Moniyuk In Sulkakin Peng Mwo
“Moniyuk in ngunumwos. Orekma nu sin Jeova.”—ROM 12:11.
1, 2. Kain in oiye fuka met Kristian elos kaifweung in srukye oanu met luti lun peng mwo?
SIE MOKUL fwusr el arulanu pwar ke orekma sasu lal. Ke len se meet lun orekma lal, el insemwomwo in sano kas in luti lun leum lal ke orekma. El nunku yok ke kunokon se meet lal a el pwar na paye in oru ma inge. El kaifweung in oru ma nu kemwa ke ku lal.
2 In oupanu, kut nu kemwa su met Kristian kut ku in nunku la kut oanu met orekma sasu inge. Ke sripen fwinsrak lasr pa in moul ma patpat fwin fwalu, paenang fwal pa in fwak la kut tufwanu mutamwauk ke orekma lasr nu sin Jeova. Paye oasr orekma puspis su Jeova el akola nu sesr su ku in oru kut in kafofo nu tok ma patpat. Tusruktu, kunokon se meet su kut eis pa in sulkakin peng mwo lun Togusrai lal nu tok ma patpat. (1 Tessalonika 2:4) Mea pulakin lasr ke kunokon inge su tuku sin God? Oanu mokul fwusr inge, kut lungse in oru ou inge ke ku lasr kemwa, ke moniyuk lasr, a ke insemwomwo lasr—aok, ke pwar nu kemwa!
3. Mea ma enenu in kutangla oanu sie met orekma ke peng mwo?
3 Paye, in srukye nunuk sumwos pal nu kemwa ke ma se inge tia fwusesr. Sayen orekma lun forfor lasr, oasr pa kutu kunokon lasr, kutu ma inge ku in akmunasye ku lasr in mano a pulakin lun insiesr. Kut kaifweung in kurunganang ma puspis nu ke ma inge a in pal se na kut loang mwo ke orekma lun forfor lasr. Aok, ma inge sie ma upa su wangin safla ka a enenu kaifweung pal nu kemwa. (Mark 8:34) Jisus el akkalemye la kutangla lasr oanu met Kristian tuku ke kaifweung lasr na paye.—Luk 13:24.
4. Mea ma upa ke len nu kemwa el oru ke ku lasr in ngun?
4 Meyen oasr orekma puspis su kut enenu in oru, paenang arulanu fwusesr in pulakin totola kutupal. “Nunkalanu fwalu” ku in akmunasye moniyuk a insemwomwo lasr ke orekma lun forfor. (Luk 21:34, 35; Mark 4:18, 19) Ke sripen moul sesumwos lasr, saap kut som liki ‘lungse lasr meet’.’ (Fwakyuk 2:1-4) Kutu ipen orekma lasr nu sin Jeova mutamwauk in munasla tia saok ke nunuk lasr. Fuka Baibel el ase nu sesr kas in akkeye su eneneyuk nu sesr in srukye na moniyuk lasr ke orekma lun forfor?
Oanu “E Su Fururrur” ke Insiesr
5, 6. Fuka nunuk lun met sap Poul ke orekma in luti su etukyung nu sel?
5 Orekma lun forfor su Jeova el ase nu sesr arulanu yok sripe na paye. Met sap Poul el pulakin la orekma in luti ke peng mwo el sie me sang yok, a el nunku kel sifwanu mu sufwal nu ke me sang inge. El fwak: “Nu sik, su srik liki el su srik sin met mwo nu kemwa, etuku tari kulang se inge, tu Nga fwa fwakak nu sin met Pegan ma kasrup lun Kraist su koflanu tuniyuk a akkalemye met nu kemwa ke orekma in ma lukma su mwukla omeet me in God su orala ma nu kemwa”—Orekma 3:8, 9.
6 Oiye sumwos lal Poul ke orekma lun forfor sie me srikasrak mwo nu sesr. Ke leta lal nu sin met Rom, el fwak: “Nga akola in fwakak mwosasu nu sumwos.” El tia mwekin ke peng mwo. (Rom 1:15, 16) El srukye nunuk sumwos a el insemwomwo in oru orekma lun forfor lal.
7. Ke leta lal nu sin met Rom, Poul el sang kas in sensen lain mea?
7 Met sap Poul el akilen me enenu in srukye sie nunuk sumwos a moniyuk, ke ma inge el ekkeye met Kristian fwin an Rom: “Ke alken a tia alsrungesr, moniyuk in ngunumwos. Orekma nu sin Jeova.” (Rom 12:11) Kas Greek inge su langasyukla “muteta wel” ku in kalmekin “alsrungesr, tia moniyuk.” Fwinne kut tia oru muteta wel ke orekma lun forfor lasr, tusruktu, kut enenu in taran ke kutena akul ke alsrungesr in ngun a silaklak in aksumwosye ma inge kut fwin akilen ma inge ke oiye lasr.—Soakas 22:3.
8. (a) Mea ma inge su oanu “e fururrur” ke insiel Jeremaia, a efu? (b) Kain in me lutlut fuka kut ku in lotela ke experience lal Jeremaia?
8 Ngun mutal lun God ku in kasru kut pa ke pal kut mutamwauk in pulakin supwar. Ke sie me pupulyuk, sie pal met palu Jeremaia el arulanu asor a el nunku in tui ke orekma lal oanu sie met palu. El fwak kas inge nu sin Jeova: “A Nga fwin fwak, Nga fwa tia fwakulak, ku sifwil kaskas in el.” Ya sie akul pa inge ke munas lal Jeremaia in ngun? Mo. Ke ma paye, ku lal Jermaia in ngun, lungse lal nu sin Jeova, a moniyuk lal nu ke ma paye sang ku nu sel in tafwela in oru orekma lun met palu. El fwak: “Na oasr insiuk [kas lun Jeova] oanu sie e furrur kaliye in srik, a Nga totola in muteng a Nga koflanu misla.” (Jeremaia 20:9) Tia ma sasu nu sin met kulansap oaru lun God in pulakin asor kais kutu pal. Tusruktu ke pal se elos pre nu sin Jeova ke kasru, Jeova el rid insielos a akola in sang nu selos ngun mutal lal fwin, oanu Jeremaia, oasr ke insielos kas lal.—Luk 11:9-13; Orekma 15:8.
“Nik Komwos Kunela E lun Ngun Mutal”
9. Mea ma inge su ku in kosroila orekma lun ngun mutal in kasru kut?
9 Met sap Poul el fwak nu sin met Tessalonika: “Nik komwos kunela e lun ngun mutal.” (1 Tessalonika 5:19 New World Translation) Aok, kutena orekma a oiye su tia fwal nu ke akmwuk lun God ku in kosroela orekma lun ngun mutal in kasru kut. (Efesus 4:30) Met Kristian ke len inge oasr kunokon lalos in luti ke peng mwo. Kut arulanu akfulatye na paye kunokon inge. Tia me lut nu sesr fwin met nu kemwa su tia etu God elos pilesru orekma in luti lasr. Tusruktu fwin sie met Kristian el pilesru orekma lun forfor lal, ma inge ku in kol nu ke kunela lun e lun ngun mutal lun God.
10. (a) Fuka nunuk lun met tulan lasr ku in orekma nu sesr? (b) Kain in nunuk fulat fuka ke orekma lun forfor lasr akkalemyeyuk in 2 Korint 2:17?
10 Kutu sin met su muta likin congregation saap elos nunku orekma lasr oanu orekma in na kitelik me rid. Kutu met elos tafongla in nunku la kut oru orekma lun forfor sie loom nu ke sie loom in eis me kasru sin met. Kut fwin lela nunuk sesumwos inge in purakak oiye lasr, ma inge ku in akmunasye ku lasr ke orekma lun forfor. Lela kut in tia fulela kain in nunuk inge in orekma in kut, a lela kut in srukye sie nunuk su oasr yurin Jeova a Jisus ke orekma lun forfor lasr. Met sap Poul el akkalemye kain in nunuk sumwos inge ke pal se el fwak: “Tu kut tia oanu met puspis, su kureuk kas lun God, a oanu ke ma paye, a oanu sin God, ye mutun God, kut kaskas in Kraist.”—2 Korint 2:17.
11. Mea ma inge su oru met Kristian kaifweung in moniyuk elos fwinne muta ye kolyai, a fuka me srikasrak lalos orekma nu sesr?
11 Tia pat tokin mise lun Jisus, met tuma lutlut lal fwin an Jerusalem elos sun sie pal in kolyai. Elos eis kas in aksangeng a sapkinyuk nu selos in tui in luti. Fwinne ou inge, Baibel el fwak la elos “tingtinginu ke ngun mutal, a elos pulaik in fwak kas lun God.” (Orekma 4:17, 21, 31) Kas lal Poul nu sel Timote tokin yiu ekasr akkalemye nunuk sumwos su met Kristian nu kemwa elos enenu in srukye pal nu kemwa. Poul el fwak: “Tu God el tia ase nu sesr ngunin sangeng, a ngunin ku, a lungse, a aksumwosye. Ke ma inge, nik kom mwekin ke me fwakak lun Leum lasr, ku keik met prison lal, a kom in keok ke ma upa wi mwosasu, fwal nu ke ku lun God.”—2 Timote 1:7, 8.
Mea Sowemol Lasr nu Sin Met Tulan Lasr?
12. Mea sripe se yok efu kut luti ke peng mwo?
12 In oasr nunuk mwo lasr ke orekma lun forfor, kut enenu in srukye nunuk sumwos. Efu kut luti? Sripe se meet ku in liyeyuk ke kas lun met sim lun Sam: “Met mwo lom [Jeova] elos fwa akinsemwomwoye kom. Elos fwa fwak mwolanu lun togusrai lom, a kaskas ke ku lom, in fwakak nu sin tulik nutin met orekma ku lal, a mwal mwolanu lun togusrai lal.” (Sam 145:10-12) Aok, kut luti in kaksakin Jeova ye mutun met nu kemwa a in akmutalye el ye mutun met nu kemwa. Fwinne met na ekasr pa long kut, oaru lasr in sulkakin peng mwo lun molela sang kaksak nu sin Jeova.
13. Mea ma inge su purakak insiesr in luti kutu met ke fwinsrak lun molela?
13 Kut ouyepa luti ke sripen lungse lasr nu sin met a tu in wangin metasr. (Ezekiel 33:8; Mark 6:34) In kapsreni ma inge Poul el fwakak ke pal se el sramsram kelos su muta likin congregation: “Nga met sowe mol nu sin met Greek a nu sin met Pegan, nu sin met lalmetmet a nu sin met lalfon.” (Rom 1:14) Poul el pulakin la el sowe mol nu sin met in sulkakin peng mwo nu selos, meyen pa inge lungse lun God “tu met e nu kemwa in moliyukla.” (1 Timote 2:4) Ke len inge, kut pulakin pa kain in lungse se inge a kunokon nu sin met tulan lasr. Lungse lun Jeova nu sin met nu kemwa moklel lan supwemu Mwen nutul nu fwalu a in mise kalos. (Jon 3:16) Sie orekma yok pa inge. Kut etawi lungse lun Jeova ke pal se kut orekmakin pal a kaifweung in fwakak nu sin kutu met ke peng mwo lun molela su tuku ke me kise lun Kraist.
14. Fuka Baibel el aketeye fwalu su muta likin congregation lun met Kristian?
14 Met Lo lun Jeova elos nunku ke kutu met su akola in ekla met lili Kristian wielos. Kut enenu in luti ke pulaik, aok inkanek in luti lasr enenu in fwal a tia akkoskosrokye met. Aok, Baibel el orekmakin kas upa ke pal se el sramsram ke fwal inge. Kas se inge “fwalu” Poul el orekmakin ke pal se el sramsram ke “lalmetmet lun fwal se inge” a “lung lun fwal” se inge.” (1 Korint 3:19; Taitus 2:12) Poul el ouyepa akismakinye met Kristian fwin an Filippai la elos fwin “fwasr tokin inkanek lun fwal se inge,” elos “mise” in ngun. (Efesus 2:1-3) Kas se inge a kutupa kas su oanu kas lun met sap Jon: “Fwalu nu fon on in ma koluk.”—1 Jon 5:19.
15. Fwin ke kais sie met su muta likin congregation lun met Kristian, mea kut tia oru nu selos, a efu?
15 Aok, esam la, kain in kas inge el sramsramkin fwalu se su srunga God, a tia nu sin kais sie met. Met Kristian nu kemwa tia oru nununku la fuka kais sie met fwa long ke orekma in luti. Wangin ku lalos in akkalemye su goat inmaslon kais sie met. Tia ma lasr in fwak mea e fwa sikyuk ke pal se Jisus el tuku in srelik “goat” liki “sipu”. (Mattu 25:31-46) Jisus pa met nununku su pakiyuki; a tia kut. Sayen ma inge, experience puspis akkalemye la kutu sin met su arulanu koluk oiyelos ku in eis kas lun Baibel, a ekulla oiyen moul lalos, a ekla met Kristian paye. Ke ma inge, fwinne kut tia suk in asrouki nu sin kutu met, tusruktu kut tia srunga in sramsram nu selos ke fwinsrak ke peng mwo lun Togusrai fwin oasr pal mwo lasr in oru ou inge. Ma Simusla el sramsram ke met su sonna lalalfongi tusruktu, “pakiyuki nu ke moul.” Elos ekla met lalalfongi tok. (Orekma 13:48) Kut tia ku in fwak na paye su met inge su sulusulla ke an su kut sang ma lo nu we—saap pal puspis. Ke kut nunku ou inge, kut osun nu sin met nu kemwa su sonna eis kas lun molela ke “fwokpap” a “sunak lulap,” a fwinsrak la kutu met inmaslosr ku in porongo pa nu ke kas in molela.—2 Timote 2:25; 1 Piter 3:15 NW.
16. Mea sripe se efu kut lungse in akkapye “usrnguk lasr in luti”?
16 In akkapye ku lasr oanu met luti ku in akmwoye engun lasr in sulkakin peng mwo. Ke sie me pupulyuk: “Sie sritel fwinne mwo tia ku in purakak insien sie met su nukin in sritel ka. Tusruktu nu sin met su etu na paye in sritel ka, sie me insemwomwo na paye nu sel. In oupanu, met Kristian su akkapye “usrnguk lal in luti” engun lal ke orekma lun forfor yokyokelik. (2 Timote 4:2; Taitus 1:9) Poul el kai Timote: “Kom in akkeye kom tu God lan liye kom mwo, sie met orekma su tia enenu in mwekin, su orekmakin sumwosna kas lun God.” (2 Timote 2:15) Fuka kut ku in akyokye ku lasr in luti?
17. Fuka kut ku in akkapye “kena” lasr ke etauk ke Baibel, a fuka kain in etauk inge akinsemwomwoye orekma lun forfor lasr?
17 Sie inkaneku pa in esani kutupa etauk sumwos ke etauk paye su oasr yurosr tari. Met sap Piter el akismakinye kut: “A oanu tulik tufwa isusla, komwos in lungse titi lun ngun su tia oasr kutasrik ka, tu komwos in kapek ka nu ke molela.” (1 Piter 2:2) Sie awowo su ku in mano el lungse titi pal nu kemwa. Tusruktu, saap sie met Kristian el enenu in “akkapye lungse” ke etauk su tuku ke Baibel. Ma inge ku in orek ke inkanek in akyokye oiyen lutlut a rid mwo. (Soakas 2:1-6) Kaifweung a kai sifwanu eneneyuk kut fwin lungse in ekla met luti usrnguk ke Kas lun God, tusruktu oasr me insemwomwo puspis su tuku ka. Me insemwomwo su tuku ke lutlut ke Kas lun God ku in oru kut in moniyuk ke ngun lun God, akola in sulkakin nu sin kutu met ma kut lotela tari.
18. Fuka meeting lun met Kristian kasru kut in orekmakin kas lun ma paye ke inkanek sumwos?
18 Meeting lun met Kristian pa siepa me kasru yok nu sesr in orekmakin Kas lun God ke usrnguk. Ke pal se fus in Baibel ridiyuk ke pal in sramsram ke Ma Simusla, arulanu mwo kut fwin ikasla pa a rid Baibel nutusr. Sie inkanek lalmetmet in loang mwo ke me sramsram nu kemwa ke pal in meeting, yokna ke me sramsram su oasr ip yok ke orekma in luti lasr. Lela kut in tia pilesru me kasru yok su tuku ke me srikasrak lun met su orala luma mwo in oru orekma lasr, oanu kut lela nunuk lasr in forfor. Aok, in sifwanu kai a in loang mwo eneneyuk. (1 Timote 4:16) Meeting nu kemwa lun met Kristian me musaiyuk lalalfongi lasr, kasre kut in akkapye kena lasr ke Kas lun God, a sang akpa nu sesr in ekla met fwakelik mwo ke peng mwo.
Kut Ku in Lalalfongi Kasru lun Jeova
19. Efu orekma in wi pal nu kemwa ke orekma in luti arulanu yok sripe?
19 Met Kristian nu kemwa su “moniyuk in ngunalos” a insemwomwo in sulkakin peng mwo elos kaifweung in pal nu kemwa in wi ke orekma lun forfor. (Efesus 5:15, 16) Paye luma a ma sikyuk nu sin kais sie met tia oanu sie, a met nu kemwa tia ku in orekmakin lupan aur siefwunnu ke orekma lun forfor in molela met. (Galetia 6:4, 5) Fwinne ou inge, sramsram lasr pal nu kemwa nu sin met ke fwinsrak lasr yok liki lupan pal su kut orekmakin ke orekma in luti. (2 Timote 4:1, 2) Kut fwin luti pal nu kemwa, pwar lasr ke orekma saok se inge yokyokelik. (Rom 10:14, 15) Pakoten lasr a nunuk yok nu sin kutu met fwa kapkapek pal nu kemwa kut osun nu sin met fwokpap su tung a mongi a wangin fwinsrak la.—Ezekiel 9:4; Rom 8:22.
20, 21. (a) Kain in orekma fuka kut srakna enenu in oru ke pal fwasru? (b) Fuka Jeova el akkeye kaifweung lasr?
20 Jeova el filiye nu in paosr peng mwo inge. Pa inge kunokon se meet su kut eis sel oanu met “orekma yurol.” (1 Korint 3:6-9) Kut arulanu pwar in akpayeye kunokon inge su tuku sin God ke insiesr kemwa, a ke ku lasr kemwa. (Mark 12:30; Rom 12:1) Srakna oasr met mwo puspis fwin fwalu su musrensralkin ke ma paye. Srakna oasr orekma yok su enenu in orek, aok kut ku in lalalfongi Jeova ke kasru ke kut oru ma kunesr ke orekma lun forfor.—2 Timote 4:5.
21 Jeova el ase nu sesr ngun mutal lal a akkeye kut ke “kutlas lun ngun,” pa Kas lun God. Ke kasru lal kut ku in ikasla oalusr “in pulaik in fwakak ma lukma in mwo sasu.” (Efesus 6:17-20) Lela kas lun met sap Poul nu sin met Kristian fwin an Tessalonika in fwal pa nu sesr: “Fuka mwosasu lasr tia tuku nu yuromwos in kas mukena, a ouyepa in ku a in ngun mutal, a in arulanu etu.” (1 Tessalonika 1:5) Aok, lela kut in sulkakin peng mwo ke insemwomwo!
Sie Kalweni Futoto
• Ke sripen ma upa lun moul, mea ku in sikyuk nu ke moniyuk lasr ke orekma lun forfor?
• Ke inkanek fuka kena lasr in sulkakin peng mwo oanu “sie e furrur” ke insiesr?
• Kain in nunuk sesumwos fuka ke orekma lun forfor lasr kut enenu in fwasr liki?
• Ke inkanek yok, oiye fuka kut enenu in akkalemye nu selos nu kemwa su tia wi kut ke lalalfongi?
• Fuka Jeova el kasru kut in srukye moniyuk lasr ke orekma in luti?
[Pictures on page 19]
Met Kristian elos etawi moniyuk lal Poul a Jeremaia
[Pictures on page 20]
Kaifweung lasr ke orekma lun forfor mokleyuk ke lungse lasr nu sin God a nu sin met tulan lasr