Mea Ma Sikyuk Nu Sin met fwusr?
PENG mwo ku peng koluk—piye ke ma luo inge kom lungse in long meet? Fwin kusensiyuk inge elos oru nu sin met, pal nu kemwa elos lungse in long peng koluk meet meyen elos fwinsrak la elos fwin long peng mwo ma inge e ku in onnu ke nunuk lalos.
Kut fwin lungse in tuni ma sikyuk nu sin met fwusr, na kut enenu meet in tuni ma sikyuk ke pal inge. Apkurun met matu nu kemwa elos fwak la met fwusr misinge tia oanu sie ke met fwusr in pal meeta. Ke sripe se inge, met fwusr puspis elos supwar ke kutena ma su elos akilen nu sin met su akkalemye la elos sufwal nu ke akmwuk lun met fwusr in pal meeta. Fwinne ou inge, met lalmetmet su tuni mokuikui lun metu elos insese la met fwusr ke len inge elos siena liki met fwusr in pal meeta.
Fuka Lupan Ma Tia Oanu Sie Inmaslolos?
Fwinne apkurun met nu kemwa elos nunku la met fwusr nu kemwa enenu in oasr oiye mwo, in pulakin la oasr kunokon lalos, a in akkalemye sunak nu sin kutu met, tusruktu ke ma paye ma inge nu kemwa met fwusr elos tia oru. Fwal nu ke survey ke sie newspaper inge fwin an London pangpang The Independent, el fwak la, met fwusr elos “akkapye sie kain in ‘ngun koluk lain sie fwalu su tia kasrelos.” Kain in “ngun sasu in lain” inge akkalemyeyuk ke sie lutlut su elos konaok su akkalemye la met fwusr puspis elos srunga in eteyuk oanu sie “met lalmetmet a ku in eis kunokon.” Elos sulela in eteyuk oanu “met lemnak a upa in etu oiyeltal.”
Ke sie me pupulyuk, in an Britain, sie report ke orekma silolel el fwak—apkurun orekma silolel nu kemwa orekla sin met fwusr—arulanu kapek ke pal siengoul inmaslon 1950 nu ke 1993. Kapek ke orekmakinyen ono koluk a alcohol oanu sie ke kapek lun orekma silolel. In pal se na, oanu The Times lun an London el fwak, apkurun mutanfwal lulap nu kemwa elos pula a liye “kapek yok lun pisen met fwusr su oasr mas ke nunuk mutamwauk ke Meun Lulap Akluo.” Fwal nu ke kas lal David J. Smith, sie professor lun criminology, kain in mas inge ke nunuk “tia tuku ke sripen oasr ma tula nu selos ku ke sripen yokyokelik ma lalos ke kutena inkanek.” Lutlut ke ma se inge akkalemye la yokyokelik srelik inmaslon met fwusr a met matu ke len inge.
Tulik srisrik a met fwusr misinge elos sun me fosrnga yok. News puspis ke sifwanu uniye, elos su srike ma inge a elos su kutangla in oru ou inge, arulanu pengpeng. Orekma lun tulik srisrik su 12 matwe in sifwanu uniye el kapek ke pal luo ke lusen yiu siengoul na, pa inge report lun Scotland’s Glasgow Herald. Tulik srisrik su matu kutu elos lela me asor in kololos ke inkanek senpanu. Sifwanu uniye su elos srike in oru pa inge fwokin mas ke nunuk lun met fwusr su sang me sensen in akwanginye sripen kaifweung lun kutu met in kasrelos,” newspaper se inge el fwak.
Su Fwal in Eis Meta?
Arulanu fwusesr nu sin met matu in sang meta nu sin met fwusr ke “nunuk sesumwos” lun met fwusr. Tusruktu ke ma paye, ya tia fwal in fwak la met matu pa enenu in eis meta ke ma sikyuk nu kemwa nu sin met fwusr misinge? Me purakak koluk, pilesru in oru kunokon lun papa a nine, wangin me srikasrak mwo su met fwusr elos ku in lalalfongi ma inge nu kemwa sropon oiye koluk lun met fwusr. “Me asor yok su oasr yurin met puspis oanu sie ke ma sikyuk ke yiu 30 somla,” Professor Sir Michael Rutter el fwak, el pa met kol ke Britain’s Medical Research Council Child Psychiatry Unit. “Tusruktu,” el fwak, “me asor yok su sikyuk inmaslon met fwusr arulanu yokyokelik . . . wangin alollo la musalla lun sou puspis pa srupon ma inge; tia ke sripen divorce mukena, wikin ma inge pa amei a wangin insese inmalon met matu.”
Sie met luti el fwak la met fwusr elos “srunga fasin lun met in pal meeta.” Efu? Meyen fasin inge tia orekla in kasrelos. Tuni me srikasrak ke oiyen mokul a mutan kut fwin sramsram ke fasin. Mutan fwusr puspis elos insese ke oiye pengpeng lun mokul in akkalemye ku a orekma silolel, tusruktu mokul fwusr puspis elos ekla tu in tia ou inge. Fuka oiye se inge siena liki fasin lun met in pal meeta!
Ke congregation puspis lun Met Lo lun Jeova fwin fwalu nu fon su pus liki 80,000, kom ku in konaok met fwusr puspis su kom ku in kaksakin. Elos loang nu ke kas in kai lal Poul nu sel Timote su srakna fwusr, el kaifwe nu sel in “oru mwo, in kasrup in orekma mwo, in akola in kite me kulang, a me pakomuta, elosak nu selos sifwanu sie pelung mwo nu ke pal se su e fwa tuku, tu elos fwa ku in srukye moul ma patpat su moul paye.
[Picture on page 4]
Musaiyuk “sie pelung mwo nu ke pal se su e fwa tuku”