ಅಧ್ಯಯನ ಆವೃತ್ತಿ

ಯೆಹೋವನ ಸಾಕ್ಷಿಗಳ ಬಳಿ ಸತ್ಯ ಇದೆ ಎಂದು ಅನೇಕರು ಒಪ್ಪಲು ಕಾರಣಗಳೇನೆಂದು ಈ ಲೇಖನ ಚರ್ಚಿಸುತ್ತದೆ. ತಮಗೆ ಸತ್ಯ ಸಿಕ್ಕಿದೆ ಎಂದು ಸ್ವತಃ ಸಾಕ್ಷಿಗಳಿಗೇ ಏಕೆ ಮನದಟ್ಟಾಗಿದೆ ಎಂಬ ಕಾರಣಗಳನ್ನು ಸಹ ಚರ್ಚಿಸುವೆವು.

ಸೈತಾನನ ಲೋಕದಲ್ಲಿ ಜೀವಿಸುವುದರಿಂದ ಬರುವ ಒಂದು ಪರಿಣಾಮ ಸಂಕಟಗಳು. ಕೆಲವೊಂದು ಕಷ್ಟಪರೀಕ್ಷೆಗಳು ನಮ್ಮ ನಂಬಿಕೆಯ ಮೇಲೆ ಬರುವ ನೇರ ಆಕ್ರಮಣಗಳು. ಇನ್ನು ಕೆಲವು ಕುಟಿಲ ಆಕ್ರಮಣಗಳು. ಇವನ್ನು ಗುರುತಿಸಲು ಮತ್ತು ಸೈತಾನನ ಆಕ್ರಮಣಕ್ಕೆ ಸಿದ್ಧತೆ ನಡೆಸಲು ಈ ಲೇಖನ ನಮಗೆ ಸಹಾಯಮಾಡಲಿದೆ.

ಮಕ್ಕಳನ್ನು “ಯೆಹೋವನ ಶಿಸ್ತಿನಲ್ಲಿಯೂ ಮಾನಸಿಕ ಕ್ರಮಪಡಿಸುವಿಕೆಯಲ್ಲಿಯೂ” ಬೆಳೆಸುವ ಜವಾಬ್ದಾರಿ ಹೆತ್ತವರಿಗಿದೆ. (ಎಫೆ. 6:4) ಬೆಳೆಯುತ್ತಿರುವ ಮಕ್ಕಳಿಗೆ ಆಧ್ಯಾತ್ಮಿಕ ಕುರುಬರಂತಿರಬೇಕಾದ ಹೆತ್ತವರು ಈ ಜವಾಬ್ದಾರಿಯನ್ನು ನಿರ್ವಹಿಸಬಹುದಾದ ಮೂರು ವಿಧಗಳನ್ನು ಈ ಲೇಖನ ಚರ್ಚಿಸುತ್ತದೆ.

ಮರಣವು ಮಾನವರಿಗೆ ಅಂಟಿಕೊಂಡದ್ದು ಹೇಗೆ? ‘ಕೊನೆಯ ಶತ್ರು ಮರಣ’ ಯಾವಾಗ ನಿರ್ಮೂಲವಾಗುವುದು? (1 ಕೊರಿಂ. 15:26) ಉತ್ತರಗಳು ಯೆಹೋವನ ನ್ಯಾಯ, ವಿವೇಕ ಮತ್ತು ಮುಖ್ಯವಾಗಿ ಪ್ರೀತಿಯ ಕಡೆಗೆ ಗಮನ ಸೆಳೆಯುತ್ತವೆ. ಹೇಗೆಂದು ನೋಡಿ.

ಈ ವ್ಯವಸ್ಥೆಯಲ್ಲಿ ಪೂರ್ಣಸಮಯದ ಸೇವೆ ಮಾಡಲು ಸವಾಲುಗಳು, ಕಷ್ಟಗಳು ಎದುರಾಗುತ್ತವೆ. ಹಾಗಿದ್ದರೂ ಯೆಹೋವನ ನಂಬಿಗಸ್ತ ಸೇವಕರು ಹಿಂದಿನ ಕಾಲದಿಂದಲೂ ಆ ಸೇವೆಯನ್ನು ಮಾಡುತ್ತಾ ಬಂದಿದ್ದಾರೆ. ಇಂಥವರ ‘ನಂಬಿಗಸ್ತ ಕ್ರಿಯೆಯನ್ನು ಮತ್ತು ಪ್ರೀತಿಪೂರ್ವಕ ಪ್ರಯಾಸವನ್ನು’ ಮನಸ್ಸಿನಲ್ಲಿಟ್ಟುಕೊಳ್ಳಲು ನಾವೇನು ಮಾಡಬಹುದು?—1 ಥೆಸ. 1:3.