Kahs in Muhtwacwacack nuhke Section 7

Ke section se inge kom kuh in riti ke ma sikyak ke moul lal Tohkohsrah Saul ac Tohkohsrah David, ma oasr ke yac 80. Ke muhtwacwaciyen kolyuck lal Saul, el puhsisacl ac sahngweng sin God. Tuhsruhktuh, el eklac ac el sruhngaclah in ahkos masap luhn Jeova. Jeova el pihlesracl, ac tukun kuhtuh pacl el sapkihn Samuel in mosrwellah David tuh elan tohkohsrah toko luhn Israel. Saul suc arlac sok, el srihke in unilyac David ke pacl puhs, ne ohinge David el tiacna fohlohksahk. Jonathan, tuhlihk mukul se nahtuhl Saul el etuh lah Jeova el sulacllah David, pwacnacng el oaru nuh sel. David el oraclah kuhtuh ma koluk upac, ne ohinge el tiacna pihlesruh kai luhn Jeova. Kom fin sie pahpah kuh ninac, kahsruh tuhlihk nuhtum in liye yohk srihpaciyen ahkos ac ukwe oakwuck luhn Jeova pacl nuhkewa.