Ataatsimeersuarnermut qaaqqusissutinik agguaaneq

Ukiut tamaasa ulluni pingasuni ataatsimeersuarnermi anersaakkut nerersuaqatigiinnissatsinnut qilanaartarpugut. Taamaattumik allat Jehovap ajunngissusianik ussiiniassammata sapinngisamik amerlanerpaat ataatsimeersuarnermut qaaqqusarpavut. (Tuss 34:9) Qaaqqusissutit qanoq pitsaanerpaamik atorneqarsinnaanersut utoqqaanertaqatigiit ataasiakkaat namminneq aalajangissavaat.

EQQAAMASASSAT

• Qaqugu ataatsimeersuassaagut?

• Qaqugu illoqarfitsinni immikkut suliniarneq aallartissava?

• Qaqugukkut katersuuttoqartassava?

• Immikkut suliniarnermi sunik anguniagaqarpunga?

• Kikkut qaaqqorusuppakka?

QANOQ OQASSAVIT?

Pisarnertut ilassinnereeruit ima oqarsinnaavutit:

“Pisussamut pingaarutilimmut qaaqqusissutinik nunarsuaq tamakkerlugu agguaasseqataavugut. Tamanna qaqugu sumilu pissanersoq qaaqqusissummi allassimavoq. Ataatsimeersuaqatigerusungaarpatsigit.”

QANOQ SOQUTIGINNILERSITSINIARSINNAAVIT?

Sapinngisamik inunnik amerlanerpaanik qaaqquserusukkaluarluta soqutiginninnermik ersersitsisut eqqumaffigisariaqarpavut.

Weekendini atuagassiaq qaaqqusissummut ilanngullugit neqeroorutigisinnaavat.