Teokratiimik atuarfik 1999-imi iluaqutigiuk
1 Jesus Ajoqersuisorsuusimavoq. Ajoqersuutaa inunnik tupigusuutigineqartarsimavoq. (Mák. 1:22, NV) Uagut Jesusitut oqalussinnaanngilagut ilinniartitsisinnaanataluunniit, kisianni ilaarniarlugu ilungersorsinnaavugut. (ap. sul. 4:13) Teokratiimik Atuarfimmi peqataasarnitsigut oqallorinnerulissaagut ilinniartitsisutullu piginnaaneqalernerulluta.
2 1999-imi pissassaq nr. 1 ingammik Napasuliaq Alapernaarsuiffik-mi Iteritsi!-milu allaaserisanit 1997-imi saqqummersunit tunngaveqassapput. Allaaserisat tamakku atuareertarutsigik atuarfimmilu tusarnaarlugit anersaamut tunngasunut paasisaqarnerussaagut. Allaaserisanit tamakkunannga saqqummiussisussat sammineqartup atoriaannaanera tikkuassavaat soqutiginartumillu qiimmannartumillu saqqummiullugu. Pisassaq nr. 3 atuakkamit Ilaqutariittut pilluarneq isertugaateqarpoq-mit tiguneqartassaaq, pisassarlu nr. 4 Biibilimi inuttaasumut tunngasassaaq. Atuarfimmi nakkutilliisup pisassiissutigineqartussat pisassiissutigitinnagit atuaqqissaartariaqarpai. Ilinniartut ’ilaqutariinnut atuakkamit’ pisassinneqartut tamarmik namminneq ilaquttaminni maligassaalluartariaqarput.
3 Najoqqutassiarineqartoq maleruartaruk, piareersarluartarlutillu: Tamatta oqallorinnerulersinnaavugut ilinniartitsillaqqinnerulerlutalu. (1 Tim. 4:13) Taamaattumik ilitsersorneqarnissaq ujartortariaqarparput pinngitsoornaveersaarnagu. (Uss. 12:15; 19:20) Ataatsimiinnerni oqaluussinermilu sallusuissutip pitsaasumik saqqummiunnera imaaginnanngilaq eqqarsaatiginagu paasissutissanik taaguineq allassimaffinnillu atuaaneq. Tusarnaartut uummataat anguniarsarisariaqarpavut killinniarsaralugillu. Taamaaliorsinnaavugut sallusuissutip nakimanata tunniusimallutalu saqqummiunneratigut. (Naleqqiuguk apustilit suliait 2:37.) Atuarfimmi ilitsersorneqartarnitta taamaaliornissatsinnut ikiussavaatigut.
4 Pisassinneqaraangavit ilitsersorneqarfissatit ’Skolehåndbog’-imiittut piaartumik eqqarsaatigisariaqarpatit. Eqqarsaatigiuk siornatigut siunnersuutigineqarsimasut qanoq atorsinnaanerlugit. Qulequtaq, pissutsit ersersinniagassatit (pisariaqarpat), pisassamilu allassimaffiit qanoq atorsinnaanerlugit eqqarsaatigilluaruk. Eqqarsaatigiuttaaq ilinniartitsinermi kajumissaarinermilu paasissutissat qanoq atorluarsinnaanerlugit. — 1 Tim. 4:15, 16.
5 Atuarfimmut peqataanissat nangaassutigisimagukku, Jehovamut qinuninni ilannguttarsinnaavat atuarfimmilu nakkutilliisoq eqqarsaatinnik oqaloqatigalugu. 1999-imi Teokratiimik Atuarfimmi saqqummiunneqartussat tamakkiisumik atortarutsigik tamatta iluaqutigissavavut.