Meac Se Inge Lutlut luhn Sucu?

Emeet me na, Jeova el luhngse sucu nuhkewa in oraclah pacl laltahl in tuhkweni ac ahkkweye fototo laltahl nuh sel ac nuh sin sie sin sie. (Deuteronomy 6:6, 7) Pa inge srihpac pwacnacng Mwet Loh luhn Jeova uh oraclah pacl ke kais sie wik in tuhkweni ke sucu laltahl ac oruh lutlut laltahl uh. Ke kain in pacl wo inge, eltahl tuhkweni sramsramkihn mwe kahsruh ma fal nuh ke enenuh laltahl in fototo nuh sin Jeova. Kom finne muhkwena, kom kuh in ahksacohkye kain in pacl wo inge in fototoyang nuh sin God ke kom sulaclah sie sifac ma kom ac luhngse orekmakihn ke lutlut Bible lom sifacna.

Pa inge sie pacl in fototoyang nuh sin Jeova. “Kaluckyang nuh yurin God, ac El ac fah apkuhranwot nuh yuruwos.” (James 4:8) Ke kuht etwaclah kais kuhtuh ma srihsrihk ke ohiyacl ac orekma luhn Jeova ke Kahs lal in Bible, yohkwelihk etwacack lasr kacl uh. Sie inkacnek fihsracsr in muhtwacwacack ke lutlut luhn sucu lom uh pa in orekmakihn kihtin pacl in tuhkweni inge in lihksreni riti Bible an. Sahp, komtacl kuh in ukwe oakwuck in rit Bible ke toeni inge Moul in Christian ac Orekma in Luti ke wik nuhkewa.

Pacl wo se nuh sin kais sie mwet ke sucu an in fototoeni nuh sie. Mukul tuhma ac muhtwacn kiyac, wekuhnacng pahpah, ninac ac tuhlihk, eltahl ahkfototoye inmahsrloltahl nuh sin sie sin sie ke pacl ma eltahl tuhkweni lutlut ke Bible ke sucu laltahl uh. Ma inge enenuh in sie ma mwet nuhkewa engan kac, sie pacl mihslac ma mwet nuhkewa rahrahlac nuh kac ke kais sie wik. Wiwi na matwacn tuhlihk, pahpah ac ninac eltahl kuh in sulaclah sihfac ma wo in sramsramkihnyuck, sahp kais kuhtuh ip ke Tower in San, kuhtuh mwe rit sahyac kuh ke website se lasr inge jw.org. Komtacl kuh in sramsramkihn sie ma upac ma tuhlihk nuhtumtacl an sun ke acn in lutlut ah, lah el ac muhtwacnglah fuhkah. Komtacl kuh in tuhkweni liye sie program ke JW Broadcasting (tv.jw.org) ac sramsramkihn tukun tari. Sahp komtacl ac luhngse ahkolah ke on ma ac onkihnyuck ke toeni uh ac oruh kihtin mongo muhlahlah tukun lutlut luhn sucu lomtacl uh.

Pacl na sacohk se ma orekmakihnyuck ke kais sie wik in tuhkweni alu nuh sin Jeova inge ac fah kahsruh mwet nuhkewa ke sucu uh in engankihn lutlut laltahl ke Kahs luhn God. Jeova el ac fah arlacna ahkinsewowoye kwacfeacng lomtacl uh.​—Psalm 1:1-3.

• Efuh kuh kuht oraclah pacl nuh ke lutlut luhn sucu?

• Pahpah ac ninac ac oruh fuhkah mwet nuhkewa ke sucu uh in engankihn pacl in lutlut laltahl uh?