Nakkutilliisut siuttuusut — Atuarfimmik nakkutilliisoq
1 Atuarfimmik nakkutilliisoq anersaakkut isigalugu tassaavoq ’utoqqaanertaq’ oqalugiartarnermik ilinniartitsinermillu ilungersuuteqartartoq, ataqqinninnermik ersersitsivigalugulu suleqatigisariaqagarput. (1 Tim. 5:17) Taanna sunik suliassaqarpat?
2 Teokratiimik Atuarfiup atuagaasivia naalagaaffilersaarfimmiittoq taassuma akisussaaffigisaasa ilagaat. Piukkunnarsisimasut tamaasa atuarfimmut ilanngunnissaannik kajumissaarnissaat ilumoorluni soqutigisaraa. Saqqummiussassanik suliassiinerup eqqortumik torersumillu nalunaarsorneqarnissaa pisassallu sapaatip-akunnerinik minnerpaamik pingasunik sioqqutsilluni atuartumut tunniunneqartarnissaat isumagisassaraa. Ilagiinnut ilaasut ilisarisimalluartariaqarpai atuartullu ataasiakkaat piginnaasaat pissutsillu atugaat eqqarsaatigisariaqarlugit. Qatanngutip angutip allap atuarfimmut pilersaarusiornerani ikiorsinnaavaa, atuarfimmilli nakkutilliisup nammineerluni saqqummiussassanik suliassiisarneq nakkutigisassaraa.
3 Sunniuteqarluartumik ilinniartitsisinnaajumalluni atuarfimmik nakkutilliisoq sapaatit-akunneri tamaasa sammineqartussanut piareersarluartariaqarpoq. Taamaalilluni ilagiit sammineqartunik pingaartitsilersissinnaavai, saqqummiussassaq eqqortumik saqqummiunneqarnersoq eqqumaffigisinnaassallugu allattariarsorlunilu uteqqiinermi erseqqissarneqartussat pingaartut erseqqissarsinnaassallugit.
4 Saqqummiussisoqareeraangat tamatigut atuarfimmik nakkutilliisup saqqummiussisoq nersualaartassavaa nassuiaallugulu suna ajunngitsumik saqqummiunneraa immaqalu suna sulissutigisariaqaraa, aamma sooq sulissutigisariaqaraa. Atuartoq saqqummiussassaminik suliarinninniarnermini ikiorneqartariaqarpat atuarfimmik nakkutilliisoq allaluunniit taassuma toqqagaa ikiuussinnaavoq.
5 Atuarfimmik nakkutilliisup ikiortigiunnagaasalu suliaat annertooq iluaqutigiumallugu atuarfik tamatigut najuuffigisariaqarparput. Saqqummiussassallu uagutsinnut suliassiissutigineqartut tamaasa kajumilluta naammassisariaqarpavut, namminerlu allallu siunnersorneqarneri malittariaqarlugit. Taamaalilluta Guutip naalagaaffianik tusarliussamik tamanut ammasumik illumiillu illumut oqaluussissutiginnillaqqinnerulersinnaassaagut. — ap. sul. 20:20; 1 Tim. 4:13, 15.