ಉತ್ತೇಜಿಸುವಂಥ ಉತ್ರಗಳನ್ನ ತಯಾರಿಸಿ

ಕೂಟಗಳಲ್ಲಿ ಉತ್ರಗಳನ್ನ ಹೇಳೋ ಮೂಲಕ ಸಹೋದರ ಸಹೋದರಿಯರನ್ನ ಉತ್ತೇಜಿಸಬಹುದು. ಈ ಅವಕಾಶ ನಮ್ಮೆಲ್ರಿಗೂ ಇದೆ. (ಇಬ್ರಿ. 10:24, 25) ಹಾಗಾದ್ರೆ ಉತ್ತೇಜಿಸುವಂಥ ಉತ್ರಗಳನ್ನ ನಾವು ಹೇಗೆ ತಯಾರಿಸಬಹುದು?

• ಯೆಹೋವನಿಗೆ ಪ್ರಾರ್ಥನೆ ಮಾಡಿ. ಆತನಿಗೆ ಗೌರವ ತರುವಂಥ ಮತ್ತು ಬೇರೆಯವ್ರನ್ನ ಉತ್ತೇಜಿಸುವಂಥ ಉತ್ರ ಹೇಳೋಕೆ ಸಹಾಯ ಮಾಡು ಅಂತ ಬೇಡ್ಕೊಳ್ಳಿ.—ಕೀರ್ತ. 35:18.

• ಉತ್ರಗಳನ್ನ ಓದಿ ಹೇಳೋದಕ್ಕಿಂತ ಸ್ವಂತ ಮಾತಲ್ಲಿ ಹೇಳಿ. ಸ್ವಂತ ಮಾತಲ್ಲಿ ಉತ್ರ ಕೊಟ್ರೆ ನಿಮಗೆ ದೇವರ ಮೇಲೆ ಎಷ್ಟು ನಂಬಿಕೆ ಇದೆ ಅಂತ ಬೇರೆಯವ್ರಿಗೆ ಗೊತ್ತಾಗುತ್ತೆ. ಇದ್ರಿಂದ ಅವ್ರಿಗೆ ಪ್ರೋತ್ಸಾಹ ಸಿಗುತ್ತೆ.

• ಚುಟುಕಾಗಿ ಉತ್ರ ಕೊಡಿ. ಎಷ್ಟೋ ಸಲ ಚುಟುಕಾದ ಚಿಕ್ಕ-ಚಿಕ್ಕ ಉತ್ರಗಳು ಬೇರೆಯವ್ರನ್ನ ಉತ್ತೇಜಿಸುತ್ತೆ. ಅಷ್ಟೇ ಅಲ್ಲ, ಹೀಗೆ ಮಾಡಿದ್ರೆ ತುಂಬ ಜನ್ರಿಗೆ ಉತ್ರ ಹೇಳೋಕೆ ಅವಕಾಶನೂ ಸಿಗುತ್ತೆ.—ಜ್ಞಾನೋ. 10:19.

• ಉತ್ತೇಜಿಸೋ ತರ ಉತ್ರ ಕೊಡಿ. ಸಭೆಯವ್ರಿಗೆ ಅಥವಾ ಯಾವುದೇ ಸಹೋದರ ಸಹೋದರಿಗೆ ಬುದ್ಧಿ ಹೇಳೋ ತರ, ಅವ್ರ ತಪ್ಪುಗಳನ್ನ ಎತ್ತಿ ತೋರಿಸೋ ತರ ನಿಮ್ಮ ಉತ್ರಗಳು ಇರದ ಹಾಗೆ ನೋಡ್ಕೊಳ್ಳಿ.

ಒಂದುವೇಳೆ ನಿಮಗೆ ಉತ್ರ ಹೇಳೋ ಅವಕಾಶ ಸಿಕ್ಕಿಲ್ಲಾಂದ್ರೂ ಬೇರೆಯವರು ಉತ್ರ ಹೇಳುವಾಗ ಅದನ್ನ ಚೆನ್ನಾಗಿ ಕೇಳಿಸ್ಕೊಳ್ಳಿ, ಆಮೇಲೆ ಅವ್ರನ್ನ ಪ್ರಶಂಸೆ ಮಾಡಿ. ಹೀಗೆ ನೀವು ಅವ್ರನ್ನ ಉತ್ತೇಜಿಸಬಹುದು.—ಜ್ಞಾನೋ. 10:21.