Ikinngutima ajuallatsippanga qanoq iliussaanga?

• Ilisimasassat

• Iliuuserisinnaasatit

• Inuusuttoqativit isumaat

Ilisimasassat

• Ajornartorsiutitaqanngitsumik ikinngutigiittoqarsinnaanngilaq. Ikin­ngutigil­luak­kat – im­maqa al­laat ikinngutiginerpaasat – naam­mal­luin­nan­ngitsuugami qamuuna an­niutigisan­nik iliuuseqarluniluun­niit oqaaseqarsin­naavoq. Soorunami aam­ma il­lit naam­mal­luin­nan­ngitsuuvutit. Ilumoorlutim­mi oqas­saguit il­lit nam­mineq al­lanik ajual­latsitsinikuuvutit, ilaa? – Jaaku 3:2.

• Internetikkut takusat ajuallassutaasinnaapput. As­sersuutigalugu inuusut­tuaraq David ima oqar­poq: “Im­maqa ikin­ngutip katerisimaar­tuniit­tup as­singa inter­netik­kut takul­lugu eq­qarsaatigilersin­naavat sooq qaaq­qusaasiman­ngin­nersutit. Taman­nalu ilaluarineqar­tutut misigilis­sutigalugulu aliasuutigilersin­naavat.”

• Ajornartorsiutip iliuuseqarfiginissaa ilikkarsinnaavat.

Iliuuserisinnaasatit

Imminut misissorit. Biibilimi ima al­las­simavoq: “Kamaam­mer­naveersaar­tar­niarit sianiitsut kisimik kamaam­miasuusarmata.” – Oqaluus­sisar­tup oqaasii 7:9.

“Ilaannikkut kingusinnerusukkut paasinarsisarpoq aliasuutigisat suuallaanngitsoq.” – Alyssa.

Uku eq­qarsaatigik­kit: Ajual­lajaq­qajaasar­pit? Al­lat naam­mal­luin­nan­ngis­sutaan­nik akuerin­nin­nerusaler­nis­sat ilin­niarsin­naaviuk? – Oqaluus­sisar­tup oqaasii 7:21, 22.

Isumakkeerfiginninnerup iluaqutissartai eqqarsaatigikkit. Biibilimi ima al­las­simavoq: “Iluaatsuliorfigineqaraluarluni akiniaan­ngin­neq inum­mut ataq­qinaataavoq.” – Us­satit 19:11, Testamentitoqaq 1990-imi naqitigaq.

“Ajuallaatissaqaraluarluni isumakkeerfiginneriaannaasarnissaq pitsaasarpoq, isumakkeerfiginnikkuillu ajuallatsitsisoq ajuallatsitsissutaanik eqqaaseqattaarnavianngilat utoqqatserteqattaarnaviarnagulu. Isumakkeerfiginnereeruit eqqaaqqeqinagu.” – Mallory.

Uku eq­qarsaatigik­kit: Iliuuseqarfigin­nin­nis­saq taama pingaaruteqar­tigaa? Eq­qis­sinis­saq pil­lugu isumak­keerfigin­nis­sin­naavit? – Kolos­semiut 3:13.

Inuk pineqartoq eqqarsaatigiuk. Biibilimi ima al­las­simavoq: “Tamas­si im­mik­kut nam­mineq iluaqutis­sarsi pin­nagu inoqatis­sis­saaq iluaqutis­saat isumagisiuk.” – Filip­pimiut 2:4.

“Asanninneq ataqqeqatigiinnerlu ikinngutigiinnermi atuuppata ajornartorsiutinik aaqqiipallannissamut pissutissaqarluassaatit ikinngutigiinnersi pingaartikkakku. Ikinngutigiinnissarsi sulissutigereerpat, ikinngutigiinnersilu annaarusunngilat.” – Nicole.

Uku eq­qarsaatigik­kit: Ikin­ngutivit isigin­nit­taasiata ajun­ngitsor­taanik maluginiagaqarsin­naavit? – Filip­pimiut 2:3.

Inerniliineq: Qamuuna an­nersin­neqar­neq qanoq iliuuseqarfigisin­naanerlugu ilik­karuk­ku inersiman­ngoruit iluaqutigingaas­savat. Soormi massakkut ilin­nialeruk­ku?