Ya Devil El Ku In Oru Kut In Mas?

MAS TIA ENENU IN OASR KE KUTENA PAL. God el orekutla in moul ma patpat ke sie mano fukoko. Sie ma orekla in ngun in pal meeta, pa Setan, oru sou nu kemwa lun met in mas, ngal, a mise ke pal se el kolla papa a nine se meet kiyesr, Edam a If nu ke ma koluk.​—GENESIS 3:1-5, 17-19; ROM 5:12.

YA kalmen ma inge pa mas nu kemwa tuku ke akmwuk lun ngun fokfok? Oanu ma akkalemyeyuk tari ke me lutlut somla, met puspis misinge elos nunku ou inge. Nine matu kiel Owmadji el lalalfongi ou inge. Tusruktu, ya mas lal Owmadji pangpang diarrhea​—sie kain in mas su kutupal uniye tulik puspis su muta ke an tropics—​tuku na paye ke ngun fokfok?

Ip Lal Setan

Baibel el sang topuk kalem ke kusensiyuk inge. Ma se meet, el akkalemye la ngun lun sou lasr su mise tari tia ku in oru kutena ma nu sin met moul. Fwin sie met el mise el “tia etu kutena ma.” Wangin ngun su som liki manolos ke pal in mise. Elos motul in kalyuk, an se su “wangin orekma, ku ma kineuk, ku etauk, ku lalmetmet we.” (Ekklisiastis 9:5, 10) Wangin inkanek lun met mise ku in sang mas nu sin met moul!

Tusruktu, Baibel el akkalemye la oasr ngun fokfok na paye. Pal se emeet in sikyuk in oasr met lain in kosrao a fwalu tuku sin sie ma orekla in ngun su ke pal inge eteyuk mu Setan. Oasr kutu ngun su welulla a elos inge pangpang demon. Ya Setan a demon lal pa srupon mas u? Ma inge sikyuk tari. Oasr kutu menmen lun Jisus orek in sang sisla dimon. (Luk 9:37-43; 13:10-16) Tusruktu, pus menmen lun Jisus orek in akkeye met mas tia tuku sin dimon. (Mattu 12:15; 14:14; 19:2) Oupanu ke len inge, in fwal nu ke akmwuk, mas u tuku ke pathogens ku wet srisrsik, a tia tuku ke ku lun dimon.

Fuka Setan El Orekma?

Nu ke kutena ma sikyuk, inmaslon Setan a metu nu ke amwuk lun mas nu sin met, sikyuk na paye ke sripen el srifwela seanyen se meet, a elos putatla nu in ma koluk. Setan a dimon lal elos tia sropon mas a me keok nu kemwa ke pal nu kemwa. Tusruktu, Setan el srike pal nu kemwa in mokle kut in oru sulela koluk a fuleak lalalfongi lasr, su ku in kol nu ke akkolukyela manosr. El tianu orek inutnut, akmas, ku in akkolukyel Edam a If ke mas. A, el akkeyel If el an seakos God, a Edam el an fwasr tokol ke inkanek lun seakos. Mas a mise pa fwokin ma inge.​—Rom 5:19.

Nine matu kiel Owmadji el srike in kaifwel Hawa in orekmakin me walwal a fetishes in me kurunginyen mas. Mea ku in sikyuk fwin Hawa el oru ou inge? El akkalemye la wangin lalalfongi lal na paye nu sin Jeova God, a el tia sifwil lalalfongi ke kurunginyuk lal.​—Exodus 20:5; Mattu 4:10; 1 Korint 10:21.

Sie me sruf na paye kut fwin nunku pal nu kemwa mu oasr ip lun ngun fokfok ke kutena mas su sun kut. Ma inge ku in aksangengye kut ke ngun fokfok. Na, kut fwin weak mas, saap kut srike in akfwusesrye dimon liki na in fwasr liki in tia lalalfongi. Fwin Setan el ku in srifwekutla nu ke orekma lun inutnut, na ma inge e paenang silalalfongi lasr nu sin God paye, Jeova. (2 Korint 6:15) Kut enenu in akpayeye sangeng wi akfulat nu sin God, a tia sangeng wi alialu nu sin Met Lokwalok lal.​—Fwakyuk 14:7.

Sripe Puspis lun Mas

Apkurun met nu kemwa in tia lalalfongi ke ngun. Ke pal elos mas elos som nu yurin taktu​—fwin oasr mani lalos. Paye, sie met mas el ku in som nu yurin taktu tusruktu, tia ku in kela. Taktu el tia ku in orek menmen. Tusruktu, met alialu pispis su ku in kela elos som mukena nu yurin taktu fwin patla tari. Elos srike orekma a ono lun met inutnut meet, a elos fwin tia kela na elos som nu yurin taktu suk inkanek in kasru safla. Pukanten selos mise ke sripen soaru.

Kutu sin met u sa mise ke sripen seakos. Elos tia loang nu ke mas u a elos tia etu mea elos enenu in oru in kosroela mas u. Eis etauk el ku in kasru sie met in fwasr liki me keok puspis su tia enenu in sikyuk. Kut ku in liye la nine puspis su yok etauk lalos oru tia fwusesr tulik srisrik nutulos in mise ke sripen mas, tia oanu ma sikyuk nu sin nine puspis su nukin. Aok, suoaru wikin pilesru arulanu sensen nu ke moul.

In moulkin pilesru el siepa srupon mas. Ke sie me pupulyuk, met puspis elos mas meyen elos tia liyeang loang liki mongo nelos meet liki elos kang ku meyen el su orek mongo el tianu ola paol meet liki el oru ou inge. Fwin nu ke ku lun mano, pal nu kemwa arulanu mwo soakas se inge “sie ounce lun taran mwo liki sie pound lun ono.”

Ke sripen oasr sie akmwuk sesumwos oru million puspis sin met elos mas a mise tia loes moul la. Nimnim alcohol in sruila alukela ma fwal, orekma lun kosro, orekmakinyen ono koluk, orekmakinyen tobacco a chew paip kunausla monin met puspis. Fwin sie met el pala in orekmakin ma inge ne masek, ya fwal in fwak mu met se entoella ku oasr ngun fokfok akkolukyel? Mo. El sifwanu pa oru in oasr mas lal. Sie met el fwin sang meaten mas lal nu ke ngun fokfok el akkalemye la el srunga in fwakyuk mu el pa paenang ma koluk inge sikyuk.

Me Kasru Ma Patpat

Mas u tia ma sin God me. “God el tia srifweyuk ke ma koluk a ouyepa el tia srifwe kutena met.” (Jemes 1:13) Aok, oasr pakoten lun God. El lungse kasru, a tia akkeokye kut.

Paye la, oasr me kasru lun Jeova in akwanginyela mas nu tok ma patpat​—ke mise a sifwil moulyuk lun Jisus. Ke inkanek lun me kise lun Kraist el oanu sie lango, met sesumwos nu kemwa elos fwa moleyukla liki moul sesumwos lalos a elos fwa eis mano sumwosmwos a moul ma patpat ke sie paredais fwin fwalu. (Mattu 5:5; Jon 3:16) Menmen lun Jisus el oanu sie pitse nu ke orekma in akkeye la met mas su Togusrai lun God fwa oru. God el e ouyepa kunausla Setan a dimon lal. (Rom 16:20) Paye, oasr ma sakuruk puspis lun Jeova su akoeyuk nu sin met nu kemwa su akkalemye lalalfongi lalos nu sel. Kut enenu in mongfwusesr a muteng.

Ke pal inge, God el use lalmetmet a me kolyuk lun ngun ke inkanek lun Baibel a ke inkanek lun un met lili oaru su alu nu sel fwin fwalu nu fon. El akkalemye nu sesr ke oiye fuka kut ku in oru in fwasr liki orekma koluk su ku in orala ma upa nu ke mano. A el ase nu sesr akmwuk paye su ku in kasru kut ke pal in ma upa.

Mea sikyuk nu sin tulik srisrik se inge Owmadji? Nine kiel a el esam sie me lutlut ke Awake! sie magasin su wi panu Tauer In San, el aketeye ke oral rehydration therapy.a El orekmakin me kasru su oasr ka, el orala ono nimel Owmadji. In pal inge tulik srisrik se inge el kela a kui in mano.

[Footnote]