MWE LUTLUT 9
Piyac Inkacnek Ma Wo Emeet Kuht In Ahkolah Nuh Ke Toeni Uh?
Cambodia
Ukraine
Kom fin lutlut Bible yurin sie Mwet Loh luhn Jeova, kahlwem lah kom arlac kwacfeacng in ahkolah meet liki pacl in lutlut lomtacl uh. Ac arlacna wo pac kom fin oruh ma inge meet liki kom wi ke toeni luhn congregation uh. Puhs ma wo ma tuhkuh ke kuht pahlah in oruh ma inge.
Konwacack pacl ac acn ma wo kom in oruh ahkolah lom an. Piyac pacl se ma wo emeet nuh sum in lohacng ahkwoyac nuh ke ahkolah lom uh? Toang na ke lututacng meet liki kom muhtwacwacack oruh orekma lom ke lwen se kuh ke ekuh tukun tuhlihk uh mutullac tari? Kom finne tiac kuh in oruh lutlut kuh ahkolah lom ke lusen pacl loeloes se, oakiyac lusen pacl ma kom ac kuh in orekmakihn in oruh ma inge. Tiac lwelah kuhtwena ma in ahkkulukye kuh tulokihn kom. Som nuh ke sie acn ma mihs an ac konelah ma nuhkewa ma ac kuh in ahkkulukye lohacng lom an, oacna radio, tv, cell phone, kuh kuhtwena mwe sritacl on. Kom fin puhruhe meet liki kom oruh lutlut kuh ahkolah lom an, ma inge ac kahsre kom in ahkmwesahsye nuhnak lom liki mwe elyah pucspucs ac in lohacng nuh ke Kahs luhn God uh.—Philippi 4:6, 7.
Mahkiyac mwe rit ma kom lutlutkihn an ac ahkolah in wi top. In muhtwacwacack, srihke kom in kahlwem na pwacye ke sihfac an. Nuhnkuh ke sifen mwe lutlut kuh sapta sacn, lah kais sie sifac srihsrihk ingacn kuhpahsr fuhkah nuh ke sifac luhlahp se kac an, ac tuni petsac nuhkewa wi kihsen siyuck in kalweni mwe lutlut ma yohk srihpac kac uh. Tohkoh, riti kais sie paragraph ac suk top nuh ke kihsen siyuck kac an. Liye ac riti fuhs nuhkewa kac an ac nuhnkuh lah ma inge ahkkweye fuhkah mwe lutlut inge. (Orekma 17:11) Ke pacl se ma kom kuh in tohpohklah kihsen siyuck sacn, mahkiyac kahs kuh pohloh kahs ke paragraph ingacn ma ac oruh kom in esam ke kom sulpac liye. Tukun ma inge, ke pacl in miting, kom kuh in sruhkwack poum nuh lucng kom fin ke oruh sie top fototo ah ke kahs lom sifacna.
Ke kom ahkolah ac lutlutkihn kain in sifac ma sramsramkihnyuck ke toeni lasr ke kais sie wik, kom ac kuh in oracni ma nuhkewa kom lotwelah ingacn nuh ke etwacack lom ke Bible uh.—Matthew 13:51, 52.
Inkacnek fuhkah kom kuh in oraclah oakwuck in ahkolah nuh ke toeni uh?
Kom ac ahkolah fuhkah in top ke toeni uh?