk a ku in akkolukye kut. Kut fwin liye pitse mukuikui ku program ke television su akkalemye orekma sullalel, lungse ke ma puspus, ku orekma lun kosro, ma puspus inge ku in nunkeyuk mu mwo—a tok ma inge fwa ekla sie me srifwe nu sesr. Kut fwin asrouki yurin met puspus su lungse pa in akmwoye akwuk in moul ku in akyokye nunak in orek business, ma inge ku in ekla sie ma yok sripe nu sesr.—Mattu 6:24; 1 Korint 15:33.
14 Ke kutu oiya saye, kut fwin engunkin Kas lun Jeova, “lung lun ikwe, lung lun muta a mwolana lusrongten lun moul,” fwa tia ku in akkolukye kut. Oayepa, kut fwin asrouki nu selos su suk meet Togusrai lun God, kut fwa ekla oana elos, lungse ma elos lungse a fwasr liki ma elos fwasr liki.—Sam 15:4; Soakas 13:20.
15. Oana ma sikyuk nu sin Jisus, in lungse ma sumwosmwos a in srunga ma koluk fuka ma inge akkeye kut?
15 In srunga ma koluk a lungse ma sumwosmwos kasrel Jisus in karungin mutal in liye pal nukemwa ke “engun su filiyuki ye mutal.” (Hibru 12:2) Ma inge ku pa in orek nu sesr. Kut etu la “fwalu wanginla a lung koluk lal.” Kutena me akinsemwomwo su fwalu engunkin ma na nu ke lusen kitin pal na. Tusruktu, “el su oru ma lungse lun God fwa muta ma patpat.” (1 Jon 2:17) Meyen Jisus el oru ma lungse lun God, el ikasla inkanek nu sin met in eis moul ma patpat. (1 Jon 5:13) Lela kut nukemwa in etawel a eis ma lane ke inkanek oaru lal su el orala, su kasre kut in eis moul ma patpat.
Muteng ye Me Kolyai
16. Efu ku yok sripe nu sin met Kristian nukemwa in lungse sie sin sie?
16 Jisus al akkalemye siepa inkanek nu sin met tuma lutlut lal in etawel, fwakang: “Pa inge masap luk, tu komwos in lungse sie sin sie, oana nga lungse komwos.” (Jon 15:12, NW, 13, 17) Oasr sripe puspus su paenang met Kristian elos in lungse met lili wiyelos. Ke sripe inge, ma se meet su oasr ke nunak lal Jisus pa el nunku yok ke ma upa su elos fwa sun ke fwalu. El fwak: “Fwalu fwin srungekomwosla, komwos etu tu fwalu srunge yu meet liki komwos. . . . Sie met kulansap el tia yok liki met kato lal. Elos fwin kolyai yu, elos fwa oayepa kolyai komwos.” (Jon 15:18, 20) Aok, fwinne kolyaiyuk, met Kristian elos oana Jisus. Elos enenu in tu ku, a in oasr lungse in kasrelos in lain me srunga puspus.
17. Efu ku fwalu srunga met Kristian paye nukemwa?
17 Efu ku fwalu srunga met Kristian nukemwa? Meyen, elos “tia ma lun fwalu,” oana Jisus (Jon 17:14, 16) Elos tia wi ke kutena akwuk lun met meun a ma puspus lun politic, a elos loang mwo nu ke masap sumwos lun Baibel, akkalemye inkanek in akfulatye moul a in moulkin sie moul nasnas. (Orekma 15:28, 29; 1 Korint 6:9-11) Niyen sun yok lalos pa ma lun ngun, a tia ma puspus lun fwalu. Elos muta fwin fwalu, tusruktu elos oana ma Poul el simusla, elos tia ‘arulanu orekmakin ka.’ (1 Korint 7:31) Paye, kutu selos akkalemye me kaksak lalos ke akwuk fulat lun Met Lo lun Jeova. Tusruktu Met Lo lun Jeova elos tia kunausla oaru lalos in suk me kaksak ku in eis pengpeng sin kutu met. Ke ma inge, pus sin met fwalu elos tia kalem kalos, a met puspus srungelos.
18, 19. In fwasr tokin me srikasrak lun Jisus, fuka met Kristian nukemwa elos sun me lain a me kolyai?
18 Met sap puspus lal Jisus elos liye srunga upa lun fwalu ke elos sruokye a unilye Jisus, a elos liye ke Jisus el kutangla me lain inge. In imae lun Getsemane, met puspus lun alu su lainel Jisus elos tuku in sruokilye. Piter el srike in kasrel ke el orekmakin sie kutlas, tusruktu Jisus el fwak nu sel Piter: “Sifwil isungye kutlas nutum in yen se, tu elos nukemwa su eis kutlas fwa mise ke kutlas.” (Mattu 26:52; Luk 22:50, 51) In pal meeta, met Israel elos orekmakin kutlas in sang lain met lokwalok lalos. Tusruktu, in pal inge, ma puspus ekla tia oana sie. Togusrai lun God “tia ma lun fwalu” a wangin kutena mutanfwal enenu in filiye masrol in sang karungin. (Jon 18:36) Tia pat tok Piter el fwa ekla sie sin mutanfwal in ngun inge, su met puspus ka fwa usrui in kosrao. (Galetia 6:16; Filippai 3:20, 21)Ke ma inge, mutamwauk in pal ingo fwasru, met tuma lutlut nukemwa lun Jisus fwa sun me lain a me kolyai oana Jisus el sun—wangin sangeng tusruktu misla. Elos fwa lalalfongi ke fwako lun ma puspus ke poun Jeova a tupanul in kasru ke ku in muteng.—Luk 22:42.
19 Tokin yea puspus, Piter el simusla: “Tu Kraist el oayepa keok keyumwos, a likiye nu sumwos sie srikasrak, tu komwos in fwasr in fwalkel. . . . Su ke kaskouyuk, el tia sifwil kaskou. Su ke el keok el tia aksangeng, tu el sifwana esalang nu sel su nununku sumwos.” (1 Piter 2:21-23) In oana ke kas in sensen lun Jisus, met Kristian elos sun me kolyai upa ke lusen yea puspus. Oana ke century se meet a in pal inge, elos fwasr tokin me srikasrak lun Jisus a orala sie record mwomwo ke oaru lalos in muteng, akkalemye la elos sruokye oaru lalos ke inkanek misla. (Fwakyuk 2:9, 10) Lela kais sie sesr in akkalemye pa la kut sruokye oaru lasr ke inkanek misla ke kut sun kain in ma upa su sikyuk oinge.—2 Timote 3:12.
“Komwos in Nukomang Leum Jisus Kraist”
20-22. Ke inkanek fuka met Kristian nukemwa elos “nukomang Leum Jisus Kraist?
20 Poul el simusla nu sin congregation in an Rom: “Komwos in nukomang Leum Jisus Kraist, a tia akola nu ke ikwe.” (Rom 13:14) Met Kristian elos nukomang Jisus, oana sie ke nuknuk. Elos kaifweang in etawi oiye mwo puspus lal a orekma lal nu ke elos ekla aolien—Leum lalos—fwinne elos sesumwos.—1 Tessalonika 1:6.
21 Kut ku in kutangla in “nukomang Jisus Kraist” kut fwin etu na paye moul lun Jisus a in kaifweang in moulkin sie moul oana el moulkin. Kut etawi inse pusisel lal, lungse lal ke inkanek sumwosmwos, srunga lal ke ma koluk, lungse lal nu sin met puspus wiyel, ke el tia ma lun fwalu, a muteng paye lal ke me keok. Kut tia ‘akola nu ke ikwe’—kalme pa, kut tia oru niyen sun se meet lun moul in sun niyen sun puspus lun fwalu ku in akinsemwomwoye kena puspus lun ikwe. A, ke kut oru sie sulela kut ku in sun sie ma upa, a kut fwa siyuk: ‘Mea Jisus el fwa oru ke ma sikyuk inge? Mea el lungse Ngan oru?’
22 Saflaiye, kut etawi Jisus in kafofo pal nukemwa ke “orekma in luti peng mwo.” (Mattu 4:23; 1 Korint 15:58) Oayepa ke inkanek inge, met Kristian elos fwasr tokin me srikasrak su Jisus el oakiye, a me lutlut toko fwa aketeye la fuka elos fwasr tokin me srikasrak lun Jisus.
Ya Kom Ku In Aketeye?
• Efu ku yok sripe sie met Kristian in inse pusisel?
• Fuka kut ku in akkapye sie liye fwal nu ke ma sumwos a ma tia sumwos?
• Ke inkanek fuka met Kristian nukemwa elos etawi Jisus fwin sun me lain a me kolyai?
• In “nukomang Leum Jisus Kraist” ma inge ku in orek fuka?
[Picture on page 17]
Jisus el oakiye me srikasrak sumwos nu ke inse pusisel
[Picture on page 18]
Inkanek nukemwa ke moul lun sie met Kristian wekunang orekma in luti, enenu inse pusisel
[Picture on page 19]
Setan el ku in oru me akengun sufwal in oana fwal nu sin sie met Kristian
[Picture on page 20]
Lungse lun met lili puspus wiyesr fwa akkeye kut ke me kolyai