ಅಂಧರಿಗೆ ಸಹಾಯ

ಪ್ರಪಂಚದಲ್ಲಿ, 4 ಕೋಟಿ 30 ಲಕ್ಷ ಅಂಧರಿದ್ದಾರೆ ಮತ್ತು 29 ಕೋಟಿ 50 ಲಕ್ಷದಷ್ಟು ಜನ್ರು ಕಮ್ಮಿ ದೃಷ್ಟಿa ಹೊಂದಿದ್ದಾರೆ ಅಂತ ಅಂದಾಜು ಮಾಡಲಾಗಿದೆ. ಬೇಜಾರಿನ ವಿಷ್ಯ ಏನಂದ್ರೆ, ಇಂಥವ್ರ ಜೊತೆ ಜನ ಒರಟಾಗಿ ನಡ್ಕೊಳ್ತಾರೆ ಮತ್ತು ಅವ್ರನ್ನ ಕೀಳಾಗಿ ನೋಡ್ತಾರೆ.

ಆದ್ರೆ ಅಂಧರ ಬಗ್ಗೆ ದೇವರಿಗೆ ಹೇಗೆ ಅನಿಸುತ್ತೆ? ಅವ್ರ ಬಗ್ಗೆ ಬೈಬಲ್‌ ಏನು ಹೇಳುತ್ತೆ? ಮತ್ತು ಅವ್ರಿಗೆ ಯೆಹೋವನ ಸಾಕ್ಷಿಗಳು ಇವತ್ತು ಹೇಗೆ ಸಹಾಯ ಮಾಡ್ತಿದ್ದಾರೆ?

ಅಂಧರ ಬಗ್ಗೆ ದೇವರಿಗೆ ಹೇಗೆ ಅನಿಸುತ್ತೆ?

ಯೆಹೋವb ದೇವರು ಕಣ್ಣು ಕಾಣದೇ ಇರೋರ ಬಗ್ಗೆ ತುಂಬ ಕಾಳಜಿ ವಹಿಸ್ತಾನೆ ಅಂತ ಬೈಬಲ್‌ ಹೇಳುತ್ತೆ. ಜನ ಅಂಥವರ ಜೊತೆ ಪ್ರೀತಿ-ದಯೆಯಿಂದ ನಡ್ಕೋಬೇಕು, ಕಣ್ಣು ಕಾಣದೇ ಇರೋರು ತಾನು ಕೊಡೋ ಶಿಕ್ಷಣದಿಂದ ಪ್ರಯೋಜನ ಪಡಿಬೇಕು ಅನ್ನೋದು ದೇವರ ಆಸೆ. ಅಷ್ಟೇ ಅಲ್ಲ, ಅಂಥವರ ಭವಿಷ್ಯ ಮುಂದೆ ಚೆನ್ನಾಗಿರುತ್ತೆ ಅಂತಾನೂ ನಿರೀಕ್ಷೆ ಕೊಟ್ಟಿದ್ದಾನೆ.

ವಚನ: “ಕುರುಡನನ್ನ ದಾರಿ ತಪ್ಪಿಸುವವನಿಗೆ ಶಾಪ ತಟ್ಲಿ.”—ಧರ್ಮೋಪದೇಶಕಾಂಡ 27:18.

ವಚನ: “ದೇವರು ಭೇದಭಾವ ಮಾಡಲ್ಲ.”—ಅಪೊಸ್ತಲರ ಕಾರ್ಯ 10:34.

ವಚನ: ಯೇಸು “ತುಂಬ ಕುರುಡರಿಗೆ ಕಣ್ಣು ಕಾಣಿಸೋ ತರ ಮಾಡಿದನು.”—ಲೂಕ 7:21.

ವಚನ: “ಆ ಸಮಯದಲ್ಲಿ ಕುರುಡನಿಗೆ ಕಣ್ಣು ಕಾಣಿಸುತ್ತೆ.”—ಯೆಶಾಯ 35:5.

ಅರ್ಥ: ಇನ್ನು ಸ್ವಲ್ಪ ಸಮಯದಲ್ಲೇ ದೇವರ ಸರ್ಕಾರ ಭೂಮಿನ ಆಳುತ್ತೆ. ಆಗ ಕುರುಡರೆಲ್ರಿಗೂ ಕಣ್ಣು ಕಾಣಿಸುತ್ತೆ ಅಂತ ಯೆಹೋವ ಮಾತು ಕೊಟ್ಟಿದ್ದಾನೆ.

ಯೆಹೋವನ ಸಾಕ್ಷಿಗಳು ಅಂಧರಿಗೆ ಹೇಗೆ ಸಹಾಯ ಮಾಡ್ತಿದ್ದಾರೆ?

ಯೆಹೋವನ ಸಾಕ್ಷಿಗಳಾದ ನಾವು ಲೋಕದ ಎಲ್ಲಾ ಕಡೆ ಇರೋ ಜನ್ರಿಗೆ ಅದ್ರಲ್ಲೂ ಕಣ್ಣು ಕಾಣದೇ ಇರೋರಿಗೂ ಸಿಹಿಸುದ್ದಿ ಸಾರ್ತಿದ್ದೀವಿ. ಅವ್ರಿಗೆ ಸಿಹಿಸುದ್ದಿ ಸಾರೋಕೆ ನಾವು ಏನೆಲ್ಲಾ ಮಾಡ್ತಿದ್ದೀವಿ?

• ನಾವು ಅಂಧರಿಗಾಗಿ ಮತ್ತು ಕಮ್ಮಿ ದೃಷ್ಟಿ ಹೊಂದಿರೋರಿಗಾಗಿ ಬೈಬಲನ್ನ, ಬೈಬಲ್‌ ಅಧ್ಯಯನದ ಪ್ರಕಾಶನಗಳನ್ನ ಮತ್ತು ವಿಡಿಯೋಗಳನ್ನ ಅವ್ರಿಗೆ ಸಹಾಯ ಆಗೋ ಬೇರೆ ಬೇರೆ ಫಾರ್ಮ್ಯಾಟ್‌ಗಳಲ್ಲಿ ತಯಾರಿಸಿದ್ದೀವಿ. ಅದ್ರಲ್ಲಿ ಬ್ರೇಲ್‌, ದಪ್ಪಕ್ಷರದ ಮುದ್ರಣ ಮತ್ತು ಆಡಿಯೋ ರೆಕಾರ್ಡಿಂಗ್‌ಗಳು ಕೂಡ ಸೇರಿದೆ.

• ನಾವು ಪ್ರತಿವಾರ ಕ್ರೈಸ್ತ ಕೂಟಗಳನ್ನ ನಡೆಸ್ತೀವಿ. ಈ ಕೂಟಕ್ಕೆ ಕಣ್ಣು ಕಾಣಿಸೋರು ಮತ್ತು ಕಾಣಿಸದೇ ಇರೋರು ಹೀಗೆ ಯಾರು ಬೇಕಿದ್ರೂ ಬರಬಹುದು.

• ಬೈಬಲ್‌ ಬಗ್ಗೆ ಕಲಿಯೋ ಆಸಕ್ತಿ ಇರೋರಿಗೆ ಬೈಬಲ್‌ ಕಲಿಸೋಕೆ ಒಬ್ರನ್ನ ನೇಮಿಸೋ ಏರ್ಪಾಡು ಮಾಡ್ತೀವಿ.c

ಇದ್ಯಾವುದಕ್ಕೂ ನಾವು ಹಣ ಕೇಳಲ್ಲ. ಯಾಕೆ? ಯಾಕಂದ್ರೆ “ನಿಮಗೆ ಉಚಿತವಾಗಿ ಸಿಕ್ಕಿದೆ, ಉಚಿತವಾಗಿ ಕೊಡಿ” ಅಂತ ಯೇಸು ಆಜ್ಞೆ ಕೊಟ್ಟಿದ್ದಾನೆ.—ಮತ್ತಾಯ 10:8.

ಯೆಹೋವನ ಸಾಕ್ಷಿಗಳಾದ ನಾವು ಕಣ್ಣು ಕಾಣದೇ ಇರೋರನ್ನ ತುಂಬ ಪ್ರೀತಿಸ್ತೀವಿ, ಅವ್ರ ಬಗ್ಗೆ ಕಾಳಜಿ ವಹಿಸ್ತೀವಿ. ನಮ್ಮ ಜೊತೆ ಸೇರಿ ಅವರೂ ದೇವರನ್ನ ಆರಾಧಿಸೋಕೆ ಬೇಕಾಗಿರೋ ಸಹಾಯ ಮಾಡ್ತೀವಿ. ಕಣ್ಣು ಕಾಣದೇ ಇರೋ ಕೆಲವು ಯೆಹೋವನ ಸಾಕ್ಷಿಗಳ ಕಥೆನ ನೀವೇ ನೋಡಿ.

ಸ್ವೀಡನ್‌ನಲ್ಲಿರೋ ತಲಿಟಾ ಅಲ್ನಾಜ಼ಿಗೆ ಹುಟ್ಟಿದಾಗಿಂದಾನೇ ಕಮ್ಮಿ ದೃಷ್ಟಿ ಇದೆ. ಅವಳ ತಂದೆ-ತಾಯಿ ಅವಳಿಗೆ ಬೈಬಲ್‌ ಬಗ್ಗೆ ಹೇಗೆ ಕಲಿಸಿದ್ರು ಮತ್ತು ಅವಳಿಗೆ, ಅವಳ ಕುಟುಂಬಕ್ಕೆ ಅವ್ರ ಸ್ನೇಹಿತರಿಂದ ಹೇಗೆ ಪ್ರೀತಿ-ಬೆಂಬಲ ಸಿಕ್ತು ಅಂತ ತಿಳ್ಕೊಳ್ಳಿ.

ಫಿಲಿಪ್ಪೀನ್ಸ್‌ನಲ್ಲಿರೋ ಸಿಂತಿಯ ಪಾಬ್ಲೊ ಅನ್ನೋರಿಗೆ ಕಿವಿನೂ ಕೇಳಿಸಲ್ಲ, ಕಣ್ಣೂ ಕಾಣಿಸಲ್ಲ. ಕೋವಿಡ್‌ ಸಮಯದಲ್ಲಿ, ಯೆಹೋವನ ಸಾಕ್ಷಿಗಳಾದ ಅವ್ರ ಸ್ನೇಹಿತರು ಅವ್ರಿಗೆ ಹೇಗೆ ಸಹಾಯ ಮಾಡಿದ್ರು? ಇವ್ರ ಬಗ್ಗೆ ತಿಳ್ಕೊಳ್ಳೋಕೆ “ಕಿವಿ ಕೇಳಿಸದ ಮತ್ತು ಕಣ್ಣು ಕಾಣಿಸದ ಒಬ್ಬ ಸಹೋದರಿಗೆ ಸಭೆಯವರು ಕೋವಿಡ್‌ ಸಮಯದಲ್ಲಿ ಹೇಗೆ ಸಹಾಯ ಮಾಡಿದ್ರು” (ಇಂಗ್ಲಿಷ್‌) ಅನ್ನೋ ಲೇಖನ ನೋಡಿ.

ಬೈಬಲ್‌ ಬಗ್ಗೆ ಕಲಿಯೋಕೆ ಯಾವೆಲ್ಲಾ ಸಾಧನಗಳಿವೆ?

ಬ್ರೇಲ್‌ ಪ್ರಕಾಶನಗಳು. ನಾವು ತುಂಬ ಭಾಷೆಗಳಲ್ಲಿ ಬ್ರೇಲ್‌ ಬೈಬಲನ್ನ ಬಿಡುಗಡೆ ಮಾಡಿದ್ದೀವಿ. ಕೆಲವು ಭಾಷೆಗಳಲ್ಲಿ ಬೈಬಲಿನ ಪೂರ್ತಿ ಭಾಗ ಇದೆ, ಇನ್ನೂ ಕೆಲವು ಭಾಷೆಗಳಲ್ಲಿ ಬೈಬಲಿನ ಕೆಲವು ಭಾಗಗಳಿವೆ. (ಯಾವೆಲ್ಲ ಭಾಷೆಯಲ್ಲಿದೆ ಅಂತ ತಿಳ್ಕೊಳ್ಳೋಕೆ “ಬ್ರೇಲ್‌ನಲ್ಲಿರೋ ಹೊಸ ಲೋಕ ಭಾಷಾಂತರ ಬೈಬಲ್‌” ಅನ್ನೋ ಚೌಕ ನೋಡಿ.) ನಾವು ಬೈಬಲ್‌ ಆಧಾರಿತ ಅನೇಕ ಪ್ರಕಾಶನಗಳನ್ನೂ ಬ್ರೇಲ್‌ನಲ್ಲಿ ಬಿಡುಗಡೆ ಮಾಡಿದ್ದೀವಿ. ಬ್ರೇಲ್‌ ಕಲಿಯೋಕೆ ಇಷ್ಟ ಇರೋರಿಗೆ, ಬ್ರೇಲ್‌ ಓದೋಕೆ ಕಲೀರಿ ಅನ್ನೋ ವರ್ಕ್‌ಬುಕ್‌ನ ಬಿಡುಗಡೆ ಮಾಡಿದ್ದೀವಿ. ಈ ವರ್ಕ್‌ಬುಕ್‌ನ ಕಣ್ಣು ಕಾಣಿಸೋ ವ್ಯಕ್ತಿ, ಕಣ್ಣು ಕಾಣದಿರೋ ವ್ಯಕ್ತಿಗೆ ಬ್ರೇಲ್‌ ಓದೋಕೆ ಕಲಿಸೋ ರೀತಿಯಲ್ಲಿ ವಿನ್ಯಾಸ ಮಾಡಲಾಗಿದೆ.

• ಬ್ರೇಲ್‌ನಲ್ಲಿರೋ ಪ್ರಕಾಶನಗಳ ಪ್ರತಿಯನ್ನ ಪಡ್ಕೊಳ್ಳೋಕೆ ಯೆಹೋವನ ಸಾಕ್ಷಿಗಳಲ್ಲಿ ಒಬ್ರ ಹತ್ರ ಮಾತಾಡಿ ಅಥವಾ ಅವರು ನಿಮ್ಮನ್ನ ಭೇಟಿ ಮಾಡೋಕೆ ವಿನಂತಿಸಿ.

• ನೋಟ್‌ಟೇಕರ್‌ ಸಾಧನಗಳಿಗೆd ಬೇಕಾದ ಫೈಲ್‌ಗಳನ್ನ jw.orgನಿಂದ ಡೌನ್‌ಲೋಡ್‌ ಮಾಡ್ಕೊಳ್ಳಿ.

• ದೊಡ್ಡ ಅಕ್ಷರದ ಪ್ರಕಾಶನಗಳನ್ನ ಪಡ್ಕೊಳ್ಳೋಕೆ ಒಬ್ಬ ಯೆಹೋವನ ಸಾಕ್ಷಿ ಹತ್ರ ಮಾತಾಡಿ ಅಥವಾ ಅವರು ನಿಮ್ಮನ್ನ ಭೇಟಿ ಮಾಡೋಕೆ ವಿನಂತಿಸಿ.

• ದೊಡ್ಡ ಅಕ್ಷರದ ಮುದ್ರಣ ಪ್ರತಿ ಹೇಗಿರುತ್ತೋ ಅದೇ ತರದ ದೊಡ್ಡ ಅಕ್ಷರದ ಡಿಜಿಟಲ್‌ ಪ್ರತಿಯನ್ನ jw.org ವೆಬ್‌ಸೈಟ್‌ನಿಂದ ಡೌನ್‌ಲೋಡ್‌ ಮಾಡ್ಕೊಳ್ಳಿ.

• jw.org ಮತ್ತು JW ಲೈಬ್ರರಿ ಆ್ಯಪ್‌ನಿಂದ ಇಂಥ ಯಾವುದಾದ್ರೂ ಆಡಿಯೋ ಕೇಳಿಸ್ಕೊಳ್ಳಿ ಅಥವಾ ಡೌನ್‌ಲೋಡ್‌ ಮಾಡ್ಕೊಳ್ಳಿ.

• ಸ್ಕ್ರೀನ್‌ ರೀಡರ್‌ ಮತ್ತು ಡಿಜಿಟಲ್‌ ಟಾಕಿಂಗ್‌ ಬುಕ್‌ ಪ್ಲೇಯರ್‌ಗೆe ಬೇಕಾಗಿರೋ ಫೈಲ್‌ನ jw.orgನಿಂದ ಡೌನ್‌ಲೋಡ್‌ ಮಾಡ್ಕೊಳ್ಳಿ.

ವಿಡಿಯೋಗಳಲ್ಲಿ ಏನು ನಡಿತಿದೆ ಅಂತ ಹೇಳೋ ಆಡಿಯೋ ವಿವರಣೆಗಳು.f ಯೆಹೋವನ ಸಾಕ್ಷಿಗಳು 100ಕ್ಕಿಂತ ಜಾಸ್ತಿ ಭಾಷೆಗಳಲ್ಲಿ ಆಡಿಯೋ ವಿವರಣೆಗಳಿರೋ ಬೈಬಲ್‌ ಆಧಾರಿತ ವಿಡಿಯೋಗಳನ್ನ ಬಿಡುಗಡೆ ಮಾಡಿದ್ದಾರೆ. ಈ ವಿಡಿಯೋಗಳು ಬೈಬಲಲ್ಲಿರೋ ಬುದ್ಧಿಮಾತನ್ನ ಅರ್ಥ ಮಾಡ್ಕೊಂಡು ಅನ್ವಯಿಸೋಕೆ ಜನ್ರಿಗೆ ಸಹಾಯ ಮಾಡುತ್ತೆ.

ಇಂಥ ಆಡಿಯೋ ವಿವರಣೆಗಳಿರೋ ವಿಡಿಯೋಗಳನ್ನ ಕೆಳಗೆ ಕೊಡಲಾಗಿರೋ ವಿಭಾಗಗಳಲ್ಲಿ ಹುಡುಕಿ:

• ಕುಟುಂಬ ಸಂತೋಷಕ್ಕೆ ಸಲಹೆಗಳು

• ಬದುಕು ಬದಲಾದ ವಿಧ

• ಚಲಿಸುವ ಚಿತ್ರಗಳು

• ಕೂಟ ನಡೆಯೋ ಜಾಗನ ಹುಡುಕಿ.

• ನಮ್ಮ ವಾರ್ಷಿಕ ಅಧಿವೇಶನದ ಬಗ್ಗೆ ತಿಳ್ಕೊಳ್ಳಿ.

• ನಾವು ಪ್ರತಿ ವರ್ಷ ಪ್ರಾಮುಖ್ಯವಾಗಿ ಆಚರಿಸೋ ಯೇಸು ಕ್ರಿಸ್ತನ ಮರಣದ ಸ್ಮರಣೆಗೆ ಹಾಜರಾಗಿ.

ಮೆಕ್ಸಿಕೋದ ಹೋಸಾ ಲೂಯಿಸ್‌ ಅಯಲ ಹುಟ್ಟಿದಾಗ ಕಿವುಡನಾಗಿದ್ದ, 29 ವರ್ಷ ಆಗೋಷ್ಟರಲ್ಲಿ ಕುರುಡನೂ ಆದ. ನಮ್ಮ ಕೂಟಗಳು ಅವನಿಗೆ ಎಷ್ಟು ಮುಖ್ಯ, ಬೇರೆಯವ್ರಿಗೆ ಬೈಬಲನ್ನ ಚೆನ್ನಾಗಿ ಕಲಿಸೋಕೆ ಕೂಟಗಳು ಅವನಿಗೆ ಹೇಗೆ ಸಹಾಯ ಮಾಡ್ತು ಅಂತ ತಿಳ್ಕೊಳ್ಳಿ.