Akkalemye Nunuk Lun Kraist

“Inge God lun mongfwusesr a pwarak lan sot nu sumwos tu komwos fwa nunuk siefwunnu nu sin sie sin sie in Kraist Jisus.”​—ROM 15:5.

1. Fuka moul lun sie met ku in mokleyuk ke oiye lal sifwanu?

OIYE lun sie met sang kalme yok nu ke moul. In moulkin kain in oiye lun supa in nunuk ku etu nunuk moniyuk, nunuk sumwos ku nunuk sesumwos, nunuk inse fulat ku nunuk su lungse akesrui, oiye lungse torkaskas ku etu in sang kulo ku in akkalemye na paye sie metu fuka orekma lal sie luma ku fuka kutu met elos akkalemyela. Ke sie oiye mwo, sie met el ku in insemwomwo fwinne ke pal in ma upa. Ke sie met su oasr oiye koluk, wangin kutena ma sumwos, fwinne ke​—sie nien sun su—​oasr moul mwo.

2. Fuka sie met el ku in lutlut ke oiye?

² Oiye​—mwo ku koluk—​ku in lutlut ka. Ke ma paye, ma inge enenu in lutlutkinyuk. Ke pal se el sramsramkin sie awowo su tufwanu isusla, Collier’s Encyclopedia el fwak: “Kutena oiye su el e srukye tok el enenu meet in eis ku lutlut ke ma inge, oanu el eis ku lutlut ke kas ku kutena ma el enenu in etu.” Fuka kut lutlut ke oiye? Fwinne oasr ma puspis su ku in kasru tusruktu, an se su kut isusla we a raunikutla, a met asrouki lasr, ma inge nu kemwa me kasru yok. Encyclopedia senpanu inge el fwak: “Kut lutlut ku eis, oanu ke inkanek lun osmosis, oiyen met nu kemwa su asrouki futoto nu sa.” Yiu tausen puspis somla, Baibel el fwak pa oanu ma inge: “Fwafwasryesr yurin met lalmetmet, a kom fwa lalmetmet; a el su wi met lalfon fwa Ngal ka.”​—Soakas 13:20; 1 Korint 15:33.

Sie Me Srikasrak ke Oiye Mwo

3. Su me srikasrak mwo ke kain in oiye se inge, a fuka kut ku in etawi el?

³ Ke ma nu kemwa, ouyepa ke oiye, Jisus Kraist el wise me srikasrak mwo emeet. El fwak: “Tu Nga asot nu sumwos sie me srikasrak, tu komwos fwa ouyepa oru oanu Nga oru nu sumwos.” (Jon 13:15) In oanu Jisus, kut enenu meet in lutlut kel.a Kut lutlut ke moul lal Jisus meyen kut lungse in oru ma met sap Piter el kaifwe: “Tu pangonyuk kut nu ke ma inge, tu Kraist el ouyepa keok keyumwos, a likiye nu sumwos sie srikasrak, tu komwos in fwasr in fwalkel.” (1 Piter 2:21) Nien sun lasr pa in etawi Jisus ke ku lasr kemwa. Wikin ma inge pa akkapye nunuk lal nu sesr.

4, 5. Kain in nunuk fuka lal Jisus akkalemyeyuk in Rom 15:1-3, a fuka met Kristian elos ku in etawi el?

⁴ Mea ku in weang orekma in srukye nunuk lun Kraist? Sapter ak 15 ke leta lal Poul nu sin met Rom kasre kut in sang me top nu ke kusensiyuk inge. Ke fus ekasr ke mutamweyen sapter inge, Poul el sramsram ke oiye mwo emeet lal Jisus ke pal se ma el fwak: “Na mwo tu kut su ku in eis munas lalos su tia ku, a tia akinsemwomwoye kut sifwanu. Lela kut nu kemwa in akinsemwomwoye met tulan in ma mwo in musailosyuk. Tu Kraist ouyepa el tia akinsemwomwoyel sifwanu; a, oanu ma simusla: ‘Aksruskruk lalos su aksruksruke kom putatla fwuk.’ ”​—Rom 15:1-3.

⁵ In etawi oiye lun Jisus, met Kristian nu kemwa akkeyeyuk in akola in kulansap ke ma enenu lun kutu met, ke inse fwokpap a tia in akinsemwomwoyelos sifwanu. Aok, kain in oiye lun fwokpap inge in kulansap nu sin kutu met pa oiye lun met nu kemwa su “ku.” Jisus su arulanu ku in ngun liki kutena met su moul, el fwak kel sifwanu: “Oanu Mwen nutin met el tia tuku tu met in kulansap nu sel, a tu lan kulansap nu selos, a sang moul lal in moli met puspis.” (Mattu 20:28) Oanu met Kristian, kut lungse pa in akyokye orekma lasr in kulansap nu sin kutu met, wekunang met nu kemwa su “tia ku.”

6. Ke inkanek fuka kut ku in etawi oiye lal Jisus ke me lain a me akkoluk?

⁶ Siepa oiye mwo su Jisus el akkalemye pa sie me srikasrak ke nunuk a orekma su pal nu kemwa sumwos a mwo. El tia lela kutena pal nunuk sesumwos lun kutu met in purakak oiye lal sifwanu su el akkalemye nu sin God; kut lungse pa in oru ou inge. Ke pal se el sun me aksruksruk koluk a kolyai ke sripen oaru lal in alu nu sin God, Jisus el mongfwusesr in muteng a tia torkaskas. El etu la me lain su tuku ke fwal se inge su tia lalalfongi a tia kalem ku in tuku na paye nu selos kemwa su srike in akinsemwomwoye met tulan lalos in “ma mwo in musailosyuk.”

7. Fuka Jisus el akkalemye mongfwusesr, a efu kut enenu in oru pa ou inge?

⁷ Jisus el akkalemye sie oiye mwo ke kutupa inkanek. El tia akkalemye ke kutena pal la wanginla mongfwusesr lal nu sin Jeova, a el sano nu ke pal akpayeyuk akmwuk Lal. (Sam 110:1; Mattu 24:36; Orekma 2:32-36; Hibru 10:12, 13) Sayen ma inge, Jisus el tia akkalemye ke kutena pal la wanginla mongfwusesr lal nu sin met tuma lutlut lal. El fwak nu selos: “Lutlut sik”; meyen el “fwokpap,” me lutlut lal ku in musailosyuk a sang mongle. A meyen el “inse pusisel,” el tia akmekin ku fulang. (Mattu 11:29) Poul el kaifwe kut in etawi oiye inge nu kemwa lun Jisus ke pal se el fwak: “Nunuk se inge in on in komwos, su ouyepa on in Kraist Jisus, su ke el muta in luman God, tia nunku tu ma lal oanu God sie ma in sukok, a el sifwanu akpusisilyel, a nukomang luman sie met kulansap, tu el orekla in luman met.”​—Filippai 2:5-7.

8, 9. (a) Efu kut enenu in orekma in akkapye sie oiye kulang? (b) Efu kut tia enenu in asor fwin kutapal kut tia sun me srikasrak sumwosmwos lal Jisus su el likiye, a fuka Poul el sie me srikasrak mwo ke ma se inge?

⁸ Arulanu fwusesr in fwak la kut lungse in kulansap nu sin kutu met a kut lungse in nunku meet ke ma enenu lalos liki ma enenu lasr. Tusruktu ke sie lutlut oaru ke nunuk lasr ku in akkalemye la insiesr tia insese na paye ke oiye se inge. Efu? Ma se meet, meyen kut usrui oiye lun rapku sel Edam a If; ma se akluo, meyen kut moul ke sie fwal su lungse in akkeye oiye lun rapku. (Efesus 4:17, 18) In akkapye oiye kulang pal nu kemwa ma inge ku in kalmekin la kut akkapye sie kain in nunuk su tia insese ke kena sesumwos lasr. Paenang enenu kaifweung a orekma yok.

⁹ Moul sesumwosmwos lasr su arulanu kalem, su siena liki me srikasrak sumwosmwos su Jisus el likiye nu sesr, kutapal ku in aksupwarye kut. Saap kut mutamwauk in nunku la in srukye kain in nunuk su oanu nunuk lun Kraist tia ku in sikyuk. Tusruktu loang akmwoye nu ke kas in akkeye lal Poul: “Tu Nga etu tu in Nga, in ikuk, ma mwo tia muta lu; tu lungse on yurok, a in oru ma mwo tia on yurok. Tu ma mwo su Nga lungse Nga tia oru, a ma koluk su Nga tia lungse, ma inge Nga oru. Tu Nga engun in ma sap lun God ke insiuk, a Nga liye siena lo in laak, su meuni nu ke lo lun nunkuk, a Nga sruo ka ye ma sap lun ma koluk in su on in laak.” (Rom 7:18, 19, 22, 23) Paye, moul sesumwos lal Poul pal nu kemwa kutongol in oru ma lungse lun God su el lungse in oru, tusruktu oiye lal​—inkanek in nunuk lal a pulakin lal nu sin Jeova a ke ma sap Lal—​arulanu mwo. Kut ku in oru pa ou inge.

Aksumwosye Oiye Koluk

10. Kain in nunuk fuka Poul el kaifwe nu sin met Filippai in akkapye?

¹⁰ Ya oasr enenu nu sin kutu met in aksumwosye oiye koluk? Aok. ma inge arulanu kalem nu sin met Kristian paye ke century se meet. Ke leta lal nu sin met Filippai, Poul el sramsram ke ma enenu in srukye oiye sumwos: “Tia tu Nga sun tari [moul in kosrao ke inkanek lun sifwil moulyuk ke pal sa] ku aksumwosyeyuk tari, a Nga akmwot, Nga fwin ku in eis mao ma Kraist Jisus el eis yu ka. Met lili Nga tia nunku tu Nga sifwanu eis tari; a ma siefwunnu Nga oru: Nga mulkunla mao ma on tokuk, a saplakot nu ke mao ma on meet. , Nga akmwot nu ke nien sun me sang lun pang fulat lun God in Kraist Jisus. Ke ma inge, lela kut nu kemwa su oanu matu tari in ngun, in srukye kain in nunuk inge.”​—Filippai 3:12-15, New World Translation.

11, 12. Ke inkanek puspis fuka Jeova el akkalemye sie nunuk sumwos nu sesr?

¹¹ Kas lal Poul akkalemye la, kutena met, su ekla met Kristian, su tia pulakin ma enenu nu sel sifwanu in kapkapek, el srukye oiye koluk. Kain in met inge el tia srukye nunuk lun Kraist. (Hibru 4:11; 2 Piter 1:10; 3:14) Ya wanginla fwinsrak lun kain in met inge? Mo. God el ku in kasre kut in ekulla oiye lasr kut fwin lungse na paye in oru ou inge. Poul el tafwela in fwak: “A komwos fwin nunuk siena in kutena ma, God el fwa ouyepa fwakak ma se inge nu sumwos.”​—Filippai 3:15.

¹² Tusruktu, kut fwin lungse Jeova in akkalemye nu sesr oiye sumwos, na kut enenu in oru kunokon lasr. Lutlut ke Kas lun God wikin pre, ke kasru lun me rid lun met Kristian su tuku sin “met kulansap oaru a lalmetmet” ku in kasrelos su “nunuk” in akkapye sie oiye mwo. (Mattu 24:45) Met Kristian elder, su pakiyuki sin ngun mutal “in kiteung u lun God,” elos insemwomwo in sang kasru. (Orekma 20:28) Kut arulanu sang kulo na paye meyen Jeova el nunku ke moul sesumwos lasr a el kulang in sang kasru! Lela kut in eis ma inge.

Lutlut Sin Kutu Met

13. Mea kut ku in lotela ke oiye sumwos su tuku ke me sramsram in Baibel kel Job?

¹³ In Rom sapter 15, Poul el akkalemye la in nunku ke me sramsram in pal meeta ku in kasre kut in aksumwosye oiye lasr. El simusla: “Tu ma nu kemwa su simusla meet simla in luti kut, tu ke mongfwusesr a pwarak lun Ma Simusla fwa oasr fwinsrak lasr.” (Rom 15:4) Kutu sin met kulansap oaru lun God in pal meeta, elos enenu in aksumwosye kutu oiye lalos. Ke sie me pupulyuk, in ma nu kemwa, Job el akkalemye oiye mwo. El tia sis kutena ma koluk nu sin Jeova, a el tia lela keok lal ke kutena pal in akmunasye lalalfongi lal nu sin God. (Job 1:8, 21, 22) Fwinne ou inge, el kena in suk sumwos lal sifwanu. Jeova el orekmakin Elihu in kasrel Job in aksumwosye kena lal inge. Job el tia pulakin la Elihu el akpusisilyel, a el inse pusisel in eis ekla ke oiye su eneneyuk a el akola in oru ou inge.​—Job 42:1-6.

14. Fuka kut ku in oanu Job kut fwin eis kai ke oiye lal?

¹⁴ Ya kut akola in topuk oanu Job el oru meet fwin sie met lili Kristian wiesr el fwak nu sesr ke kulang la kut akkalemye sie kena sufwal? Oanu Job, lela kut in tia “kaskou lain God ke lalfon.” (Job 1:22) Kut fwin sun keok ke sripen orekma sesumwos lun kutu met, lela kut in tia torkaskas ku sang meta nu sin Jeova oanu el pa sropon ma upa lasr. Lela kut in tia suk sumwos lasr sifwanu, esam la ke kutena kunokon lasr ke orekma lun Jeova, kut srakna “met kulansap su wangin sripe.”​—Luk 17:10.

15. (a) Kain in oiye koluk fuka kutu sin met tumal lutlut lal Jisus elos oru in pal meeta? (b) Fuka Piter el akkalemye sie oiye mwo?

¹⁵ Ke lusen century se meet, kutu sin met su porongo Jisus elos akkalemye sie oiye sesumwos. Sie pal, Jisus el fwak ma se su arulanu upa nu selos in kalem. Ke sripe se inge, “met puspis sin met tuma lutlut, ke elos long elos fwak: ‘Kas inge upalanu; su fwa ku in long?’ ” Elos nu kemwa su kaskas ou inge akkalemye la oar sie oiye koluk lalos. A oiye koluk lalos kololos in tia porongo Jisus. Me sramsram inge el fwak: “Tokin ma inge met puspis sin met tuma lutlut elos folokla, a tia sifwil oelul fwafwasyesr.” Ya met tumal lutlut nu kemwa elos akkalemye oiye koluk? Mo. Me sramsram inge el tafwela: “Ke ma inge, Jisus el fwak nu sin met siengoul luo: ‘Ya komwos lungsumwos pa in som?’ Saimon Piter el topuk nu sel: ‘Leum kut fwa som nu yurin su?’ ” Piter el sifwanu sang topuk ke kusensiyuk lal: “Kas lun moul ma patpat oasr yurom.” (Jon 6:60, 66-68) Sie oiye mwo na paye pa inge! Ke pal se kut sun me aketeye ku me akmwoye kalem lasr ke Ma Simusla su ke mutamwauk upa nu sesr in kalem ka, ya tia mwo in akkalemye oiye lal Piter? Oiye na lalfon se in tui ke kulansap lasr nu sin Jeova ku in sramsram lain “me srikasrak lun kas sumwos” ke sripen kut tia kalem ke kutu ma ke mutamwauk!​—2 Timote 1:13.

16. Kain in oiye koluk fuka akkalemyeyuk sin met kol lun alu lun met met Ju in len lal Jisus?

¹⁶ Met kol lun met Ju ke century se meet elos tia akkalemye kain in oiye su oasr yurin Jisus meet. Kaifweung na paye lalos in tia porongel Jisus akkalemyeyuk meet ke pal se el akmoulyelak Lazarus liki mise, Nu sin kutena met su oasr oiye sumwos, kain in menmen inge sie me akpayeye la Jisus el supweyukme sin God. Tusruktu, kut ku in rid: “Ke ma inge met tol fulat a met Farisi elos pangonmu un met nununku, a fwak: ‘Mea kut a oru tu met se inge el oru me akul puspis? Kut fwin fulella ou inge, met e nu kemwa fwa lalalfongel, a met Rom elos fwa tuku a eisla an sesr a ouyepa mutanfwal lasr.’ ” Fuka elos aksumwosye ma inge? “Ou inge ke len sa me elos papu tu elos fwa unilye.” Sayen papu lalos in unilye Jisus, elos papu pa in kunausla me akpayeye moul lal Jisus oanu sie met orek menmen. “A met tol fulat elos papu tu elos fwa ouyepa unilye Lazarus.” (Jon 11:47, 48, 53; 12:9-11) Sie me srungeyuk na paye kut fwin srukye kain in oiye se inge a koskosrok ku mulat ke ma puspis su kut enenu in engunkin yok! Aok, sie me sensen na paye pa inge!

Etawi Nunuk Sumwosmwos lal Kraist

17. (a) Ye luma fuka Daniel el akkalemye oiye pulaik? (b) Fuka Jisus el akkalemyel sifwanu oanu sie met pulaik?

¹⁷ Met kulansap lun Jeova elos srukye sie oiye sumwos. Ke pal se me lokwalok lal Daniel elos papu a kutangla in orala ma sap su tia fulela nu sin kutena met in siyuk sie ma sin kutena god ku met, ke len tolngoul, sayen togusra, Daniel el etu la ma sap inge el lain futoto lal nu sin Jeova God. Ya el tia pre nu sin God ke lusen len 30? Mo, el pulaik in tafwela in pre nu sin Jeova pal tulo ke len se, oanu fasin lal. (Daniel 6:6-17) Jisus el ouyepa tia sangeng sin met lokwalok lal. Ke len Sabat se, el osun nu sin mokul se su ul paul. Jisus el etu la met Ju nu kemwa su oasr we elos fwa koskosrok el fwin akkeye kutena met ke len in Sabat. El siyuk selos kusensiyuk se in akkalemyelos sifwanu ma elos pula. Ke pal se elos srunga, Jisus el akkeye mokul sa. (Mark 3:1-6) Jisus el tia fuleak ke kunokon lal ke kutena pal meyen el etu la pa inge ma sumwos su el enenu in oru.

18. Efu kutu met elos lain kut, tusruktu oiye fuka kut enenu in akkalemye ke oiye sesumwos lalos?

¹⁸ Met Lo lun Jeova ke len inge elos akilen la elos ouyepa tia enenu in sangeng ke nunuk koluk lun met lokwalok lalos. Meyen elos fwin oru ou inge, elos tia akkalemye nunuk lun Kraist. Met puspis elos lain Met Lo lun Jeova, meyen elos tia na etu Met Lo lun Jeova a kutu meyen elos srunga Met Lo lun Jeova a peng mwo lalos. Tusruktu lela kut in tia fulela oiye koluk lalos in akkolukye oiye mwo lasr. Lela kut in tia fulella kutu met in sapkin nu sesr ma elos lungse ke inkanek in alu lasr.

19. Fuka kut ku in akkalemye sie nunuk sumwos oanu nunuk lal Jisus Kraist?

¹⁹ Pal nu kemwa Jisus el akkalemye sie nunuk sumwos nu sin met tumal lutlut lal a nu ke akmwuk lun God, fwinne tia fwusesr in oru ou inge. (Mattu 23:2, 3) Kut enenu in orekmakin me srikasrak lal. Paye, met lili wiesr nu kemwa elos sesumwos, oanu kut. A kut a ku in konaok oiye met asrouki mwo a kamwuk oaru fwin tia ke un met lili wiesr fwin fwalu nu fon? Paye Jeova el sonna ase kalem sumwosmwos nu fon ke Kas Lal su simusyukla, tusruktu, su alu misinge su ku in kalem liki kut? Lela kut in srukye nunuk sumwos pal e nu kemwa, nunuk sumwos su oasr yurin Jisus Kraist. Inmaslon ma inge nu kemwa pa, in etu fuka in sano Jeova, oanu ma kut akola in sramsramkin ke me lutlut toko.

[Footnote]

Ya Kom Ku In Aketeye?

• Fuka moul lasr ku in mokleyuk ke oiye lasr?

• Aketeye nunuk lal Jisus Kraist.

• Mea kut ku in lotela ke oiye lal Job?

• Kain in oiye sumwos fuka kut enenu in srukye ye mutun me lain?

[Pictures on page 17]

Sie Kristian su oasr oiye mwo elos suk inganek in kasre kutu met

[Picture on page 19]

Lutlut ke Kas lun God wikin pre ku in kasre kut in srukye nunuk lal Kraist