Inuit namminis­sarsiortut assigeqinagit

MALUGINIAR­TARPIUK nalitsinni inuppassuit isumaqartut immikkut pisinnaatitaaf­feqartariaqarlutik immikkullu ataqqineqar­tariaqarlutik? Immikkullu pineqaraluarunik suli amerlanerusunik pisassaqar­tariaqarsoraat. Taamatulli isiginnit­taaseqartut namminis­sarsior­tuupput qujasuitsuul­lutillu. Biibili naapertorlugu inuit ulluni kingullerni taama ikkumaarput. – Tim 2. 3:2.

Soorunami itsarli namminis­sarsiortunik inoqartuaan­narnikuuvoq. Assersuutigalugu suna eqqortuunersoq sunalu eqqunngitsuunersoq Adamip Evallu namminneq aalajangerusuppaat. Taakkua aalajangernerat pissutigalugu naalliut­tarpugut. Aamma Judap kunngia, Uzzija, assersuutigineqarsinnaavoq. Taanna isumaqarpoq guutisiorfimmi tipigis­saatilliisin­naatitaalluni, taamaaliornerali kukkorujus­suarneruvoq. (Nal 2. 26:18, 19) Aamma farisæerit saddukiiarillu Aaperaat siuaasarigamikku isumaqarput Guutimit immikkut ittumik pineqas­sallutik. – Mat 3:9.

Inuit namminis­sarsiortut avatangiiseraagut, taakkualu isiginnit­taasiat sunnerneqaatigisin­naavarput. (Gal 5:26) Isumaqalersoorsin­naavugut immikkut pisinnaatitaaf­feqartariaqarluta immikkul­luunniit pineqar­tariaqarluta. Qanoq taamatut isiginnit­taaseqar­naveersaarsin­naavugut? Jehovap tamatumunnga isiginnit­taasiatut isiginnit­taaseqar­tariaqarpugut. Najoqqutassiat Biibilimeersut marluk uku iluaqutigisin­naavagut:

Sunik pisassaqar­tariaqar­nersugut Jehova aalajangiisuuvoq. Assersuutit uku eqqarsaatigikkit:

• Ilaqutariinni uiusoq nuliaminit ataqqineqar­tariaqarpoq, nuliaasorlu uiminit asaneqar­tariaqarpoq. (Ef 5:33) Aappalik aapparisaminit aappariittut asanninnermik ersersitsivigineqar­tariaqarpoq. (Kor 1. 7:3) Angajoqqaat meeqqaminnit naalanneqar­tariaqarput, meeqqallu angajoq­qaaminnit asaneqarlutillu isumagineqar­tariaqarput. – Kor 2. 12:14; Ef 6:2.

• Ilagiinni utoqqaanertat sulinertik pissutigalugu ataqqineqar­tariaqarput. (Tes 1. 5:12) Taamaattorli qatanngutitik naalagaaniarfigis­sanngilaat. – Pet 1. 5:2, 3.

• Guutip akueraa inuit naalakkersuisut innuttaminnut akileraaq­qusisin­naallutillu ataqqeq­qusinnaasut. – Rom 13:1, 6, 7.

Pisassaraluagut akimuungaarlugit Jehovap asannilluni tunisarpaatigut. Ajortiliugatta toqunissarput pisassaraarput. (Rom 6:23) Taamaattorli Jehovap asangaaramisigut assigiin­ngitsorpas­suartigut pilluaq­qusarpaatigut. (Tuss 103:10, 11) Tunissutai tamaasa pisassarin­ngikkaluarlugit ajunngisaangaarnera pissutigalugu tunineqar­tarpugut. – Rom 12:6-8; Ef 2:8.

QANOQ NAMMINIS­SARSIOR­TUNNGORNISSAQ PINAVEERSAARSIN­NAAGIPPUT

Inuit isiginnit­taasiat sunnerneqaatigeqinagu. Malugin­ngitsoorlugu eqqarsalersin­naavugut allanit pisassaqar­nerusariaqarluta. Jiisusip sulisut pillugit assersuusior­nermigut tamanna erseqqissarpaa. Ulloq naallugu sulisussat denaarimik ataatsimik akilerneqassapput. Taava ullup ingerlanerani amerlanerusut sulisus­sarsiarineqarput. Ullup naanerani sulisut tamarmik – aamma akunnermi ataasiinnarmi sulisut – assigiimmik akissarsisin­neqarput. Kisianni ulloq naallugu kiassuarmi sulisimasut isumaqarput allanit akilerneqar­nerusariaqarlutik. (Mat 20:1-16) Jiisusip taamaalilluni ilinniar­tippaatigut Guutip tukkorluni tunniussai tamaasa naammagis­sagigut.

Piumasaqar­tuaannarnak qujamasuttarit. (Tes 1. 5:18) Paulusi ilaaruk, taassumami Korintimi qatanngutiminit tunineqar­nissani pisassaraluani piumanngilaa. (Kor 1. 9:11-14) Tunissutigut suulluunniit qujamasuutigis­savagut amerlanerusunillu piumasaqarnata.

Maniguuttuugit. Inuk imminut pingaar­tippallaartoq pisassarisaminit pisassaqar­nerusariaqarsorisarpoq. Maniguunnerli taamatut kukkusumik eqqarsariaaseqar­naveersaar­nissamut iluaqutigis­savarput.

Pruffiiti Danieli maniguun­nermigut maligas­saalluarpoq. Nuimasunik ilaqutaqarpoq, isikkorissuuvoq, silatuujuvoq pikkoris­suullunilu. Taamaattumik misigisin­naagaluarpoq immikkut ataqqineqar­tariaqarluni pisassaqar­tariaqarlunilu. (Dan 1:3, 4, 19, 20) Kisianni Danieli taamaannani maniguut­tuarpoq, tamannalu pissutigalugu Jehovamit nuannarineqangaarpoq. – Dan 2:30; 10:11, 12.

Inuit namminis­sarsiortut pingaakujuttullu assigeqinagit. Jehovap ajunngisaangaar­nermigut tunniussai suulluunniit qujamasuutigalugillu nalerisimaarutigisigit.