Kain in Mwet Fuhkah Mwet Loh luhn Jeova uh?

Mwet ekahsr sin Mwet Loh luhn Jeova kom etuh? Sahp kuhtuh sesr mwet tuhlan lom, mwet wi kom orekma kuh wi kom lutlut. Kuh sahp kuht sramsram nuh sum tari ke Bible. Suc na pwacye kuht uh ac efuh kuht forfor sruhmuhn luhlahlfongi lasr uh nuh sin mwet uh?

Kuht mwet na oacyac. Kuht nuhkewa siena, ke acn kuht mahtuhlah we ac ke ohiyen moul lasr uh. Meet kuhtuh sesr wi ke siena alu kuh tiacna luhlahlfongi ke God. Tuh meet liki kuht eklac sie Mwet Loh, kuht nuhkewa eis pacl yohk in lutlutkihn ma Bible uh luti. (Orekma 17:11) Kuht insese nuh ke ma kuht lotwelah inge, na kuht oraclah sulaclah lasr in alu nuh sin Jeova God.

Mwe insewowo ke kuht lutlut Bible. Oacna mwet nuhkewa, oasr ma upac ac mwe muhnahs lasr ma kuht enenuh pac in fosrngahkihn. Tuh ke kuht srihke in orekmakihn mwe luti pwacye in Bible uh ke kais sie lwen, kuht puhla ac akihlen eklac na wowo ke ohiyen moul lasr uh. (Psalm 128:1, 2) Pa inge sie srihpac pwacnacng kuht forfor sruhmuhn nuh sin mwetuh ke ma wo pucspucs ma kuht lotwelah ke Bible uh.

Kuht moul fal nuh ke oakwuck luhn God. Oakwuck luhn God ma lutiyuck ke Bible uh ahkkweye ohiyac wo ac suhnak nuh sin mwet sahyac. In wekuhnacng ma inge, enenweyuck pac inse pwacye ac kuhlwacng. Mwe luti pwacye in Bible inge sang kahsruh nuh ke elah wo luhn mwetuh, ac ahkkweye inse sefanna luhn sucu ac in etuh ma wo ac ma kuluk. Ke kuht etuh na pwacye lah “God el oruh mwet nuhkewa oacna sie,” kuht liye lah kuht oacna u sefanna yurin mwet wiyacsr kuh sucu se suc orekeni ke luhlahlfongi lasr. Kuht tiac sulohsohl mwet kuh wiwi acn. Kuht finne mwet na oacyac, kuht wi ke sie u na sacohk ma oasr inse sefanna kac.​—Orekma 4:13; 10:34, 35.

• Inkacnek fuhkah ma Mwet Lo luhn Jeova oacna mwet nuhkewa sahyac?

• Meac kuhtuh oakwuck luhn God ma Mwet Loh uh lotwelah ke eltahl lutlutkihn Bible uh?