យោបល់សម្រាប់សិក្សា
របៀបយល់អត្ថន័យឧទាហរណ៍ក្នុងគម្ពីរ
មានឧទាហរណ៍រាប់រយនៅក្នុងគម្ពីរ។ ប៉ុន្តែ មនុស្សជាច្រើនពិបាកយល់ឧទាហរណ៍ទាំងនោះ។ (ម៉ាថ. ១៣:១៣) តើអ្វីអាចជួយអ្នកឲ្យយល់អត្ថន័យនៃឧទាហរណ៍ទាំងនេះយ៉ាងច្បាស់ជាង? សូមព្យាយាមធ្វើដូចតទៅនេះ៖
សូមកត់សម្គាល់ថា តើគម្ពីរកំពុងប្រដូចអ្វីជាមួយនឹងគ្នា។ ជាឧទាហរណ៍ ការបើកបង្ហាញ ៣:៣ប្រដូចការមកដល់របស់លោកយេស៊ូ ទៅនឹងការមកដល់របស់ចោរ។
សូមគិតអំពីភាពស្រដៀងគ្នានៃអ្វីទាំងពីរនោះ។ សូមគិតអំពីមូលហេតុដែលអ្វីមួយបានត្រូវប្រដូចទៅនឹងអ្វីមួយទៀត ហើយតើអ្វីទាំងពីរនេះស្រដៀងគ្នាយ៉ាងណា។
សូមទាញមេរៀនត្រឹមត្រូវ។ ជួនកាល បុគ្គលណាម្នាក់អាចយល់ច្រឡំអំពីអត្ថន័យនៃការប្រៀបប្រដូចណាមួយ។ ក្នុងឧទាហរណ៍ខាងលើ លោកយេស៊ូមិនមែនមកដើម្បីលួចអ្វីទេ។ ផ្ទុយទៅវិញ ខមុននិងខក្រោយនៃខគម្ពីរនេះបង្ហាញថា ការមកដល់របស់លោកយេស៊ូគឺមកដូចជាចោរក្នុងន័យថា មនុស្សមិនដឹងទុកជាមុន។