Kalyaiyuk Tusruktu Insemwomwo
“Insemwomwo komwos ke met akangonye komwos a kalyai komwos a fwak kain in koluk nu kemwa lain komwos in kikiap keik.”—MATTU 5:11.
1. Mwolela fuka Jisus el sang nu sin met tuma lutlut nu kemwa lal ke insemwomwo a me kalyai?
KE PAL se Jisus el supwela met sap puspus lal in sulkakin peng mwo lun Togusrai, el sang kas in sensen nu selos la elos fwa sun me lain. El fwak nu selos: “A met nu kemwa fwa srunge komwos ke ek.” (Mattu 10:5-18, 22) Tusruktu, meet liki ma inge, ke Me Sramsram lal fwin Eol u, el sang kas in akkeye nu sin met sap nu kemwa lal a nu sin met tuma lutlut lal la kain in me lain inge fwa tia akkolukye insemwomwo paye lalos. Paye la, Jisus el kapsreni pulakinyen insemwomwo nu ke me kalyai su sun met Kristian nu kemwa! Fuka me kalyai el ku in orala me insemwomwo?
Pulakin Me Keok ke Sripen Ma Sumwosmwos
2. Fwal nu sin Jisus a met sap Piter, kain in me keok fuka wise me insemwomwo?
2 Sripe akalkosr ke me insemwomwo su Jisus el akkalemye pa: “Insemwomwo elos su kalyaiyuk ke ma sumwosmwos, tu togusrai in kosrao ma lalos.” (Mattu 5:10) Paye la, pulakinyen me keok el tia sie ma mwomwo. Met sap Piter el simusla: “Tu mea kaksak, komwos fwin oru ma koluk a popo komwos, komwos fwin mongfusesr ka? A komwos fwin oru mwo a keok ka, a mongfusesr, ma inge mwo ye mutun God.” El oayepa fwak: “Tu, tia lela kutu sumwos in keok oana met akmas ku met pusrapasr ku met orek koluk ku utuk inmasrol ke ma lun kutena met. A kutena met fwin keok oanu Kristian, lela lan tia mwekin, a lela lan akfulatye God in e se inge.” (1 Piter 2:20; 4:15, 16) Fwal nu ke kas lun Jisus, muteng ke me keok use me insemwomwo ke sripen muteng ke ma sumwosmwos.
3. (a) Mea kalmen in kalyaiyuk ke ma sumwosmwos? (b) Mea me kalyai el oru nu sin met kristian in pal meeta?
3 Ma sumwosmwos paye el akilenyuk ke inkanek in oru ma lungse lun God a akos masap nu kemwa lal. Paenang, in keok ke ma sumwosmwos, kalmekin la sie met el pulakin keok ke sripen el lain me purakak in kunausla akwuk fulat ku me siyuk nu kemwa lun God. Met sap elos kalyaiyuk sin met kol lun alu lun met Ju ke sripen elos srunga in tui ke orekma in luti ke en Jisus. (Orekma 4:18-20; 5:27-29, 40) Ya ma inge kunausla insemwomwo lalos ku kutongye orekma in luti lalos? Mo tia oinge! “[Elos] fwasr liki ye mutun met papu a engun in filiyuki elos fwal in keok ke E se inge. A len nu kemwa in tempel a yen selos elos tia tari in luti a fwakulak Jisus tu el Kraist.” (Orekma 5:41, 42) Me kalyai inge sang me insemwomwo nu selos a akkeye moniyuk lalos ke orekma in luti. Tok, met Kristian in pal meeta elos kalyaiyuk sin met Rom ke sripen elos pilesru in oru alu lalos nu sin met kol lun an u.
4. Mea kutu sripe paenang met Kristian elos kalyaiyuk?
4 In pal inge, Met Lo lun Jeova kalyaiyuk ke sripen elos srunga in tui ke sulkakinyen “peng mwo lun togusrai.” (Mattu 24:14) Ke pal se elos oru meeting lalos oana met Kristian tia fulfulla nu selos in orek, elos akola in sun keok a elos tia tui in tukeni nu sie ke meeting lalos oana ma Baibel el sapkin. (Hibru 10:24, 25) Elos kalyaiyuk ke sripen neutrality lalos oana met Kristian ku ke sripen elos tia wi ke kutena u, a ke sripen elos srunga in orekmakin sra ke inkanek tia sumwos. (Jon 17:14; Orekma 15:28, 29) Fwinne oinge, muteng inge ke ma sumwosmwos sang me insemwomwo a inse misla nu sin met kulansap nu kemwa lun God ke pal inge.—1 Piter 3:14.
Akangonyeyuk Kel Kraist
5. Sripe fuka se meet paenang Met Lo lun Jeova elos kalyaiyuk ke pal inge?
5 Me insemwomwo akyuh su Jisus el akkalemye ke Me Sramsram lal Fwin Eol pa ke me kalyai. El fwak: “Insemwomwo komwos ke met akangonye komwos a kalyai komwos, a fwak kain in koluk nu kemwa lain komwos in kikiap keik.” (Mattu 5:11) Sripe emeet su paenang met kulansap lun Jeova elos kalyaiyuk pa meyen elos tia wi ke akwuk koluk nu kemwa lun fwalu. Jisus el fwak nu sin met tuma lutlut nu kemwa lal: “Komwos fwin ma lun fwalu, fwalu fwa lungse ma lal sifwana. A meyen komwos tia ma lun fwalu, a Nga sulekomwosla liki fwalu, ke ma inge fwalu srungekomwosla.” (Jon 15:19) Oana sie nu ke ma met sap Piter el fwak: “A in ma inge elos nunku mu ma sakuruk tu komwos tia oelulos kasrusr ke akpusye ma koluk, a elos kaskas lain komwos.”—1 Piter 4:4.
6. (a) Efu ku met lula sin met akmusrala a met nu kemwa su welulos elos akangonyeyuk a kalyaiyuk? (b) Ya kas in akangonye inge aksrikyela insemwomwo lasr?
6 Kut liye tari la met Kristian in pal meeta elos kalyaiyuk ke sripen elos srunga in tui ke luti lalos ke en Jisus. Kraist el sapkin nu sin met tuma lutlut nu kemwa lal: “Komwos fwa met orek lo keik . . . nu ke yen loesilanu fwalu.” (Orekma 1:8) Kunokon inge akpayeyuk sin met oaru su lula sin met lili akmusrala nu kemwa wiyen Kraist, ke kasru lun “u lulap” su oaru in welulos in oru orekma inge. (Fwakyuk 7:9) Ke sripe se inge, Setan el orek meun nu sin “met lula ke fute lal [futen “mutan,” sin u lun God in kosrao], su liaung masap lun God a sruokye lo lun Jisus.” (Fwakyuk 12:9, 17) In oana Met Lo lun Jeova, kut sang ma lo kel Jisus, su ke pal inge el kol oana Togusra ke Togusrai lun God, su e fwa kunausla guferment nu kemwa lun met su lain akwuk sumwosmwos lun God nu ke fwalu sasu. (Daniel 2:44; 2 Piter 3:13) Ke sripe inge kut akkolukyeyuk a kalyaiyuk, tusruktu kut insemwomwo in pulakin me keok ke in en Kraist.—1 Piter 4:14.
7, 8. Mea met lain elos kaskas kikiap ka ke met Kristian nu kemwa in pal meeta?
7 Jisus el fwak la met tuma lutlut lal nu kemwa enenu in insemwomwo fwin met elos “fwak kain koluk nu kemwa” lainelos kel. (Mattu 5:11) Ma inge sikyuk na paye nu sin met Kristian in pal meeta. Ke pal se met sap Poul el kaul ke niyen kalpous in an Rom, in yea 59-61 C.E., Met kol ke alu lun met Ju elos fwak ke met Kristian: “Tu fono ke u se inge, kut etu tu yen nu kemwa met elos kaskas ko ka.” (Orekma 28:22) Met puspus elos fwak mu Poul a Sailas elos “lungasla fwalu,” a orekma “in lain masap nu kemwa lun Sisar.”—Orekma 17:6, 7.
8 Ke met Kristian ke pal in kolyuk lun an Rom, met sim lun me sramsram pangpang K. S. Latourette el simusla: “Oasr kaskas kikiap puspus. Ke sripen elos tia wi ke me akfulat puspus lun met pegan, paenang met puapa lalos fwak mu met Kristian elos tia lalalfongi God. Ke elos tia oru oiyen moul lalos oana oiyen moul lun met puspus—ke akfulat nu kemwa lun met pegan, ke me akengun puspus lun met . . .—elos akangonyeyuk oana met su srunga sruf lun metu. . . . Fwak mu mokul a mutan Kristian elos osun sie sin sie ke fong . . . a tokin ma inge orekma lun kosro orek toku. . . . Ke sripen oasr fwakye mu met lalalfongi nu kemwa mukena wi oru [akfulat ke mise lun Kraist] paenang oasr kas kikiap fwasrelik ke met Kristian mu elos kisekin awowo natulos a kang ikwe a sran tulik inge.” In wekunang ma inge, ke sripen met Kristian in pal meeta elos srunga in alu nu sin met kol lun an u su pangpang emperor, paenang met puspus elos fwak mu elos met lokwalok lun An u.
9. Fuka met Kristian elos topuk kas kikiap su orek in lainelos, a mea sikyuk ke pal inge?
9 Kas kikiap puspus inge tia kutongye met Kristian in pal meeta in oru kunokon lalos in luti peng mwo lun Togusrai. In yea 60-61 C.E., Poul el akkalemye a sramsramkin ke “peng mwo” su “isus fwako a yokelik fwin fwal nu kemwa” a “lutiyuk nu sin met e nu kemwa ye kosrao.” (Kolosse 1:5, 6, 23) Ma sikyuk in pal inge oapana. Met Lo lun Jeova elos akkolukyeyuk ke kas kikiap, in oana met Kristian in century se meet. Fwinne oinge, ke pal inge orekma in sulkakin peng mwo lun Togusrai yokyokelik a met nu kemwa su wi ke orekma inge elos pulakin me insemwomwo yok.
Insemwomwo ke Kalyaiyuk Oana Met Palu Puspus
10, 11. (a) Fuka Jisus el aksafyela me aketeye lal ke me insemwomwo akyuh?? (b) Efu ku met palu elos kalyaiyuk? Sang me pupulyuk.
10 Jisus el aksafyela me aketeye lal ke me insemwomwo ak yuh in fwak: “Komwos engunak . . . tu oinge elos kalyai met palu su muta meet liki komwos.” (Mattu 5:12) Met palu nu kemwa su Jeova el supwela in sang kas in sensen nu sin met Israel su seakos elos tia paingyuk a ke pal puspus elos kalyaiyuk. (Jeremaia 7:25, 26) Met sap Poul el sang me akpayeye ke ma inge, el simusla: “A mea pa nga fwa fwak? Tu pal luk e fwa srik in srumon ke . . . a met palu puspus, tu ke lalalfongi . . . srikeyuk elos ke aksruksruk a sringsring, aok, oayepa, ke me kapur a kalpous.”—Hibru 11:32-38.
11 Ke lusen pal in kolyuk lun togusra koluk inge Togusra Ehab a mutan kiel, Jesebel, pus sin met palu lun Jeova anwuki elos ke kutlas. (1 Togusra 18:4, 13; 19:10) Met palu Jeremaia el filiyuki ke ipinsak su me kapur nu ke niel a tok el sisyukla nu in luf su oasr fok furarrar ka. (Jeremaia 20:1, 2; 38:6) Met palu Daniel el sisila nu in luf in laion. (Daniel 6:16, 17) Met palu inge nu kemwa meet liki pal lun met Kristian elos kalyaiyuk ke sripen elos sang me kasru a tu na ku ke alu paye lun Jeova. Met palu puspus elos kalyaiyuk sin met kol lun alu lun met Ju. Jisus el pangon met sim puspus a met Farisi nu kemwa oana “tulik puspus nutin met puspus su uniye met palu puspus.”—Mattu 23:31.
12. Efu ku Met Lo lun Jeova elos engankin ke elos kalyaiyuk oana met palu puspus in pal meeta?
12 Ke pal inge, kut oana Met Lo lun Jeova kalyaiyuk ke pal puspus meyen kut moniyuk in oru orekma in luti peng mwo lun Togusrai. Met lokwalok lasr elos kaskas kikiap kesr a elos fwak mu kut oru “orekma fukoko in ekulla alu lun met puspus tu in wi kut,” tusruktu kut etu la met kulansap oaru lun Jeova su moul meet liki pal lasr elos sun kas in akkoluk su oana sie. (Jeremaia 11:21; 20:8, 11) Kut nunku ma inge oana sie kunokon mwomwo in pulakin me keok ke sripe sepana su met palu oaru nu kemwa elos sun in pal meeta. Met tuma lutlut Jemes el fwak: “Met lili, komwos in eis srikasrak ke keok a fulpap sin met palu, elos su kaskas in En Jeova. Liye kut pangnolos insemwomwo elos su muteng.”—Jemes 5:10, 11.
Sripe Yok Puspus In Insemwomwo
13. (a) Efu ku me kalyai el tia akmunasye kut? (b) Mea ku in kasre kut in tu ku, a mea ma inge akpayeye?
13 Kut tia munasla ke sripen me kalyai, a kut akkeyeyuk ke sripen kut etu la kut fwasr tokin met palu nu kemwa, met Kristian in pal meeta, a ke me srikasrak lun Jisus Kraist. (1 Piter 2:21) Kut eis me akkeye su tuku ke ma Simusla, oana ma met sap Piter el fwak: “Met kulu, nik komwos nunku ke me srike oana e in masrlomwos, su tuku nu fwomwos in akpayeye komwos, oana me lut su sikyuk nu sumwos. Fwin akkolukyeyuk komwos ke en Kraist, komwos in insemwomwo, tu ngun lun ma mwomwo, a lun God, on fwomwos.” (1 Piter 4:12, 14) Ke sripen ma kut pula tari kut etu la kut ku in tu ku ye me kalyai ke sripen ngun lun Jeova on yurosr a el akkeye kut. Me kasru lun ngun mutal pa me akpayeye la me insemwomwo lun Jeova oasr yurosr, a ma inge wise me insemwomwo nu sesr.—Sam 5:12; Filippai 1:27-29.
14. Sripe puspus fuka oasr yurosr in insemwomwokin me kalyai nu ke ma sumwosmwos?
14 Siepa sripe la efu ku me lain a me kalyai ke ma sumwosmwos oru kut in insemwomwo meyen ma inge akpayeye la kut moulkin moul oana sie met Kristian paye su oasr lungse paye nu sin God. Met sap Poul el simusla: “Elos nu kemwa su lungse in moulkin moul mutal in Kraist Jisus, elos fwa keok ke kalyai.” (2 Timote 3:12) Kut arulanu insemwomwo ke sripen oaru a paye lasr su kut akkalemye pal nu kemwa ye me srifwe puspus in akpayeye me top nu ke kusensiyuk lal Setan su fwak mu met orekla sin Jeova elos oru kulansap lalos nu sel ke sripen rapku. (Job 1:9-11; 2:3, 4) Kut engan ke sripen oasr ip lasr, in akmutalye kolyuk sumwosmwos lun Jeova.—Soakas 27:11.
Komwos Enganak ke Ma Lane
15, 16. (a) Sripe fuka Jisus el sapkin kut in “engan a sro ke insemwomwo”? (b) Me sang fuka sano met akmusrala nu kemwa in kosrao, a fuka met nu kemwa su wi ke un “sip ngie” su welulos akinsemwomwoyeyuk?
15 Jisus el sang kutupa me insemwomwo ke akkolukyeyuk a kalyaiyuk oana met palu nu kemwa in pal meeta. Ke saflaiyen me insemwomwo akyuh, el fwak: “Komwos enganak a arulanu insemwomwo, tu yok ma lane lomwos in kosrao.” (Mattu 5:12) Met sap Poul el simusla: “Tu molin ma koluk mise, a me kulang lun God, moul ma patpat in Kraist Jisus Leum lasr.” (Rom 6:23) Aok, ‘ma lane yok’ pa moul, a ma inge tia me mol su kut ku in eis ke kaifweang lasr sifwana. Ma inge sie me sang wangin molo. Jisus el fwak la me sang inge oasr “in kosrao” ke sripen ma inge tuku sin Jeova me.
16 Met akmusrala nu kemwa elos fwa eis “tefuro lun moul,” kalme pa, moul ma patpat yurin Kraist in kosrao. (Jemes 1:12, 17) Nu selos su oasr fwinsrak in moul fwin fwalu, “sip ngie” nu kemwa,” elos tupan in usrui moul ma patpat in paredais fwin fwalu. (Jon 10:16; Fwakyuk 21:3-5) Nu sin kain in u luo inge kemwa, “me sang” inge tia ku in usruiyuk ke kaifweang lalos sifwana. Met akmusrala a met nu kemwa su wi ke un “sip ngie” elos eis me sang lalos ke inkanek lun “kulang lulap” lun Jeova su mokle met sap Poul in fwak: “Kulo nu sin God ke me kite lal, su yok liki in fwak.”—2 Korint 9:14, 15.
17. Efu ku kut in insemwomwo fwin kalyaiyuk a ke kas in pupulyuk “sro ke insemwomwo”?
17 Met sap Poul el simusla nu sin met Kristian puspus, su kutu selos apkurun in sun me kalyai upa sin Emperor Nero: “Kut oayepa engan in keok lasr, tu kut etu tu keok me orala mongfusesr, a mongfusesr orala srike, a srike orala fwinsrak, a fwinsrak tia me akmwekin.” El oayepa fwak: “Engun in fwinsrak. Mongfusesr in keok.” (Rom 5:3-5; 12:12) Fwinsrak lasr fwin oasr in kosrao ku fwin fwalu, me usru lasr ke sripen kutangla lun me keok el yok liki kutena ma su fwal nu sesr. Insemwomwo lasr wangin ma oana nu ke fwinsrak lun moul ma patpat in kulansap a in kaksakin Jeova, Papa tumasr su tingtingi ke lungse, ye kolyuk lun togusra lasr Jisus Kraist. Ke kas in pupulyuk “kut srosro ke insemwomwo.”
18. Mea kut ku in tawi ke mutanfwal puspus ke safla futotoeni, a mea Jeova el fwa oru?
18 In kutu an, Met Lo lun Jeova elos srakna kalyaiyuk. Ke kas palu lal ke saflaiyen akwuk lun ma puspus fwin fwalu, Jisus el sang kas in sensen nu sin met Kristian paye: “Mutanfwal nu kemwa fwa srunge komwos ke ek.” (Mattu 24:9) Ke kut apkurun nu ke safla, Setan el purakak mutanfwal puspus in akkalemye srunga lalos nu sin met kulansap nu kemwa lun Jeova. (Ezikiel 38:10-12, 14-16) Pa inge me akul ke pal su Jeova el fwa orekma. “Nga fwa akfulatye yu sifwana a akmutalye yu sifwana a Nga fwa sifwana fwakyuyuk ye mutun mutanfwal puspus; a elos fwa etu tu Nga Jeova.” (Ezikiel 38:23) Ke inkanek inge Jeova el fwa akmutalye e yok lal a el fwa molela met kulansap nu kemwa lal liki me kalyai. Ke ma inge, “insemwomwo met se su muteng pal nu kemwa ke srifweyuk.”—Jemes 1:12.
19. In sano “len lulap lun Jeova,” mea kut enenu in oru?
19 Ke “len lulap inge lun Jeova” futotoeni, lela kut in insemwomwo ke sripen kut “filiyuki fwal in keok” ke en Jisus. (2 Piter 3:10-13; Orekma 5:41) In oana met Kristian in pal meeta, lela kut in tafwela in “tia tari in luti a fwakulak Jisus tu el Kraist” a ke togusrai lal ke kut sano me sang lasr ke fwal sasu in sumwosmwos lun Jeova.—Orekma 5:42; Jemes 5:11.
Ke Inkanek lun Kalweni
• Mea kalmen in keok ke ma sumwosmwos?
• Mea me kalyai el ku in oru nu sin met Kristian nu kemwa in pal meeta?
• Efu ku Met Lo lun Jeova elos kalyaiyuk oana met palu puspus in pal meeta?
• Efu ku kut in “insemwomwo a srosro ke engan” ke kut kalyaiyuk?
[Pictures on page 14, 15]
“Insemwomwo komwos fwin met elos akangonye kalyai komwos”
[Credit Line]
Un met in niyen kalpous: Chicago Herald-American