Met Tulan Mwo Ma Saok Se
“Sie met tulan apkurun mwo liki sie met lim loesila.”—Soakas 27:10.
SIE MET SCHOLAR ke century se meet C.E. el siyuk kusensiyuk nu sel Jisus: “Su met tulan luk?” In topuk nu ke kusensiyuk lal, Jisus el fwak nu sel, tia in topkol ke kusensiyuk inge su met tulan lal, a el aketeye nu sel mea oru sie met in ekla met tulan mwo se. Saap kom arulanu etu me pupulyuk inge lun Jisus. Met puspis elos etu me pupulyuk lal inge oanu, me pupulyuk ke met Samaria se su met tulan mwo, a ma inge akkalemyeyuk ke Gospel lal Luk. Jisus el aketeye me sramsram inge oanu:
“Sie met el oatui liki an Jerusalem nu Jeriko, a el sun met ingunyar, su sarukla nuknuk lal a onel, a fililye akurun in mise, a somla. A ma te oru sie met tol el oatui inkanek sa, a ke el liyel, el alukela na leyeno. A ouyepa sie met Livai, ke el tuku nu in an sa, a liyel, el aklukela nu leyeno. A sie met Samaria, ke el fwafwasyesr, tuku nu yen el muta we, a ke el liyel, el pakomutal. A tuku nu yurol, a puela kinet kel, a okuye oil a wain nu ka a fililye nu fwin kosro nutul a wisella nu in imwen met fwasr, a liyelang. A ke lutu el eis sriling luo, a sang nu sin met liaung loom sa, a fwak, ‘kom liyelang, a kom fwin sang pa kutu, Nga fwa moli nu sum ke Nga sifwil foloko.’ Kom nunku su sin met tulo inge met tulan nu sel su sun met ingunyar?”—Luk 10:29-36.
Kalem la met scholar inge el akilen kalmen me pupulyuk inge. El tia alollo ke pal se ma el akilen su met tulan na paye lun met kinet sa: “A el fwak, el su pakomutal.” Jisus el fwak nu sel: “Fwala a oru ou inge.” (Luk 10:37) Sie me pupulyuk na fukoko pa inge fuka in akkalemye su met tulan lasr na paye! Me pupulyuk lun Jisus ku in mokle kut pa in siyuk sesr sifwanu: ‘Nga kain in met tulan fuka? Ya Nga kaifweung na paye in ekla sie met tulan mwo?’
Oya Kom Ku In Mutamwauk?
Kut fwin pulakin la kut enenu in kapkapek ke oiye se inge, kut enenu in mutamwauk ke oiyen nunuk lasr. Kut enenu in nunku yok fuka in ekla sie met tulan mwo. Ma inge ku in kasru pa tu in oasr met tulan mwo lasr. Apkurun tausen luo yiu somla, Jisus el akkalemye akmwuk futoto inmaslon metu ke Me Sramsram lal Fwin Eol. El fwak: “Ke ma inge nu kemwa, komwos lungsumwos met in oru nu sumwos, komwos in ouyepa oru ou inge nu selos.” (Mattu 7:12) In akfulatye kutu met, in sunakinelos, a oiye kulang nu selos ku in moklelos in akkalemye pa ou inge nu sum.
Paye, tia fwusesr nu sin met puspis inmaslosr in osun nu sin met tulan lasr. In sifwanu srella fwusesr liki in osun nu selos. Tusruktu, Baibel el aketeye la “insemwomwo in sang yok liki insemwomwo in eis.” (Orekma 20:35) Ke ma inge, sie met tulan mwo el kaifweung in etu met nu kemwa su muta sisken loom sel. Elos fwinne tia srike in kamwuk futoto nu selos, tusruktu elos kaifweung in sramsram kulang nu selos ke kais kutu pal, saap el mutamwauk ke isrusr ku kas in paing.
Orekma srisrik in kasru sie sin sie inmaslon met tulan pa ma yok emeet in oakiye a srukye oiyen kamwuk inmaslon met tulan. Ke ma inge, arulanu yok sripe nu sesr in suk inkanek fuka in akkalemye oiye kulang fwinne ke ma srisrik nu sin met tulan lasr, meyen ma inge ku in purakak ngunin akesrui a akfulat sie sin sie. Sayen ma inge, kut fwin oru ou inge, kut fwasr tokin kas in kai lun Baibel inge: “Nik kom srukye ma mwo lukelos su fwal nu se, ke oasr ku in poum in oru.”—Soakas 3:27; Jemes 2:14-17.
Orekma Mwo Emeet Nu Sin Met Tulan
Sie met tulan mwomwo el oanu sie ma saok na paye ke pal in ongoiye. Ke lusen pal in ma upa, ngunin met tulan mwo ku in liyeyuk na paye. Oasr me sramsram puspis su akkalemye oiye kulang lun met tulan ke kain in pal inge. Ongoiye nu kemwa fwin sikyuk luman pa inge me purakak nu sin met tulan nu kemwa in akesrui sie sin sie.
In wi ke orekma in molela kutu met tokin sie ongoiye arulanu mwo a fwal in eis kaksak a sie orekma mwo pa inge lun met tulan mwo se. Tusruktu, in molela moul lun met tulan lom ke sripen kom sang kas in sensen nu sel meet liki ongoiye pa sie orekma su mwo liki. Aok, sie me asor in etu la, ke me sramsram lun fwalu, pal nu kemwa, elos su sang kas in sensen nu sin kutu met ke ongoiye su apkurun in tuku pilesreyuk, meyen ke pal se elos sang kas in sensen, ongoiye su apkurun in tuku sonna akilenyuk sin met. Pal nu kemwa elos su sang kas in sensen tia lalalfongiyuk sin ku met elos alollo sel. Enenu na paye kaifweung a mongfwusesr nu sin kutena met su srike in kasru kutu met su tia etu ma upa su apkurun in tuku nu sel.
Ke len inge, oasr ongoiye lulap su apkurun in tuku nu sin metu a ma inge yok liki ongoiye su tuku ke pulanpal koluk. Kas palu pa inge ke orekma lun God Ku Liki Ku in kunausla ma koluk nu kemwa fwin fwalu oanu silolel, akmas, a kutupa ma upa ke sripen ma koluk. (Fwakyuk 16:16; 21:3, 4) Ma inge e fwa tuku na paye! Met Lo lun Jeova elos insemwomwo in akkalemye etauk su eneneyuk in kasre met puspis in moul ke ma upa yok inge fwin fwalu su e fwa tuku. Pa inge sripe efu elos arulanu kafofo a eteyuk ke orekma in luti lalos fwin fwalu nu fon. (Mattu 24:14) Elos kaifweung in ekla sie met tulan mwo.