Qanoq ikinngutaal­luarsin­naasutit

AJORNAR­TORSIORNINNI kisimiillutit misiginikuuit? Ulluni kingullerni ‘pissutsit anigoruminaal­lutillu erloqinarmata’ nikallungallutalu kiserliorsin­naavugut. (Tim 2. 3:1) Ajornar­torsioraangattali ikiortis­saqarpugut. Annikil­liornitsinni ikiuisin­naasunik ilumoortunik ikinnguteqarneq pingaaruteqartoq Biibilimi erseqqis­sarneqarpoq. – Uss 17:17.

IKINNGUTAAL­LUARTUT QANOQ IKIUISINNAASUT

Apustilip Paulusip angalaqatiminik ikinnguteqarnini iluaqutigivaa. (Kol 4:7-11) Paulusi Romami parnaarus­saaqqatilluni nammineq iliuuserisin­naanngisaminik ikinngutiminit ikiorneqarpoq. Assersuutigalugu Epafroditusi Paulusip pisariaqar­titaanik qatanngutinit Filippimiunit tunissutigineqartunik pajussivoq. (Flp 4:18) Tykikorsip Paulusip allagai ilagiinnut assigiin­ngitsunut ingerlatippai. (Kol 4:7; studienote takuuk). Paulusip illuminit aneqqusaan­ngikkaluarluni parnaarus­saaqqagaluarlunilu ikinngutiminit ikiorneqarluartarami kiffartornini ingerlatiin­narsinnaavaa. Illimmi, qanoq ikinngutaal­luarsinnaavit?

Ullutsinni qatannguterpassuit ersersit­tarpaat qanoq ikinngutaal­luartoqarsin­naanersoq. Elisabetip, Spaniami pioneriusup, qatanngummit arnamit qanoq ikiorneqarsimanini nassuiarpaa. Anaanani katsorsar­neqarsin­naanngitsumik kræfteqalermat qatanngutip arnap Elisabet qiimmas­sarniarlugu Biibilimeersunik nassittarpaa. Elisabetip taakku kiserlior­nissaraluaminut iluaqutiginerarpai. – Uss 18:24.

Uppeqatigut ilagiinni sammisar­takkatsinnut tunngatillugu ikioraangatsigit ikinngutigiinnerput nakussatsittarpoq. Assersuutigalugu uppeqat utoqqalisimasoq ataatsimiigiar­nissamut oqaluus­sinissamul­luunniit biiliun­nissaanut neqeroorfigisin­naaviuk? Taamaalioruit qiimmas­saaqatigiissaasi. (Rom 1:12) Uppeqatittali ilaat angerlarsimaan­nartuupput. Taakkununnga qanoq ikinngutaal­luarsin­naavugut?

ANGERLARSIMAAN­NARTUUSUNUT IKINNGUTAALLUARIT

Uppeqatitta ilaat peqqiil­liornertik allalluunniit pissutigalugit ataatsimiit­tarfimmukarsin­naanngillat. Davidip kræfteqalerami tamanna misigaa. Ukiup sinnerlugu kemortittarpoq. Tamatumalu nalaani David nulianilu, Lidia, angerlarsimaf­fimminniit internetikkut ataatsimeeqataasarput.

Ilagiinni ikinngutiminnit qanoq ikiorneqartarpat? Ataatsimeereernerit tamaasa ataatsimiit­tarfimmiittut ilaasa David Lidialu internetikkut oqaloqatigisarpaat. Aamma David Lidialu ataatsimiinnermi akissuteqaraangamik ataatsimiinnerup kingorna uppeqatiminnit qiimmaal­lannartunik allaffigineqartarput. Tamakku pissutigalugit David Lidialu ilagiinnit immikkooratik misigisarput.

Angerlarsimaannartut oqaluus­seqatiginiarlugit iliuuseqarsin­naavugut? Immaqa iliuuseqalaagin­narnikkut taamaaliorsin­naavugut, taakkununngalu isumalerujus­suussaaq takutis­sagatsigu puiorsimanagit. (Uss 3:27) Allakkatigut telefonik­kulluunniit oqaluus­seqatiginis­saannut pilersaarusiorsinnaavit? Imaassinnaavoq angerlarsimaan­nartuusut katersuunnernut internetikkut peqataasinnaasut. Davidip Lidiallu taamatut periarfis­sinneqarnertik nuannaarutigisorujussuuaat. David ima oqarpoq: “Oqaluus­sisartoqatigiillu Biibilimik sammisaqaqatigiilaarnerput qinoqatigiin­nerpullu nukittorsaataaqaat.” Aamma Biibilimik ilinniar­titaqarutta immaqa isumaqatiginiarsin­naavarput angerlarsimaannartup angerlarsimaffiani misissueqatigiis­sinnaanerluta, tamanna ajornan­ngippat.

Uppeqatigut angerlarsimaan­nartuusut peqatigigaangatsigit inuttut pissusii nuanningaartut maluginiar­taratsigit qaninneruler­tarpagut. Assersuutigalugu oqaluus­seqatigigaangakkit maluginiar­tarlugulu Guutip oqaasia atorlugu oqaluus­siffigisamik uummataannik qanoq killiil­laqqitsigisut asaneruler­tarpatit. Taamaaliortaruit immaqa ilimagin­ngisannik ikinngutitaar­tussaatit. – Kor 2. 6:13.

Paulusi erloqinar­torsiulerut­tornermini ikinngutiminit Tittusimit tikeraar­neqarpoq tuppallersar­neqarlunilu. (Kor 2. 7:5-7) Tassa oqaatsikkut qiimmassaaneq pitsaavoq. Tittusilli maligas­siaanit eqqaasin­neqarpugut uppeqatitsinnik peqateqarnikkut ikiuinikkullu qiimmassaaneq aamma pingaaruteqartoq. – Joh 1. 3:18.

MALERSUGAANERUP NALAANI IKINNGUTAALLUARIT

Uppeqatigut Ruslandimiittut tapersersueqatigiil­luartut ilinniarfigil­luarsin­naavagut. Sergejip nuliatalu, Tatjanap, tamanna misigaat. Angerlarsimaffiat politiinit misissuif­figineqareermat tigusaapput killisior­neqarlutillu. Tatjana siulliulluni iperagaavoq. Sergej oqaluttuarpoq: “[Tatjana] angerlaq­qammiinnartoq qatanngutip arnap sapiilluni ornippaa. Ikinngutitta ilaasa allat ornippaatigut inissiatta misissuif­figineqareernerata kingorna torersaanermi ikiuukkiar­torlutik.”

Sergej nangilluni ima oqarpoq: “Ussatit 17:17 nuannariuaan­narpara, imami allassimavoq: ‘Ikinngutaasup asannissutsi tamatigut takutittarpaa, qatanngutaasorlu erniusimavoq annikil­liornermi ikiortis­saalluni.’ Malersugaanerup nalaani nammineersin­naananga allanit ikiorneqar­nissara pisariaqar­tinnerulerakku oqaatsit taakku uannut isumaqar­nerulerput. Jehovap isumagaa uannik tapersersuisunik sapiitsunillu ikinnguteqar­nissara.”a

Ulluni ilungersunar­torsiorfiusuni makkunani ikinnguteqar­nissarput pisariaqar­tipparput. Annikil­liornar­tussarsuarmilu suli pisariaqar­tinnerus­savagut. Taamaattumik maannangaaq sapinngisarput tamaat ikinngutigiil­luarniarta! – Pet 1. 4:7, 8.