Immikkoortumut 7-imut aallarniut

Immikkoortumi matumani ukiut 80-it missaanni pisut sammineqarput. Kunngip Saulip kunngillu Daavip inuunerat oqaluttuarineqarpoq. Aallaqqaammut Sauli maniguuk­kaluarpoq Guutimullu naalalluni. Allanngoriataarporli Jehovallu siulersuinera malikkun­naarlugu. Jehovap taamaaliornera akuerinngilaa, Saamualilu peqquaa Daavi Israalimi kunngin­ngortussatut tanissagaa. Saulip Daavi sinngagalugu amerlasooriarluni toqoriaraluarpaa, Daavili akiniaan­ngisaannarpoq. Saulip ernerata Jonatanip Daavi Jehovamit toqqarneqarsimasoq nalunnginnamiuk Daavi ilumoorfigiuarpaa. Daavi arlaleriarluni ingasattumik ajortuliorpoq, Jehovamilli perorsaatis­sinneqarnini akueriuaannarpai. Angajoq­qaajuguit meeqqat paasitiguk Jehovamut taassumalu siulersuisussatut toqqarsimasaanut naalannissarput qanoq pingaaruteqar­tigisoq.