Kahs in Muhtwacwacack nuhke Section 14

Mwet Christian in pacl meet ah fahkwack pweng ke Tohkohsrahi nuhke acn loeslacna. Jesus el fahk nuh seltahl lah eltahl ac fah fahkwack oyac, ac el sang kuh nuh seltahl in kahskahskihn kain in kahs pucspucs ma mwet uh kahskahskihn tuh eltahl in lotweltahl. Jeova el sang puhlaik ac kuh nuh seltahl tuh eltahl in tu na kuh ke mwe kalyei upac.

Jesus el sang nuh sel mwet sap John aruhruhma se ke wolacna luhn Jeova. Ke sie pac aruhruhma sahyac, John el liye lah Tohkohsrahi inkuhsrao kuhtanguhllah Satan ac ahksahfyelah kolyuck lal nwe tok ma pahtpaht. John el liye lah Jesus el kol oacna sie Tohkohsrah ac mwet 144,000 suc weluhl kol. John el liye pac lah facluh nohfohn eklac nuhke sie pacruhtais, ac mwet nuhkewa alu nuh sin Jeova in mislac ac inse sefanna.