Guutip oqaasia eqqortumik atortariaqarparput
1 Filipi nalagaaffimmi saaffiginnikkami, „oqalulerpoq, allassimasorlu taanna aallarniutigalugu Jiisusimik iivangkiiliu taassumunnga tusarliuppaa.“ (Ap. Sul. 8:35) Filipi, ’oqaatsimik sallusuissutip pianik tunioraalluarpoq’. (2 Tim. 2:15) Ullumikkut nakkutilliisup angalasartup malugisimavaa oqaluussisartorpassuit oqaluussitillutik Biibili atorpiartanngikkaat. Illimmi?
2 Upperisatsinnut ajoqersorneqarnitsinnullu tamanut Biibili tunngaviuvoq. (2 Tim. 3:16, 17) Taassuma inuit Jehovamut kajungilersittarpai inuunermilu pingaarutilinnik ilinniartillugit. Taamaattumik oqaluussigaangatta Biibili atortariaqarparput uagut soqutigisavut kisiisa samminagit. (Hebr. 4:12) Amerlanerit Biibili ilisimavallaanngimmassuk tassannga atuffattariaqarpavut, ajoqersuutai atoriaannaasut inuiaallu qanoq siunissaqartinneqarnersut takusinnaaniassammassuk.
3 Biibilimiit toqqaannartumik atuarit: Taskeqarnak angalaarlutit misilissinnaavat. Atuagassiat neqeroorutigerusutatit plastikimut saattunnguamut poorsinnaavatit Biibililu tigummisinnaavat kaasarfinniitilluguluunniit. Taamaalillutit oqaloqateqaleruit Biibilit qupperiaannaasinnaavat oqaloqatit oqaluussiffigineqalersutut misigitinnagu. Tusarnaartit Biibilimit malinnaatiguk. Aperisinnaavat versit ilaat nipituumik atuarusunneraa. Biibilimi allassimasoq nammineq takugaangamikku, illit atuaanerit kisiat tusarnaarnagu, sunniuteqarluarnerusarpoq. Pineqartup isumaa paasitinniarlugu oqaatsit pingaarnerit erseqqissartariaqarpatit.
4 Pisariitsumik saqqummiinissamut siunnersuut: Ilisariteriarlutit oqarsinnaavutit: „Qaammatini kingullerni silarsuarmi aaqqissuussaanermik nutaamik pisariaqartitsisoqarnera oqallisaasorujussuuvoq, ilisimaviulli Biibilimi allassimasoqartoq nunarsuaq tamakkerlugu ataasiinnarmik naalakkersuisoqalerumaartoq?“ Daniel 2:44 atuaruk versilu naatsunnguamik oqaaseqarfigiuk pulaakkallu oqaloqatigiinnermut peqataatiguk naggataatigullu aperalugu: „Nalunngiliuk uani naalagaaffik suna pineqarnersoq?“ Mætthæusi 6:9, 10 atuakkit. „Allatut oqaatigalugu taassaavoq ’Guutip naalagaaffia’ ataatarpuumi qinnutigisartagarput. Naalagaaffilli taanna naalakkersuilerpat uagutsinnut qanoq kinguneqassava?“ Pulaakkavit akissutaanut tusarnaaqqissaarit oqaasiilu ajornanngippat oqaaseqarfigeriarlugit Saqqummersitat 21:3, 4 atuakkit imaalu kajumissinartut oqaloqatigiissutigalugit. Naggataatigut atuagassiaq neqeroorutigerusutat takutiguk oqaloqatigiissutigisannullu tulluartumik takutitaqarlutit.
5 Naapertuilluartut ikiorniarlugit Jiisusip Allakkat atortarpai. (Luk. 24:32) Paulusip oqaatsini uppernarsartarpai Allakkat najoqqutaralugit. (Ap. Sul. 17:2, 3) Guutip oqaasii eqqortumik atortarutsigit, nakimaassuserput nuannaarnerpullu oqaluussinermi annerulissaaq.