Kurunganang Tulik Tu Elos in Nasnas ke Oiyen Moul Lalos Ya Ku In Srakna Oru Ou Inge?
KUT moul misinge ke sie fwal su arulanu upa in akilen ma puspis, ke kain in fasin puspis, su wangin akmwuk na paye ke oiyen moul nasnas,” pa inge Robert Glossop lun Vanier Institute for the Family in an Ottawa, Canada el fwak. Mea fwokin ma inge? Sie report lun newspaper inge The Toronto Star el fwak: “Putete lun met fwusr, orekma silolel lun met fwusr a sifwanu uniye arulanu yokyokelik.”
Ma upa inge el fwasr na alukela liki an North America. Bill Damon, sie director lun Center for Human Development ke Brown University fwin an Rhode Island, U.S.A., el lutlut ke kain in ma upa puspis inge fwin an Britain a kutu an fwin an Europe, wekunang an Australia, Israel, a Japan. El srusrngiye munas lun alu, loom lutlut, a kutu u a in sang kasru nu sin met fwusr. Fasin lasr, oanu el lalalafongi, “el tia loang nu ke ma met fwusr elos enenu tu elos in ku in oakiye sie kain in oiye mwo a fwal.” El sromon met lalmetmet puspis su sang kai ke sou su luti la “kai nu sin met fwusr sie me sensen ke mano a ke moul lal,” Damon el fwak la pa inge “sie recipe in akkapye sie tulik seakos ke lungse lalos sifwanu.
Mea ma inge su met fwusr misinge elos enenu? Elos enenu akpa mwo ke inkanek lun lungse su ku in aksumwosye nunuk a inse. Kais sie met fwusr, elos enenu kai su fwal nu sin kais sie selos. Fwin ma inge tuku ke lungse, pal nu kemwa sie kai ku in akkalemye ke inkanek lun kas. Ke ma inge Soakas 8:33 el fwakak nu sesr in “long kai.” Aok, kutupal, kutu tulik tia ku in “aksumwosyeyuk ke inkanek lun kas.” Nu selos su ou inge, kai fwal nu sin tulik seakos inge, enenu in akkalemyeyuk ke inkanek yok, fwin eneneyuk. (Soakas 17:10; 23:13, 14; 29:19) Ke pal se ma el kai ou inge, Baibel el tia kaifwe nu sin sie met in sringilye tulik nutulos ke pal se ma elos mulat na upa, ku sang anwuk upa, su ku in oru tulik in musalla. (Soakas 16:32) A, sie tulik el enenu in etu efu el enenu in eis kai ku aksumwosyeyuk a elos enenu in akilen la papa a nine elos oru ou inge meyen elos lungse el.—Srike liye Hibru 12:6, 11.
Kain in kai mwo a kai fwal inge su tuku ke Baibel akkalemyeyuk ke buk inge The Secret of Family Happiness.