Ilaquttagut uppeqatigin­ngisagut qanoq attaveqarfigil­luarsin­naagigut

1-2. Jehovamut kiffartulernerput ilaquttatsinnut attaveqar­nitsinnut qanoq sunniuteqarsinnaava?

JIISUSI imminik malinnik­kusuttumut ima oqarpoq: “Ilaquttannut angerlarit, Jehovallu ilinnut iliuuserisimasaanik tamanik … oqaluttuullugit.” (Mak 5:19) Jiisusi taama oqarpoq nalunnginnamiuk misigisagut nuannersut ilaquttatsinnut oqaluttuarerusut­tarigut.

² Nutaarsiassat nuannersut paaseqqaarakkit qanoq misiginerlutit eqqaamaviuk? Ilimanarpoq allanut oqaluttuarerusus­simassagitit. Asasatilli akerliorpasippat? Immaqa pissuserip­pallaarnak oqaluus­siffigigakkit tamanna ajuallaatigaat. Taamaappat Jehovamut aalajaat­tuarlutillu attaveqarnersi qanoq aaqqeqqis­sinnaaviuk?

3. Allaaserisami matumani suut sammissavagut?

³ Allaaserisami matumani uku sammissavagut: (1) Misigin­neqatiginninneq kajumis­sissutigalugu ilaquttagut uppeqatigin­ngisagut qanoq soqutigin­ninnermik ersersitsivigisin­naagigut allaat upperisarput pillugu tusarusun­ngikkaluarpataluunniit, (2) ilaquttatta ajortumik pippatigut susinnaanersugut, (3) nikallujuikkutta neriuuteqar­tuaruttalu ilaquttatta ilumoortup paasinissaanut qanoq iluaqutigisin­naagaat aamma (4) qanoq ersersis­sinnaagipput ilaquttagut asallugit.

MISIGIN­NEQATIGIN­NITTUUGIT

4. Jiisusip oqariar­tuutiminik tusarnaarusun­ngitsut qanoq pisarpai?

⁴ Jiisusip oqariar­tuutiminik tusarnaarusun­ngitsut ikiorusut­tuarpai. Viinnequteqarfimmi sulisumut orpimmik inerititaqan­ngitsumik naggoris­saajuartumut imminut assersuuppoq. (Luk 13:6-9) Jiisusi taamatut assersuusiorami juutit upperfigiler­niassammanni ukiut pingasut sinnerlugit ikiorniarsarereer­nikuuai. Sooq ikiorniarsariuarpai? Misigin­neqatigigamigit. Tamannalu kajumis­sissutigalugu naammagit­tarfigiuarpai.

5. Sooq Jiisusip juuteqatini nalligai?

⁵ Jiisusip juuteqatini nalligai upperisarsiornikkut siuttunit Jehova pillugu ilumoortumik ilinniar­tinneqarsiman­ngimmata. Takuaa ‘savatut paarsisoqan­ngitsutut ittut’. (Mak 6:34) Toqussi qanillisoq Jiisusip Jerusalemmi qissatigaa, nalunnginnamiuk Jerusalemmimiut amerlanersaat uppersuseqan­nginnamik toqusussaasut. (Luk 19:41-44) Uagut tamanna ilinniarfigil­luarsin­naavarput. Ilaquttatta Jehova ilisarisimalis­sagunikku qanoq iluaqutigitigis­sagaluaraat eqqarsaatigigutsigu ikiornis­saannut kajumis­suseqalissaagut.

6. Sooq ilaquttagut uppeqatigin­ngisagut naammagit­tarfigis­savagut? (Galaatiamiut 6:9)

⁶ Galaatiamiut 6:9 atuaruk. Ilaquttatta upperisarput allaat soqutigin­ngikkaluarpassuk naammagit­tarluta taakkununnga “ajunngitsuliorneq qatsutis­sanngilarput”. Nalunngilarput isummiutereersimasamik allannguinissaq uppersuseqaler­nissarlu sivisusinnaasut. Immaqa aamma illit Nalunaajaasun­ngunngik­kallaravit neriuuteqarsiman­ngilatit Guutilu ilisarisimanagu. (Ef 2:12) Kisianni taava naammagit­tarfigineqarlutillu ikiorneqarputit. Immaqa aamma illit ilaquttannik taamatut ikiuinissannik periarfis­saqalissaatit. Tamanna eqqarsaatigalugu naammagit­tarfiginis­saannut kajumis­sinarpoq, ilaa?

ILAQUTTAVIT AJORTUMIK PIPPATIT SUSINNAASUTIT

7. Immaqa suna pissutigalugu Jiisusi nukkaminit upperfigineqanngila?

⁷ Ilimanarpoq Jiisusip Galiliiami tupinnartuliai pillugit nukai tusagaqarsimasut. (Luk 4:14, 22-24) Taamaak­kaluartoq aallaqqaammut Jiisusi upperfigin­ngilaat. (Joh 7:5) Sooq? Biibilimi toqqaan­nartumik nassuiar­neqanngilaq. Juutilli ilaasa Jiisusimik tusarnaarusun­nginnerannut pissutaasut ilaat nassuiar­neqarput. Ilaasa malersor­neqarnissartik nikagineqar­nissartillu ernumas­sutigaat. (Joh 9:18-22) Allat Jiisusi meeraaneraniit ilisarisimagamikku Guutimit aallartitaanera upperiuminaatsippaat. (Mak 6:1-4) Imaassinnaavoq Jiisusip nukai assingusumik peqquteqarlutik tusarnaarusun­ngitsut. Illit upperisat pillugu ilaquttatit aamma taama misigisimas­sasoraagit?

8. Ilaquttatta inussiar­niitsumik oqaaseqar­nerannut iliuuseqar­nerannul­luunniit suna pissutaasinnaava?

⁸ Oqaasiinut iliuusiinullu pissutaasinnaasut eqqarsaatigikkit. Imaassinnaavoq Jiisusip nukai Jiisusi pillugu ima oqartut ilagigaat: “Silanngajaalersimavoq.” (Mak 3:21) Sooq taama isummersimappat? Oqaluttuamit paasivarput Jiisusi oqaluus­singaarami ajorunnaarsitsisaqat­taaramilu allaat nerinis­saminut periarfis­saarussimasoq. (Mak 3:20) Imaassinnaavoq ilaqutaasa tamanna pissutigalugu ingattarsersorigaat. Aamma imaassinnaavoq uagut ilaquttagut isumaqartut upperisagut aalluppal­laarigut. Taama misigippata iliuutsitsigut oqaatsitsigullu ersersis­sinnaavarput upperisarput assut pingaar­tikkaluarlugu aamma allanik sammisaqar­tartugut.

9. Ilaquttatta Jehovap Nalunaajaasui pillugit isummaminnik allannguinis­saannut suna iluaqutaasinnaava? (Petrusimit 1. 3:1, 2) (Aamma assit takukkit).

⁹ Pissuserissuugit. Inussiar­nersumik oqaaseqar­tarutta iliuuseqar­taruttalu ilaquttatta Jehovap Nalunaajaasuinut isiginnit­taasertik allanngor­tissinnaavaat. (Petrusimit 1. 3:1, 2 atuakkit). Assersuutigalugu imaassinnaavoq qatanngut arnaq Nalunaajaasuun­ngitsumik ueqartoq. Qatanngut arnaq oqaluus­sigaangat ataatsimiigiaraangallu uiusoq narrujuum­milluniluunniit kiserlior­tarsinnaavoq. Uini taamatut misigitik­kusunnginnamiuk piffissaqarfiginerujumallugu naleqqus­sarsinnaavoq. Assersuutigalugu uini allamik ulapputeqaraangat angerlarsiman­ngikkaangal­luunniit oqaluus­sisarsinnaavoq. Nuliaasoq naleqqussarpat ingattarsin­ngippallu immaqa uiusup Nalunaajaasut pillugit isummani allanngor­tissavaa.

10. Isornar­torsior­neqarutta Jiisusi qanoq ilaarsin­naavarput?

¹⁰ Isornar­torsior­neqaruit ilaannikkut akinnginnissaq pitsaanerusarpoq. Jiisusi nerrersoorsuunerar­neqarlunilu imerajut­tuunerar­neqarami imminut illersulinngilaq. Inuillu oqarfigai inooriaatsini takussagaat tamannalu tunngavigalugu isummissasut. (Mat 11:19) Aamma inooriaatsimigut ersersippaa ingattarser­tuunanilu inuunerminik nuannaarutigin­nittuulluni. (Johannesi 2:2, 6-10). Aamma illit ilaquttannit isornar­torsior­neqassaguit misigisariaqan­ngilatit akisariaqarlutit. Iliuutsikkut ersersis­sinnaavat oqimaaqatigiis­saarisuul­lutillu inuuninnik nuannaarutigin­nittuusutit. Ilaquttavit tamanna takugunikku Nalunaajaasut pillugit tusakkatik eqqunngitsut upperinavian­ngilaat.

NIKALLUJUIL­LUTILLU NERIUTTUARIT

11. Jiisusip nukkani qanoq pisarpai?

¹¹ Iivangkiiliuni ersersin­neqarpoq Jiisusip nukkani naammagit­tarfigiuarai. Assersuutigalugu Jiisusi Kaanami tupinnar­tulioqqaarmat najuukkunarput. (Joh 2:11, 12) Tupinnar­tuliornerali takugaluarlugu Jiisusi upperfigilin­ngilaat. Taamaak­kaluartoq Jiisusip alanngilai. Biibilimi eqqaaneqarpoq Jiisusip Kaanami tupinnar­tuliornermi kingorna ukiut pingasut missaat qaangiummata nukkani oqaluukkai. Tassa suli nukkani attaveqarfigisarpai inussiar­nersumillu pisarlugit. – Joh 7:5-8.

12. Ilaquttatta isummaminnik allannguinissaasa neriuutigiuar­nissaanut suna iluaqutigisin­naavarput?

¹² Jehova nallittuingaartuusoq paasisimavarput. Tamannalu ilaquttatsinnut neriuuteqar­tuarnis­satsinnut iluaqutigivarput. Upperisarsioqatigiit eqqunngitsut suujunnaarsin­neqarpata ilaquttatta immaqa eqqaassavaat tamanna pillugu oqaluttuun­nikuugigut.a (Saqq 17:16) Taava immaqa annikil­liornar­tussarsuaq aallartippat Jehovamut kiffartoqatigilis­savaatigut. Aamma ilaquttagut maannakkut artorsaateqarpata sapinngisatsinnik ikiorniar­tuassavagut. Qamannga pisumik isumassuisuunerput asannin­nerpullu malugigunikku immaqa Biibili misissorusulissavaat.

ASALLUGIT ERSERSITTARUK

13. Suna eqqumaf­figissavarput?

¹³ Jehovamut kiffartornermi ulapputeqangaaraluarluta ilaquttagut misigitik­kusunngilagut piffissaqarfiginagit asajunnaarsimal­lugilluunniit. (Mat 7:12) Asallugit qanoq ersersitsivigisin­naavagut? Tamanna maanna sammissavarput.

14-15. Ilaquttagut asallugit ilaatigut qanoq ersersis­sinnaavarput, Annalu qanoq taamaaliorpa?

¹⁴ Ilaquttavit attaveqarfigisar­nerisigut asanninnermik ersersitsigit. Ilaquttagut asallugit ersersis­sinnaavarput sulerisar­nitsinnik paasitit­tarlugit. Assersuutigalugu feeriarutta, angalaarutta ikinngutitsin­nilluunniit peqateqarutta assinik ilanngus­silluta allaffigisin­naavagut. Aamma tunissuteqarfigilaarutsigit asannit­tumilluunniit allagaqarfigigutsigit qularnan­ngitsumik nuannaarutigissavaat. Taamatut iliuuseqar­tarnikkut ersersitsivigisarpagut asallugit.

¹⁵ Tamatumunnga tunngatillugu Anna, qatanngut Armeniameersoq, maligas­saalluarpoq. Ilaqutai katerisimaartarput, ingammik inuuissior­toqartillugu nalliuttullu nalaanni. Anna Jehovamut kiffartulermat ilaqutaasa taassumannga qanimut attaveqarfigineqar­tarunnaar­nissartik ernumas­sutigilerpaat. Aamma ernumas­sutigaat Nalunaajaasun­ngornini pissutigalugu artorsaateqalissasoq. Anna sua? Ima oqaluttuarpoq: “Ilaquttakka pulaaraangakkit inuuninnik sulerisarsimaninnillu oqaluttuut­tarpakka. Aamma qaaqqugaangakkit ikinngutikka ilanngullugit qaaqqusarpakka. Taamaaliortarama ilaquttama amerlanersaasa qanimut ikinngutikka ilisarisimal­lualerpaat ilakkuminaralugillu.” Imalu nangippoq: “Ilaquttama ilarpassui oqarsimapput qanoq nuannaar­tigisunga takusin­naallugu aamma ernumas­sutigiun­naarlunga.”

16. Jiisusip nukkani Jaaku soqutigalugu qanoq ersersippaa? (Aamma quppernerup ataani ilanngussaq takuuk).

¹⁶ Ilaquttatit soqutigalugit ersersitsivigisakkit. Jiisusip toqusunit makititaanermi kingorna nukkani Jaaku soqutigalugu ersersitsivigaa taassumunnga takutikkami. (Kor 1. 15:7) Takorloorsin­naaviuk Jaaku qanoq misigisimassasoq paasigamiuk Jiisusimit suli asaneqarluni? Ilimanarpoq Jiisusi takugamiuk Missiarsiunera uppernarsigaa. Tamatuma kingorna imaassinnaavoq Jaakup ilaquttani allat ikiorsimagai Jiisusip kinarpiaanerata paasinissaanut.b – ApS 1:14.

17. Najoqqutassiaq Romamiut 12:15-imi allassimasoq qanoq maleruarsin­naavarput? (Aamma asseq takuuk).

¹⁷ Romamiut 12:15 atuaruk. Ilaquttagut atugaris­saartillugit atugarlior­tillugil­luunniit soqutigin­ninnermik ersersitsivigisarutsigit immaqa uagutsinnut isiginnit­taatsiminnik allannguissapput.c Assersuutigalugu ilaat meerartaarpata pilluaq­qusinnaavagut, nuannaaqatigin­ninnerpullu ersersin­niarlugu tunissuteqarfigisin­naavagut. Ilaallu toqusoorsimanini pissutigalugu aliasuppat oqaatsikkut allakkatigul­luunniit tuppallersar­niarsin­naavarput ikiorumasin­naalluguluunniit. Pingaaruteqarpoq ilaquttatta attaveqarfigisar­nissaat, ingammik atugarliorpata.

18. Andariarsi qanoq ilaarsin­naavarput?

¹⁸ Ilaquttatit uppeqatinnut ilisaritittakkit. Andariarsip Jiisusi Missiarsiusoq paasigamiuk qatanngutini Petrusi ingerlaannaq oqaluttuuppaa Jiisusilu ilisaritillugu. (Joh 1:40-42) Tamatumunnga assingusumik iliuuseqarsin­naavugut? Assersuutigalugu ilaqutarput ilaannikkut ataatsimiinnermut qaaqqusarsin­naavarput neriartoq­qugaangatsiguluunniit ikinngutigut ilanngut­tarsinnaallugit. Uppeqatitsinnut ilisaritik­kutsigu paasisin­naassavaa Nalunaajaasut inussiar­nersuul­lutillu inuttut allatulli ittut.

19. Ilaquttatta aalajangiinigut paasiuminaatsik­kaluaraat qanoq pisassavagut? (Petrusimit 1. 3:15)

¹⁹ Petrusimit 1. 3:15 atuaruk. Imaassinnaavoq ilaquttatta paasiuminaatsikkaat sooq aalajangersimasunik iliuuseqar­naveersaar­tartugut. Kisianni uagutsinnit inussiar­nisaarfigineqarnertik ataqqin­nittuliorfigineqar­nertillu eqqaamajuassavaat. Nalliuttuni peqatigisarun­naartariaqaraluarlugit piffissaqarfiginiarlugit iliuuseqarutta nuannaarutigis­sagunarpaat. Assersuutigalugu piffissani allani pulaartarsin­naavagut, nereqatigisin­naavagut tunissuteqarfigisarlugil­luunniit.

ILAQUTTATIT NIKALLUUTEQINAGIT

20. Sooq Jaakumik oqaluttuaq uagutsinnut qiimmaal­lannarpa?

²⁰ Jiisusip nunarsuarmiinnerani Jaaku taassumunnga malinnit­tunngunngilaq. Kingusin­nerusukkulli kristumiun­ngorpoq. (Gal 1:18, 19; 2:9) Jiisusillu ilinniar­titsissutigisimasai pillugit tusagaqarsimassaaq. Assersuutigalugu Jiisusip qaqqami oqalugiar­nermini ilinniar­titsissutigisaasa ilaat Jaakup isumassarsisin­neqarluni allakkaminut ilannguppai.d

21. Sooq ilaquttagut uppeqatigin­ngisagut nikalluutin­ngisaan­nassavagut?

²¹ Ilaquttagut uppeqatigin­ngisagut sapinngisatsinnik ajunngitsuliorfiginiarlugit iliuuseqar­taraluartugut imaassinnaavoq upperisatsinnik soqutigin­nilinngitsut. Nikalluutis­sanngilagulli! Sooq? Tassami inussiar­nisaarfigineri tamaasa Jehova Guuti nallittuisuusoq erneralu Jiisusi ilaartaratsigit. (Luk 6:33, 36) Asannittumik pissuseqarnerput pissutigalugu piffissap ingerlanerani Jehovap Nalunaajaasuinut isiginnit­taasertik allanngor­tissinnaavaat. Immaqalu allaat upperisarput pillugu oqaluttuarisagut eqqaamavaat. Eqqarsaatigiuk qanoq nuanner­tigissasoq ilaquttatit Jehovamut kiffartoqatigilis­sagaluarukkit!