Amakunak “kof loal”

SIE SOAKAS LUN BAIBEL el fwak: “Papu insien metu oanu kof loal, a met etauk fwa amakunak.” (Soakas 20:5) In pal meeta arulanu upa in ut kof, upa liki inkanek in ut kof lun met puspis misinge. Ke pal se ma Jisus el sramsram nu sin mutan Samaria, el ut kof ke lufin kof lal Jekob, sie luf loal su oasr ke feet 75!​—Jon 4:​5-​15.

Oanu Soakas 20:5 el akkalemye, liyaten eneneyuk tu in etu koanon nunuk a pulakin lun insien sie met oanu kaifweung lun sie met tu lan ku in ut kof ke sie luf. Ma inge arulanu paye ke inkanek lun moul nu kemwa. Ke sie me pupulyuk, saap kom etu kutu met su ke lusen yiu puspis elos akyokye lalmetmet lalos a experience. Fwin met inge nu kemwa tia akola in sang kai fwin kom tia siyuk nu selos, na saap kom enenu in amakin ma inge ke kas pupulyuk. Ke inkanek lom in akkalemye pwar, ke kom siyuk kusensiyuk, a ke kom eis me akpayeye ke ma inge ke inkanek kulang, na kom ku in eis ma inge, oanu kom fulela bucket lom nu ke luf loal lun lalmetmet.

Kai su oasr in Soakas 20:5 arulanu fwal pa ke moul in sou. Pal puspis, kut ku in long kas inge nu sin mutan puspis: “Mokul tumuk el tia fwak nu sik ma el pula ku nunku!” Sie mokul tuma saap el ku in fwak: “Mutan kiuk el tia tui ke kaskas nu sik!” Ke kain in luma a ma sikyuk inge, liyaten eneneyuk, kut fwin lungse in etu ma oasr ke insien mutan kiesr ku mokul tumasr. Kain in kusensiyuk kulang inge (ya oasr kutena ma upa su sikyuk nu sum ke len inge? Mea sikyuk? Fuka Nga ku in kasru kom?) pal nu kemwa ku in kol nu ke sramsram mwo su tuku ke inse inmaslomwos. Fwin kain in liyaten inge akkalemyeyuk na me kapur ke payuk arulanu akkeyeyuk, a ma inge sang ma lane nu sin mokul tuma a mutan kie.