Sie Fwalu Musalla!

Srike in loang nu ke fwal su raunikomla, siti nu kemwa lal, akmwuk lun kais sie an, kapkapek lal ke science, a billion puspis lun met su oasr ke an inge nu kemwa. Meyen elos oan pal nu kemwa paenang arulanu fwusesr in akpwaryeyuk selos, paye? Ya oasr pal kom nunku la sie pal fwal se inge e fwa wanginla? Saap arulanu upa in nunkeyuk ou inge. Tusruktu, ya kom etu la fwal nu ke sie me sramsram su kom ku in lalalfongi na paye, sie fwalu su oan oanu fwal inge, musalla in pal meeta?

KUT TIA sramsram ke sie fwal su orekla ke sruf puspis in pal meeta su tia lutlut. Fwal su musalla in pal meeta elos met lutlut a lalmetmet, oasr siti puspis lalos, oasr orekma yok lalos, a etu ke science. Fwinne ou inge, record lun Baibel akkalemye nu sesr la ke pal se su metu elos tia nunku, in len ak17 lun len ak2 lun malem se, 352 yiu meet liki met patriarch Ebream el isusla, sie sronot tuku a kunausla sie fwalu.a

Ya record inge paye? Ya ma inge sikyuk na paye? Ya oasr sie fwal na paye in pal meeta meet liki fwal lasr misinge su tok musalla? Fwin oasr efu el musalla? Kain in ma upa fuka sikyuk in pal meeta? A, ya oasr kutena ma su kut ku in lotela ke kunanela lal?

Ya Fwalu Na Paye in Pal Meeta Musalla?

Kain in ongoiye sakuruk inge el fwin sikyuk na paye, tia ku in mulkunyukla na paye. Ke ma inge, ke mutanfwal puspis oasr me esmakin ke kunanela inge. Ke sie me pupulyuk, len na paye ke pal se ma inge sikyuk akkalemyeyuk na paye ke Ma Simusla. Malem se akluo lun calendar in pal meeta ku in liyeyuk ke calendar lasr oanu infwulwen October nu ke infwulen November. Ke ma inge, len ak17 in pal meeta ku in len se meet lun November in pal lasr. Ma inge tia sie me sramsram folinfong na, paenang in an puspis oasr kofwo lulap lun met mise orekla ke pal inge ke kais sie yiu.

Kutu me akpayeye ke Sronot ku in liyeyuk ke fasin puspis lun met. Apkurun fwil nu kemwa elos lalalfongi ke sie sramsram folinfong la papa a nine matu lalos elos moula liki sie sronot lulap fwin fwalu. Met Africa pangpang Pygmies, met European pangpang Celts, met South America pangpang Incas—elos nu kemwa lalalfongi ke me sramsram folinfong siefwunnu, oupanu met puspis fwin an Alaska, Australia, China, India, Mexico, Micronesia, New Zealand, a kutu an fwin an North America, pa inge an ekasr na ke an puspis su lalalfongi ou inge.

Paye, tokin sie pal, me sramsram folinfong inge akkeyeyuk ke kain in me sramsram puspis, tusruktu ma inge nu kemwa akkalemye akketeye siefwunnu oanu: Ma koluk lun met akkoskusrokye God. El supwela sronot lulap. Apkurun met nu kemwa kunausyukla. Tusruktu, met sumwos ekasr moliyukla. Elos inge musaiyukla oak soko in moliyukla met a kosro. Tokin sie pal, elos supwela mwon ekasr in suk an su wangin kof we. Ke saflaiye, oak mesia fwin mangon eola. Tokin elos srola liki oak, met nu kemwa inge su moul elos orek kise.

Mea ma inge lungse in akkalemye? Ma inge akkalemye la ma sikyuk inge ma na paye se. Toeni lun me akpayeye inge nu kemwa akkeye me sramsram lun Baibel in pal meeta su akkalemye la met nu kemwa elos tuku sin met su moula liki sie sronot su kunausla sie fwal lun metu. Aok, kut tia enenu in filiye lalalfongi lasr ke me sramsram folinfong kut fwin lungse in etu ma sikyuk in pal meeta. Oasr record mwomwo lasr ke Ma Simusla lun Hibru in Baibel.—Genesis, sapter 6-8.

Koanon Baibel pa sie record ke me sramsram ke mutamweyen moul in pal meeta. Tusruktu, me akpayeye puspis akkalemye la ma inge tia sie me sramsram na ke ma sikyuk puspis. A, kas palu a lalmetmet yok lal akkalemye la paye ma el sifwanu fwak—el pa inkanek lun God in sramsram nu sin met. Tia oanu me sramsram folinfong, Baibel el toeni ke me sramsram in pal meeta e puspis lun met a pal in orek, wekunang sou lun met inge a enen an se su ma sikyuk inge orek we. El aketeye nu sesr luman moul meet liki Sronot a el akkalemye nu sesr sripen musalla lun fwalu nu fon.

[Footnote]

[Chart on page 4]

Me Sramsram Folinfong ke Sronot Fwin Fwalu Nu Fon

(For fully formatted text, see Publication)