Akkeye Sie Sin Sie
“Elos me pwarak nu sik.”—KOLOSSE 4:11.
1, 2. Fwinne oasr me sensen, efu ku met kamwuk puspus lal Poul elos tuku nu yurol ke niyen kapur?
KU IN sie me sensen kom fwin kamwuk nu sin sie met su sun me keok in niyen kelpous—fwinne tia fwal nu sin met kamwuk lom in muta ke niyen kelpous ke sripen nununku sesumwos. Met liaung niyen kelpous elos nunak koluk nu sum, elos tuni mukuikui nukemwa lom in liye la wangin ma koluk kom oru. Paenang, pulaik eneneyuk na paye in liyeyuk a sramsramkinyuk nu sin met kamwuk lom a in muteta nu yurol in niyen kelpous.
2 Fwinne oinge, pa inge ma met kamwuk puspus lun met sap Poul elos oru ke yea 1,900 kutu somla. Elos tia sangeng in muteta nu yurol Poul in niyen kelpous lal in sang me pwarak a me akkeye nu sel a in akkeyel in ngun. Su met kamwuk oaru puspus inge? A mea kut ku in lotela ke pulaik lalos, oaru lalos, a kamwuk lalos?—Soakas 17:17.
“Sie Me Pwarak”
3, 4. (a) Su met kamwuk limekosr lal Poul, a elos ekla mea nu sel? (b) Mea se inge “sie me akkeye”?
3 Lela kut in folokla nu ke yea 60 C.E. Met sap Poul el muta niyen kelpous in an Rom ke sripen kas in tukak kikiap lun met lain akwuk fulat ku sie su purakak inkanek in lain. (Orekma 24:5; 25:11, 12) Poul el akkalemye met Kristian limekosr su kasrel: Tikikus, met supo lal liki an Asia a sie “met kulansap in Leum”; Onesimus, sie “met lili oaru a kulu” liki an Kolosse; Aristarkus, sie met Macedonia liki an Tessalonika a ke sie pal el welul Poul oana “met prison”; Mark, cousin lal Barnabas a el pa met sim lun Gospel su orekmakin inel; a Justus, sie sin met orekma “nu ke togusrai lun God” su welul Poul. Poul el fwak ke met limekosr inge: “Elos me pwarak nu sik.”—Colossians 4:7-11.
4 Poul el orala sie kas fukoko ke me kasru su met kamwuk oaru lal elos oru nu sel. El orekmakin kas Grik se inge (pa·re·go·riʹa) su lungasyukla oana “me pwarak,” su in Baibel ku in koneyukyak ke fus inge. Kas inge oasr kalme puspus ka a orekmakinyuk yok nu ke akwuk in ono.a Kalmeyen ma inge pa ku in ‘akwanginyela ma upa, akengunye, me pwarak, me kasru.’ Poul el enenu na paye kain in me akkeye inge a met limekosr inge elos oru ma inge.
Efu ku Poul El Enenu “Sie Me Akkeye”
5. Fwinne el sie met sap, mea Poul el enenu, a mea kut enenu pal nukemwa?
5 Kutu met elos ku in lut in nunku la Poul, sie met sap, el enenu me pwarak. Tusruktu, el enenu na paye in akkeyeyuk. Paye la Poul el fukoko ke lalalfongi, a el moliyukla tari liki me akkoluk puspus su orek nu ke mano, “in sringsring alukela srikasrak,” “in mise pal puspus” a kutu pa me keok. (2 Korint 11:23-27) Fwinne oinge, el met se pa, a in oana met nukemwa kutu pal elos enenu in eis me akkeye a in akkeye lalalfongi lalos ke kasru su tuku sin kutu met. Ma inge orek pa nu sin Jisus. Ke fong safla lal, oasr sie lipufon sikyuk nu sel in Getsemane a “el akkeyel.”—Luk 22:43.
6, 7. (a) In an Rom, su akmunasyel Poul, a su akkeyel? (b) Kain in me kasru fuka met lili Kristian wiyel Poul elos oru nu sel in Rom, paenang elos akpayeye la elos “sie me pwarak”?
6 Poul el enenu pa in akkeyeyuk. Ke pal se el tuku nu Rom oana met kelpous se, met puspus in sruf lal sifwana tia paengul. Met Ju nukemwa inge, srunga in long peng mwo lun Togusrai. Tokin kutu sin met fulat lun met Ju elos tuku nu yurol Poul nu in an el kapur we, ma simusla in Orekma el akkalemye: “A kutu selos lalalfongi kas inge; a kutu elos selalalfongi. A ke elos tia inse sefwanna, elos som.” (Orekma 28:17, 24, 25) Ke sripen wangin lalalfongi lalos nu ke lungkulang lun Jeova paenang Poul el keoklanu ke nunkeya! Ke sripen yok keok lal in nunku ke ma sikyuk inge paenang el simusla leta lal ke kutu yea toko nu sin congregation in an Rom: “Tu Nga asor ma lulap a tia wanginla ngal insiuk. Tu Nga ku in lungse tu Nga in wanginla liki Kraist ke met lili luk [met Ju], sruf luk fwal nu ke ikwe.” (Rom 9:2, 3) Fwinne oinge, in an Rom el koneak, met kamwuk paye lal su pulaik a lungse akmisyela insiel. Elos pa met lili paye lal in ngun.
7 Fuka met lili limekosr inge elos akpayeye la elos sie me akkeye? Elos tia lela me kapur lun niyen kelpous in paenang elos in fwasr lukel. A, Elos kulansupal Poul ke lungse a kulang lalos, orala orekma su Poul el tia ku in oru ke sripen kaul lal. Ke me pupulyuk, kain in orekma su oana sie met su us peng mwo a us leta lal Poul a kas lal nu ke congregation puspus; elos sang nu sel Poul report mwomwo su me akkeye ke ma sikyuk nu sin met lili in an Rom a in an nukemwa. Elos eis me enenu puspus lal Poul, oana nuknuk fwal nu ke pal in ou, buk limlim, a kofwen me sim. (Efesus 6:21, 22; 2 Timote 4:11-13) Orekma in kasru nukemwa inge akkeyel a me kasru mwo nu sel Poul su oasr in niyen kelpous, ke sripe se inge, el ekla “sie me akkeye” nu sin kutu pa, wekunang congregation nukemwa.—Romans 1:11, 12.
Fuka in ekla “sie Me Akkeye”
8. Me lutlut fuka kut ku in lotela ke Poul el eis ma enenu lal ke “sie me akkeye” ke inse pusisel?
8 Mea kut ku in lotela ke me sramsram kel Poul inge a met limekosr su welul ke orekma? Lela kut in liye ke sie me lutlut yok: Enenu pulaik a sifwana kisekin moul in sang kasru nu sin kutu met fwin elos sun me keok. Kut enenu pa inse pusisel in akkalemye la kut enenu me kasru in pal in ma upa lasr sifwana. Poul el tia akkalemye mukena la el enenu kasru a el eis a akilen ma nukemwa ke inkanek kulang a sang kaksak nu selos su oru ma inge. El tia nunku mu kasru su el eis sin kutu met el me akul nu ke me munas lal ku sie me mwekin nu sel, kut enenu pa in nunku oinge. Lela kut in tia nunku mu kut tia enenu me kasru ku me akkeye ke sripen kut oana superhuman se. Esam, me srikasrak lun Jisus su el akilen la fwinne sie met sumwosmwos su kutu pal el enenu in siyuk ke kasru.—Hibru 5:7.
9, 10. Ma mwo fuka ku in sikyuk fwin sie met el akilen ma enenu lal ke me kasru, a me kasru fuka nu sin sou a in congregation?
9 Fwako mwomwo ku in sikyuk ke pal se brother puspus su kol fwin ku in akilen la oasr pa munas lalos a elos enenu pa kasru lun kutu met lili. (Jemes 3:2) Fwin oasr akkalemyeyen luma oinge efwa oasr pa futoto inmasrlon met kol a met su muta ye kolyuk lalos, efwa oasr akwuk lun kamwuk paye a sramsram mwomwo. Inse pusisel lun met su lungse in eis me kasru pa me srikasrak mwomwo nu sin kutu pa met su enenu me kasru. Fwin met kol elos akilen la elos met sesumwos a suk in pusisel nu sin met nukemwa.—Ekklisiastis 7:20.
10 Ke sie me pupulyuk, fwin tulik srisrik elos eis me kasru lun papa a nine in aksumwosye ma upa a me sruf puspus su sonolos fwin elos etu la papa a nine kielos sun pa kain in ma upa su oana sie ke pal se elos srakna tulik srisrik. (Kolosse 3:21) Ke sripe se inge sramsram mwo ku in ikasla inmasrlon papa a nine a tulik. Me aksumwos su tuku ke ma simusla ku in kasrelos ke inkanek mwomwo a fusresr in akosyuk. (Efesus 6:4) In luma sepana inge, met lili nukemwa su wi ke congregation elos eis me kasru su tuku sin met elder fwin elos etu la met elder puspus elos kaifweang pa in lain ma upa puspus, me aksangeng, a me enenu lun moul. (Rom 12:3; 1 Piter 5:3) Oiya se inge, orek pa nu sin tulik, sramsram mwomwo eneneyuk in orek pa nu sin met lili, wi me kai mwo su tuku ke Baibel ku in orekmakinyuk, a fwako mwo lun lalalfongi fwa akkeyeyuk. Kut enenu in esam la brother a sister wiyesr nukemwa elos enenu me kasru yok liki meet in pal inge.—2 Timote 3:1.
11. Efu ku met puspus in pal inge oasr enenu lalos nu ke “sie me akkeye”?
11 Wangin srela lun an su kut muta we, fwinne kut met matou ku fwusr, ku kut met sekasrup ku met kasrup, oasr pal se kut nukemwa fwa sun me keok lun moul. Pa inge oiyen moul lun fwalu in pal inge. (Fwakyuk 12:12) Kain in ma upa lun mano ku me akkeok lun nunak arlana koluk la su orala me sruf yok nu ke lalalfongi lasr. Me srike puspus ku in sikyuk in niyen orekma, in loom lutlut, inmasrlon sou, ku in congregation. Mas upa ku me keok lun nunak ke ma sikyuk in pal meeta ku in orala me keok a me asor yok nu ke pulakin lasr. Fwin mokul tuma ku mutan kie, sie met elder, ku sie met kamwuk el oru me kasru ke inkanek kulang wi pa kas mwomwo a orekma in akkeye—oh, fuka mwoiyen me akkeye inge! Efu, meyen ma inge lumeyuk oana ono mwomwo su pangpang balm su sang akmwoyela an ngal upa ke mano. Paenang, kom fwin liye sie sin met lim su pula ma upa oinge, srike kom in sifwana som sang me akkeye ku me pwarak nu sel. Ku fwin oasr ma upa aktoasrye kom, siyuk kasru sin met matou in ngun in kasru.—Jemes 5:14, 15.
Fuka Congregation Ku in Kasru
12. Mea kais sie met in congregation ku in oru in akkeye met lili wiyel?
12 Met nukemwa in congregation, wekunang met fwusr, elos ku in oru kutu ma in akpwarye ku akkeye kutu met lili. Ke sie me pupulyuk, oiya mwo lom in wi pal nukemwa ke meeting a ke orekma in luti peng mwo ku in sang me akkeye nu ke lalafongi lun met lili puspus. (Hibru 10:24, 25) Orekma in kulansap mutal lom su orek pal nukemwa pa me akpayeye lun oaru lom nu sin Jeova a akkalemye la kom fukoko in ngun pal nukemwa fwinne oasr ma upa puspus sikyuk kom srakna kafweang in lain. (Efesus 6:18) Kain in oaru oinge ku in akkeye ku akpwarye met lili puspus.—Jemes 2:18.
13. Efu ku kutu met lili elos munasla, a mea ku in orek in kasrelos?
13 Oasr pal, me keok puspus lun moul ku kutu pa ma upa ku in oru kutu met lili in tia wi pal nukemwa ku in tui ke orekma in luti peng mwo. (Mark 4:18, 19) Saap kut tia ku in liye met lili su munasla in lalalfongi ke meeting lun congregation. Tusruktu, lungse lalos nu sin God srakna oasr in insielos. Mea ku in orek in akkeye lalalfongi lalos? Met elder puspus ku in sang kasru ke elos som nu yurolos. (Orekma 20:35) Kutu sin met lili ke congregation elos ku in sang pa kasru. Kain in muteta oinge ku in orala inkanek mwomwo, oana ono su eneneyuk in sang kasru, in sifwil pa akkeye met lili su munas in lalalfongi.
14, 15. Kain in me kai fuka Poul el sang in akkeye kutu met? Sang sie me pupulyuk lun congregation su orekmakin me kai lal.
14 Baibel el kaifwe kut in “akpulaikyelos su munas insie, kasrelos su munas.” (1 Tessalonika 5:14) Saap elos su “munas insie” ku in koneak la elos tilla pulaik oana meet a elos tia ku in kutangla ma upa puspus fwin wangin kasru lun kutu met lili. Ya kom pa sie sin met inge su ku in sang kasru? Kas inge “kasrelos su munas” oasr kalme oana “in sruokye ku” ku “fulyang” nu sin met munas. Jeova el karungin a lungse sip nukemwa natul. El tia liyelos in nunku mu wangin sripelos, a el tia lungse kutu sin metu in wanginla lalalfongi lalos ku in tui ke kulansap lalos. Ya kom ku in kasru congregation “in fulyang” nu sin met lili su munasla in ngun nu ke elos sifwil ekla fukoko in ngun?—Hibru 2:1.
15 Oasr sie met elder el oru muteta lal nu yurin seanyen se su tia wi orekma lun forfor ke lusen yea onkosr. Met elder se inge el simusla: “Kulang a lungse su akkalemyeyuk nu selos sin met lili ke congregation nufon akkeyelos paenang mokleyuk elos in sifwil foloko nu ke u se inge.” Mea sister se inge su tia wi ke orekma lun forfor el pula ke muteta lun met lili puspus? Pa inge ma el fwak in pal inge: “Mea kasre kut in sifwil pa oru kulansap tuku ke oiye mwo lun brother a sister puspus su tia akkalemye oiye sa in sang nununke kut ku in oru kas in akmunas nu sesr. A, elos kulang nu sesr a kasre kut ke me akkeye su tuku ke Ma simusla.”
16. Su akola pal nukemwa in kasru elos su enenu me akkeye?
16 Aok, sie met Kristian mwo el insemwomwo in ekla sie me kasru mwo nu sin kutu pa. A ke sripen ma puspus su sikyuk ke moul lasr ekyek, paenang kut sifwana enenu pa me kasru lun met lili puspus wiyesr. Tusruktu, ke ma paye, fwin oasr enenu nu ke ma upa su siyuk, saap met lili wiyesr tia ku in kasre kut pal nukemwa kut fwin enenu me kasru. Fwinne oinge, oasr sie me kasru su ku in kasru pal nukemwa, sie su lungse in sang kasru—Jeova God.—Sam 27:10.
Jeova—El Sropon Ku Nukemwa
17, 18. Ke inkanek fuka Jeova el akkeye Mwen natul, Jisus Kraist?
17 Ke pal se sripsripyuk nu ke sak soko, Jisus el wowoyuk ke tung: “Papa, Nga fuleot ngunik nu in poum.” (Luk 23:46) Tokin el fwak ma inge el mise. Ke na kutu ao meet, el sruokyuki a met kamwuk futoto lal nukemwa elos som lukel a kaengelik ke sangeng. (Mattu 26:56) Jisus el mukena muta tusruktu oasr yurol sie su kulana—Papa tumal in kosrao. Aok, lalalfongi lal nu sin Jeova tia na wanginla. Oaru lun Jisus nu sin Papa tumal akinsemwomwoyeyuk ke kasru lun Jeova sifwana nu sel.—Sam 18:25; Hibru 7:26.
18 Ke lusen orekma in kulansap lun Jisus fwin fwalu, Jeova el sang kasru nu sin Mwen natul ke ma el enenu tu in sruokye ku paye lal nu ke mise. Ke sie me pupulyuk, tia pat tokin el eis baptais, in sang akkalemye mutamweyen orekma in forfor lal, el long sie pusra sin Papa tumal su akkalemye insemwomwo a lungse Lal nu sel. Ke pal se Jisus el enenu me kasru, Jeova el supwela lipufon puspus in kasrel. Ke pal se Jisus el sun me srifwe yok ke saflaiyen moul lal fwin fwalu, Jeova el insemwomwo in long me siyuk nukemwa a wi pre nukemwa lal. Paye la ma inge nukemwa me kasru yok nu sin Jisus.—Mark 1:11, 13; Luk 22:43.
19, 20. Kut etu fuka la Jeova el fwa akkeye kut in pal in enenu lasr?
19 Jeova el lungse in el pa Sropon ku lasr. (2 Kronikel 16:9) Sropon ku lulap nukemwa a me kasru nukemwa ku in me akkeye nu sesr in pal in enenu. (Isaia 40:26) Meun, moul sekasrup, me lokwalok ku mas, mise, ku sesumwos lasr sifwana ku in oru kut in sun ma upa. In pal in me keok puspus sikyuk nu ke moul oana sie “me lokwalok ku,” suk ku lun Jeova tu el fwa met kasru lasr. (Sam 18:17; Exodus 15:2) El ku in oru me kasru ku nu sesr—ke ngun mutal lal. Ke inkanek lun ngun lal, Jeova el ku in sang “ku nu sin met totola” tu el fwa ku in “sokak ke po soksok oana igul.”—Isaia 40:29, 31.
20 Ngun mutal lun God el kulana fwin fwalu nufon. Poul el fwak: “Nga ku in oru ma nukemwa in el su akkeyeyu.” Aok, Papa tumasr su in kosrao el kulana a ku in oru nu sesr kasru su “yoklanu lun ku” tu kut fwa ku in mongfusresr nu ke ma upa nukemwa in pal inge nu ke el fwa oru “ma nukemwa sasu” ke Paredais su el mwolela a arulanu apkuran.—Filippai 4:13; 2 Korint 4:7; Fwakyuk 21:4, 5.
[Footnote]
a Vines Complete Expository Dictionary of Old and New Testaments Words, lun W. E. Vine, el fwak: “Kas inge [pa·re·go·riʹa] fwin orekmakinyuk oana sie verb ku oasr ke verbal form ku in kalmekin ono su aksrikye ngal ku akwanginyela sring.”
Ya Kom Esam?
• Fuka met lili puspus in an Rom akpayeye la elos “sie me akkeye” nu sel Poul?
• Ke inkanek puspus fuka kut ku in “sie me akkeye” nu ke congregation?
• Fuka Jeova el Sropon ma paye lun ku lasr?
[Picture on page 28]
Met lili puspus akpayeye la elos “sie me akkeye” nu sel Poul ke elos sang me kasru, me akkeye, a ma enenu lal sifwana
[Picture on page 30]
Met elder elos kol in akkeye u