Ya Oiyen Moul Nasnas Sriksrikeni
“MA inge tia sikyuk in pal meeta,” pa inge kas lal Helmut Schmidt, chancellor lun an Germany in pal meeta. El akkalemye supwar lal ke orekma kutasrik yok lun met lulap ke guferment su orala news lulap. “Oiyen Moul Nasnas Tula ke Sripen Rapku,” el fwak.
Met puspis elos insese nu sel. Oiyen moul nasnas su tuku ke Kas lun God, Baibel, su orekmakinyuk ke mutamwauk me in sang aketeye la piye ma sumwos a piye ma koluk, wanginla orekmakinya. Ma inge arulanu paye nu ke an puspis su met puspis we ekin Kristian.
Ya Oiyen Moul Nasnas in Baibel Wanginla Sripe?
Oiyen moul nasnas su tuku ke me luti lun Baibel pa sumwosmwos a tia kutasrik. Tusruktu, orekma sesumwos, pusrapasr, a kutasrik arulanu pengpeng in an nu kemwa. The Times lun an London el reporti la kutu sin detective “elos filiye ke pocket lun kais sie selos £100,000 kutu pounds ke kutena pal, su ma inge tuku ke ono koluk su police elos srukye a sifwil sang nu sin met koluk in kukakin, ku ma ke evidence in lain met koluk su elos suk in sisla ku in okanla. Fwin an Austria insurance ke orekma kutasrik arulanu pengpeng. Fwin an Germany pa. Un met su lutlut ke science elos arulanu lut a sangeng ke pal se ma oasr met lutlut elos tufwanu konaok ke “sie orekma kutasrik yok emeet ke akmwuk lun science fwin an German.” Professor, sie su “arulanu pengpeng inmaslon met geneticists fwin an German,” eteyuk mu el kutasrik ku el sifwanu kineuk kain in data puspis lal.
Ke oiyen moul nasnas su tuku ke Baibel el wekunang pa akmwuk inmaslon sieanyen payuk se, su ku in kalmekin nu ke futoto lalos enenu in on nu tok ma patpat. Tusruktu pusiyen met payuk elos suk kasru sin court su orala elos in divorce ku fwasrelik. Newspaper lun Catholic pangpang Christ in der Gegenwart (The Contemporary Christian) el reporti la “fwinne in an Switzerland su lungse in fwasr tokin ‘fasin’, orala fwasrelik lun met payuk arulanu yokyokelik.” In an Netherlands, percent 33 lun met payuk nu kemwa safla ke divorce. Sie mutan su liye ma ekla ke akmwuk lun met fwin Germany ke yiu ekasr somla el simusla ke ma su akfosryel: “Ke pal inge elos nunku mu moul lun payuk tia fwal nu ke fasin lasr ke pal inge. Metu elos tia sifwil payuk nu sin met su elos lungse in met asrouki nu selos ma patpat.”
In luma nu ke inkanek saye, million puspis sin metu elos nunku mu oiyen moul nasnas su lutiyuk in Baibel pa mwo emeet, kut ku in lalalfongi a fwal nu ke pal lasr misinge. Oasr sie seanyen su muta ke masrol lun an Switzerland a Germany elos konaok la lutlut fwal nu ke oiyen moul nasnas lun Baibel kasrelos in eis insemwomwo yok. In fwal nu ke pulakin lalos elos nunku mu, “oasr kolyuk siefwunnu ke oiyen moul nu kemwa. Me kol se inge pa Baibel.”
Mea kom nunku? Ya Baibel el ku in kasru oanu sie me kol mwomwo? Ya oiyen moul nasnas su tuku ke Baibel fwal nu ke len lasr misinge?